එසේම රට පුරා දැඩි ඖෂධ හිඟයක් ද පවතින අතර අත්‍යවශ්‍ය ඖෂධ ගෙන්වීම සඳහා අරමුදල් ලබා දීම ද නොහැකි තත්වයක පවතින බවයි එම නිළධාරියා පැවසුවේ.

මේ අතර මුදල් අමාත්‍යංශ ලේකම් එස්. ආර්. ආටිගල මහතා සන්ඩේ ටයිම්ස් පුවත්පතට ප්‍රකාශ කර සිටියේ මෙම ගැටළුවට එකම විකල්පයඅත්‍යවශ්‍ය නොවන ව්‍යාපෘති සඳහා යොදවා ඇති අරමුදල් අත්‍යවශ්‍ය ව්‍යාපෘති සම්පූර්ණ කිරීම සඳහා යොදා ගැනීම බවයි. මෙම තත්වයට මුහුණ දීමට සිදු වූයේ පසුගිය සති තුන තුළ පාර්ලිමේන්තුවේ කටයුතුවලට බාධා සිදුවීමත් සමඟ බවයි ආටිගල මහතා පවසන්නේ.

මේ නිසා ඉන්ධන මිළදී ගැනීම, විදුලි බල උත්පාදනය හා සෞඛ්‍ය ක්ෂේත්‍රය ඇතුළු අනෙකුත් අත්‍යශ්‍ය අංශවලට අවශ්‍ය අරමුදල් වෙනත් අමාත්‍යංශවලින් ලබා ගත් බව ආටිගල මහතා වැඩිදුරටත් කියා සිටියා. එලෙස සොයා ගත් අරමුදල් මේ වන විට සෞඛ්‍ය අමාත්‍යංශයට ලබා දී තිබෙනවා.

යම් හෙයකින් මාර්ග සංවර්ධන අධිකාරියේ සංවර්ධන ව්‍යාපෘති වැනි ව්‍යාපෘති සඳහා මුදල් ප්‍රතිපාදන අවශ්‍ය වුවහොත් ඒ සඳහා ජනාධිපති සිරිසේන මැදිහත් වී මුදල් ලබා දෙන බව ද මුදල් අමාත්‍යංශ ලේකම්වරයා ප්‍රකාශ කළා. කෙසේ නමුත් වාර්ෂික අයවැය ලේඛනය ප්‍රමාද වීම හේතුකොටගෙන ලබන වසරේ පළමු මාස තුන සඳහා මුදල් අමාත්‍යංශය විසින් යෝජනා ඉදිරිපත් කිරීමට සැළසුම් කර තිබෙන බවද ආටිගල මහතා පවසනවා.

එම යෝජනාවන් අමාත්‍යංශ සඳහා වූ වාර්ෂික වියදම පදනම් කරගෙන සකස් කර ඇති අතර එය කැබිනට් අනුමැතිය සඳහා ජනාධිපතිවරයාගේ නිරීක්ෂණයට යොමු කරන බවද ලේකම්වරයා සඳහන් කරනවා. ඒ අතර විදෙස් ණය ගෙවීම සඳහා ද ගත යුුතු පියවරයන් ඇතුළත් වන බව ආටිගල මහතා කියා සිටියා.

මේ අතර අග්‍රාමාත්‍ය ලේකම් එස් අමරසේකර පවසන්නේ ඉදිරි මාස කිහිපය තුළ නව ව්‍යාපෘති ආරම්භ නොකරන මුත් දැනටමත් ආරම්භ කර ඇති ව්‍යාපෘති ඒ අයුරින්ම පවත්වාගෙන යන බවයි.

http://www.sundaytimes.lk/181118/news/treasury-buys-time-by-shuffling-funds-around-320984.html