අද දින මන්ත්‍රීවරුන් 113 දෙනගේ දිවුරුම් පෙත්සම් බාර දිමට සූදානම් වූවද සිරිසේන එය බාර ගැනිමට කැමැති වී නැත. අප අද පෙර වරුවේද කිය සිටියේ මෙම සර්වපාක්ෂික සමුළුව සිරිසේනගේ තවත් තකක්ඩි වැඩක් බවය.
හෙට දිනයේදී මෙම බහුතරය පාර්ලිමේන්තුව හමුවේ ඔහු බලාපොරොත්තු වෙන ' විධිමත්' ක්‍රමයට පෙන්විය යුතු බව සිරිසේන පවසා ඇත.
මේ අතර එක්සත් ජාතික පෙරමුණ ඇමති අජිත් පි පෙරේරා මාධ්‍ය හමුවේ කියා ඇත්තේ තමන්ට බහුතරය ඇතිබව පෙන්විමට 113 දෙනෙකුගේ දිවුරුම් ප්‍රකාශ හෙට දිනයේදි සුදානම් බව සිරිසේනට දැන්වු බවය.
සර්වපාක්ෂික සමුළුව සිරිසේනගේ තවත් බල පෙරේත කුමන්ත්‍රණයක්
සිරිසේන ජනාධිපතිවරයා අද සවස කැඳවා තිබෙන සර්ව පාක්ෂික් සමුළුව බලයට තිබෙන මළ පෙරේතකම නිසා සිදු කරන්නක් බව පැහැදිලි වෙමින් තිබේ.
ජනාධිපති සිරිසේන විසින් හිතමතාම නිර්මාණය කරනු ලැබූ වත්මන් දේශපාලන අර්බුධය විසඳිමේ අවශ්‍යතාවයක් ඔහුට කිසිසේත්ම නොමැත. පාර්ලිමේන්තුව නියමාකරයෙන් රැස් කර මෙම ගැටලුව නිශ්චිත ලෙස විසඳා ගැනිමේ හැකියාව තිබුණද එය කල් දැමිම නැවත විසුරුවා හැරීම ඔහු විසින් සිදු කළ තක්කඩි ක්‍රියාවක් බවත් පැහැදිලිය එමෙන්ම පාර්ලිමේන්තුව අධිකරණ නියෝගයෙන් පසුව රැස් කිරීම කඩාකප්පල් කිරීම ඔහුගේ සැලසුමක් අනුව සිදුවෙමින් පවතින බව පැහැදිලි කාරණාවකි.
පාර්ලිමේන්තුව හමුවේ දෙවරක්ම සම්මත කෙරුණු විශ්වාසභංග යෝජනාව පිළි නොගෙන සිටිමට ඔහුට කිසිසෙත් නොහැකි නමුත් බලපෙරේතකම නිසා එය නොතකා සිටී.
පසුගිය දින කිහිපයේදී එක්සත් ජාතික පක්ෂය තමන්ට 113 ක බහුතරය සිටින බවට දිවුරුම් පෙත්සම් මාර්ගයෙන් දැනුම් දිමට උත්සහ ගත්තද එය බාර ගැනීමෙන් වැලැකී සිටීමට සිරිසේන කටයුතු කළේය.
මේ අනුව අද සවස රැස් කිරීමට නියමිත සර්වපාක්ෂික සමුළුවද එජාප ආණ්ඩුවක් බිහි වීම වැලැක්වීම සදහා ගන්නා සටකපට උත්සාහයක් බව පැහැදිලිය.
මෙම කුමන්ත්‍රණකාරී සමුළුවට සහභාගි නොවීමට කතානායකවරයා නිවැරදි තීන්දුවක් ගෙන තිබෙන අතර ජනතා විමුක්ති පෙරමුණද එය වර්ජනය කර තිබේ,
නීති විරෝධී ලෙස කටයුතු කරන ත්‍රාඩ මෝඩ ජනාධිපතිවරයකු හා තවත් සාකච්ඡා කිරීමෙන් පළක් නැත.
රටේ ප්‍රජාතන්ත්‍රවාදය සුරක්ෂිත කිරීම වෙනුවෙන් දැන් කළ යුතු වන්නේ මේ සිරා මරා බලු පූට්‍ටුව පන්නා දැමීමේ කාර්යභාරයයි . එය රටේ බුද්ධිමත් ප්‍රගතිශිලි ජනතාවගේ වගකීමක් වේ. මේවන විටත් රට දැවැන්ත ආර්ථික අර්බුධයකට ගොදුවී අවසන්ය. ඉදිරි මාස කිහිපය ඇතුලත මේ පළ විපාක සමස්ථ ජනතවටම් බුක්ති විඳිමට සිදුවනු ඇත.
