එම ආරංචි මාර්ග පෙන්වා දෙන ආකාරයට මෙසේ විශ්‍රාමික අයෙකු බඳවා ගැනීම සඳහා මුදල් අමාත්‍යංශය ඇතුළුව රේගු අධ්‍යක්ෂ ජනරාල්වරයා උත්සහ කරමින් සිටින්නේ එම විෂය පතය තුළ කටයුතු කිරීමට සමත් ඕනෑතරම් රේගු නිලධාරීන් රේගුව සතුව සිටියදීය.
එසේම මෙකී බඳවා ගැනීම සිදුකරන ආකාරය අනුව රේගුවේ වෘත්තීය සමිති වල එකඟතාවයෙන් සාදන ලද බඳවාගැනීමේ පටිපාටියටද පටහැනිව බවද එම ආරංචි මාර්ග සඳහන් කරයි.
මේ වන විට අදාළ කටයුත්තට එරෙහිව ශ්‍රී ලංකා රේගුවේ වෘත්තීය සමිති සිය විරෝධය පළකර ඇති අතර ඒ බව ලිඛිතවද දැනුම්දීමට ඔවුන් කටයුතු කර ඇත.
ඒ තුළ රේගු වෘත්තීය සමිති පෙන්වාදී ඇත්තේ කැබිනට් පත්‍රිකා අංක 16/2044/719/131 මඟින් කැබිනට් අනුමැතිය ගෙන ඇති නමුත් බඳවා ගැනීමේ පටිපාටියට බැහැරව සිදුකරන්නට යන මෙම පත්වීම සඳහා කවුරු පත්කළත් එම පුද්ගලයාගේ උපදෙස් සහ නියෝග පිලිනොපැදීමට වෘත්තීය සමිති එකඟතාවයකට පැමිණ ඇති බවය.
කෙසේ වුවත් වෘත්තීය සමිති වල දැඩි බලපෑම හේතුවෙන් මෙතෙක් එම පත්වීම සිදුකිරීම කල් දමා ඇති අතර ඒ වෙනුවට රාජපක්ෂ රෙජීමය සමඟ ගනුදෙනු කළ වෙනත් ව්‍යාපාරිකයෙකු ඔහුගේ අධ්‍යාපනික සුදුසුකම් මත බඳවා ගැනීමේ උත්සාහයක්ද දියත්ව ඇති බවය.
