රේගු දෙපාර්තමන්තුවේ " ප්‍රධාන තොරතුරු තාක්ෂණ නිලධාරී තනතුර" සඳහා උපදේශක මට්ටමින් ආචාර්ය චතුර ද සිල්වා ව පත්කිරීමට රේගු වෘත්තීය සමිති එකඟවූ බව සඳහන් කරමින් රේගු අධ්‍යක්ෂ ජනරාල් චුලානන්ද පෙරේරා සාවධ්‍ය කරුණක් මුදල් අමාත්‍යංශයේ ලේකම්වරයාට දැනුම්දී ඇතැයි රේගු වෘත්තීය සමිති සඳහන් කරයි.

ශ්‍රී ලංකා රේගුවේ මෙහෙයුම් කටයුතු ශක්තිමත් කිරීම සඳහා යැයි පවසමින් වයස අවුරුදු 60 ඉක්මවූ වයවෘද්ධ පුද්ගලයෙකු "ප්‍රධාන තොරතුරු තාක්ෂණ නිලධාරී" නම් තනතුරකට බඳවා ගැනීමේ සුදානමක් ව්‍යර්ථ කරලීමට වෘත්තීය සමිති කටයුතු කර ඇති බව රේගු ආරංචිමාර්ග සඳහන් කරයි.