එම එකඟතාවය මත මහින්ද රාජපක්ෂ අගමැතිධුරය බාරගෙන තිබේ. එහෙත් මහින්දට අවශ්‍ය 113 ක බහුතරය සකසා දිමට සිරිසේන දුන් පොරොන්දුව ඉ‍ටු කර ගැනිමට නොහැකි විය. මාසයක් තිස්සෙ දන්නා දහං ගැට සියල්ලම ගැසුවත් සිරිසේන අසාර්ථක විය. මහින්දට හෝ ඔහුගේ දේශපාලන මෙහෙයුම් කරුවා වූ බැසිල්ටවත් එය සිදු කර ගන්නට නොහැකි විය.

මේ තත්වයන් හමුවේ එජාපය ඉතා පැහැදිලිව පාර්ලිමේන්තු බහුතරය තමන්ට තිබෙන බව 6 වරක්ම ඔප්පුකර පෙන්වීමට සමත් විය. මේ නිසා තව දුරටත් මහින්ද සරණ යෑම පළක් නොවන බව සිරිසේට තේරුම් ගිය නිසා එජාපයට ආණ්ඩුවක් පිහි‍ටු වීමට ඉඩ දෙන බවට ඊයේ පෙරේදා පණිවිඩ පිට පණිවිඩ එව්වෙය. ඒ අනුව අද දින ඒ සියල්ල සම්පුර්ණ කර අගමැතිවරයා ලෙස රනිල් වික්‍රමසිංහගේ දිවුරුම් දිමද සූදානම් කෙරිණි.

එහෙත් අද පෙරවරුවේ සිරිසේන විසින් ලබා දුන් පණිවිඩයේ සඳහන් වෙන්නේ තමන්ට 2020 ජනධිපතිවරණයේ පොදු අපෙක්ෂකයා ලෙස ඉදිරිපත් වීමට ඉඩ සලසනවා නම් රනිල්ව අගමැති ලෙස පත් කරන බවය.

ඊට එජාපය අදි මදි කළෙන් තව දුරටත් දේශපාලන අර්බුධය නොවිස‍ඳෙන ලකුණු පහළ වී ඇත.
මේ අනුව අද සවස 7.30 ට පමණ ආරම්බ කිරීමට නියමිත ජනාධිපතිවරයා සහ එජාපය අතර සාකච්ඡාව අතිශය තීරනාත්මක වනු ඇත. දෙපාර්ශ්වයෙ මෙම දේශපාලන ගනු දෙනුව එකඟ තාවයකින් කෙළවර වුවහොත් හෙට සිට මේ දේශපාලන අර්බුධය නිම වෙනු ඇත.

බල ලෝභියෙක් ජනාධිපතිධුරයට පත් කර ගැනීමේ ආනිසංසය නිසා අද රටම දැවැන්ත ආර්ථික හා සමාජීය අර්බුධයකට පත් කෙරී ඇත.