මේ වන විට කිසිවකුට ඇහුම්කම් නොදෙන ජනාධිපතිවරයා පොළොන්නරුවේ සිය නිවසට වී කාලය ගත කරමින් සිටින පැවසේ. මේ අනුව තව පැය 24 ක් ඇතුලත ඔහුගේ තීන්දුවක් ප්‍රකාශයට පත් කෙරෙණු ඇත. එහෙත් එය තමන්ගේ කැමැත්තට එදිරිව යන්නක් නොවනු ඇති බවට සැකයක් නැත. තවත් උන්මන්තක විගඩමක් ලෝකයට ඔහු ප්‍රදර්ශනය කරනු ඇත.
මේ අතර රාජපක්ෂ පුතුන් හා එම පාර්ශ්වයේ සූදු කාර මන්ත්‍රීවරුන් කිහිප දෙනා මනෝ ගනේෂන් රිෂාද් බදුර්දීන් පලනි දිගම්බරම් යන අයගේ කණ්ඩායම් පසුපස යමින් රුපියල් කෝටි සීයයේ සිට ඉහළට ලංසු ඉදිරිපත් කරමින් සිටින බවත් අතිශ්ය විශ්වාසදායක තොරතුරු මාර්ග තහවුරු කරයි. මේ වෙනුවෙන් මෙරට ප්‍රකට ව්‍යාපාරිකයකු මැදිහත්ව සිටී. හිටපු බැංකුකරුවකු මෙන්ම කොටස් වෙළඳපොළ ජාවාරම්කරුවකු ලෙස ප්‍රකට මෙම ව්‍යාපාරිකයා පසුගිය කාලයේ නාමල් රාජපක්ෂ සමඟ සිදු කළ කූට ගනු දෙනු නිසා මුල්‍ය අපරාධ කොට්ඨාශය විසින් නම් කළ චූදිතයකුද වේ.
එක්සත් ජාතික පක්ෂය ඊයේ රාත්‍රිය වන විට 113 ක බහුතරයේ දිවරුම් ප්‍රකාශද සූදානම් කරගෙන සිටි නමුත් සිරිසේන ඔවුන් හමුවීම මඟ හැර තිබිණි. මේ අතර දෙමළ ොතික සන්ධානයට අද සවස 5 ට හමුවීම සඳහා වෙලාවක් ලබා දී තිබේ.
කෙසේ නමුත් සීරිසේන කවර මිළක් හෝ ගෙවා මහින්ද රාජපක්ෂට අගමැති පු‍ටුව බාර දීම සිදු කෙරෙනු ඇති බවට දැන් සැකයක් නැත. ඒ මිළ මේ රටේ ප්‍රජාතන්ත්‍රවාදී ප්‍රගතිශීලී පුරවැසියාගේ ජීවිතවලින් වුව ගෙවීමට ඇති සූදානම ඊයේ සිරිසේනගේ අනුදැනුම මත පාර්ලිමේන්තුව තුලදී ශ්‍රීලනිප හා පොහොට්‍ටු මන්ත්‍රීවරුන්ගේ හැසිරීමෙන් ඔප්පු කර තිබිණි.
