අපරාධ පරීක්ෂණ දෙපාර්තමේන්තුවේ දක්ෂ රහස් පරීක්ෂකයකු වූ සමූහ මංකොල්ල විමර්ශන අංශයේ ස්ථානාධිපති නිශාන්ත සිල්වා මහතා තරුණයන් 11 දෙනෙකු පැහැරගෙන ගොස් මරා දැමීම ගැන නාවික හමුදා නිලධාරීන්ට එල්ල වූ චෝදනාව, සම්බන්ධයෙන් විමර්ශනය සිදු කිරීම මෙන්ම ඊට අදාලව ආරක්ෂක මණ්ඩලික නිලධාරී රවී විජේගුණවර්ධනව අත් අඩංගුවට ගැනීම විය යුතු බවට අධිකරණය හමුවේ ඉල්ලා සිටියේද මෙම නිලධාරියාය. එමෙන්ම කීත් නොයාර් පැහැරගෙන ගොස් පහර දීම, මාධ්‍යවේදී ලසන්ත වික්‍රමතුංග ඝාතන පරීක්ෂණය, මාධ්‍යවේදී උපාලි තෙන්නකෝන්ට පහර දීම, මාධ්‍යවේදී නාමල් පෙරේරාට පහර දීම ඇතුලු විමර්ශන ගනනාවක් සිදු කරමින් සිටි ජේෂ්ඨ පොලිස් නිළධාරියෙකි.
මීට පෙර යාපනයේ විද්‍යා දැරිය දූෂණය කොට මරා දැමීම ගැන විමර්ශන සිදු කර එම අපරාධ කරුවන් සියලු දෙනා නීතියේ රැහැනට කො‍ටු කර ගත්තේද මේ නිලධාරියා යටතේය, එමෙන්ම 2014 වසරේ දී කුරුණෑගල මහව ප්‍රදේශයේ දරුවකු පැහැරගෙන ගොස් කප්පම් ඉල්ලීමේ ආන්දොලනාත්මක සිදු වීම සම්බන්ධයෙන්ද විමර්ශන සිදු කළේ මෙම නිළධාරියාය.
