මොහුට එරෙහිව සාක්ෂි ඇතිනම් අත් අඩංගුවට ගැනීමේ අවසරය මීට පෙර කොටුව මහේස්ත්‍රාත් අධිකරණය අවසර දී තිබිණි. එහෙත් කොටුව මහෙස්ත්‍රාත් ලංකා ජයරත්න මෙනවියට පසුගියදා ස්ථාන මාරුවක් ලබා දීමට ඉහළින් නියොගයක් ලබා දී තිබිණි. එසේම මෙම පරීක්ෂණ කටයුතු සිදු කළ රහස් පොලීසියේ නිශාන්ත සිල්වාව රහස් පොලිසියෙන් ඉවත් කිරීමට ජනාධිපතිවරයා නියෝග කළ බව පොලිස්පතිවරයා පවසයි.
පුද්ගලයන් 11 දෙනෙකු පැහැර ගෙන ගොස් ඝාතනය කිරීම සම්බන්ධ සිද්ධියේ ප්‍රධාන සැකකරුවකු වන නාවික හමුදා නිළධාරියකුට රැකවරණ ලබාදීම සහ රහසිගතව මෙරටින් පිට කිරීමට සම්බන්ධයෙන් ආරක්ෂක මාණ්ඩලික නිලධාරී රවී විජේගුණවර්ධනට චෝදනා එල්ල වී තිබෙනවා.
