අග්‍රාමාත්‍ය මහින්ද රාජපක්ෂ මහතා එක්සත් ජාතික පෙරමුණේ නායක රනිල් වික්‍රමසිංහ මහතා වෙත මේ බව දැනුම් දී තිබෙන්නේ පාර්ලිමේන්තුවේ පුස්තකාලයේ දී අද (30) හදිසියේම මුහුණට මුහණ හමුවූ අවස්ථාවේදීය.
එහිදී එක්සත් ජාතික පෙරමුණේ නායක රනිල් වික්‍රමසිංහ මහතා මහතා අග්‍රාමාත්‍ය මහින්ද රාජපක්ෂ මහතාට කියා තිබෙන්නේ එසේ ඉල්ලා අස්වීමේ අවශ්‍යතාවක් නොමැති අතර ජනාධිපතිවරයා සිය කණඩායමේ බහුතරය පිළි ගෙන ධූරයෙන් පහ කරන තුරු අගමැතිකමේ රැදී සිටින ලෙසය.
ඒ සඳහා ඔබට අයිතියක් තිබෙන බව ද,අග්‍රාමාත්‍ය ධූරයෙන් ඔබව පහ කළ යුත්තේ ඊට ඔබව පත් කරනු ලැබූ ජනාධිපති මෛත්‍රීපාල සිරිසේන මහතා විසින්ම බව ද රනිල් වික්‍රමසිංහ මහතා එහිදී මහින්ද රාජපක්ෂ මහතා හමුවේ පෙන්වා දී ඇත.
එක්සත් ජාතික පක්ෂ ආරංචි මාර්ග සඳහන් කරන්නේ අද සවස රනිල් වික්‍රමසිංහ මහතා ඇතුළු ඇමැති මණ්ඩලය පත් කිරීමට ජනාධිපති සිරිසේන විසින් කටයුතු සම්පාදනය කරනු ඇති බවය. ජනාධිපතිවරයා සහ එක්සත් ජාතික පක්ෂ නායකයන් සවස 7 ට විශේෂ සාකච්ඡාවක නිරත වීමටද නියමිතය. නව ආණ්ඩුවේ ඇමැති මණ්ඩලයද මේ වනවිට සකස්කර අවසන් බව ද පැවසේ. ජනාධිපතිවරයාට එරෙහිව දොෂාභියෝග යෝජනාවක් ගෙන එමට පසුගිය දිනවලදි එක්සත් ජාතික පක්ෂය සුදානම් වී තිබූ අතර ඊට අවශ්‍ය සියලු කාරණා සම්පුර්ණවී තිබිණි. අද ජනාධිපතිවරයා සමඟ වන සාකච්ඡාවේදී මෙම යෝජනාව ඉදිරිපත් නොකර සිටීමට කරන ඉල්ලීමක් ද අඩංගු බව එජපයේ ආරංචි මාර්ග පවසයි.
එක්සත් ජාතික පක්ෂය ප්‍රමුඛ ආණ්ඩුවක් පිහි‍ටු වීම සඳහා දෙමළ ජාතික සන්ධනයේද සහය ලැබිමට නියමිතව ඇති අතර ඒ අනුව රනිල් වික්‍රමසිංහ පාර්ලිමේන්තුව තුල 117 ක බහුතරයක විශ්වාසය දිනාගත් මන්ත්‍රීවරයා බවට මේ වන විටත් අවශ්‍ය පණිවිඩය ජනාධිපතිවරයා වෙත ලබා දී ඇති බවත් එජාප ආරංචි මාර්ග පවසයි.
