ඡන්දය දින රාත්‍රී සිදුකිරීමට ගිය බව කියන කුමන්ත්‍රණය ගැන අපරාධ පරීක්ෂණ දෙපාර්තමේන්තුව විසින් දැනට පවත්වාගෙන යන පරීක්ෂණයේ වාර්තාව සතියක් ඇතුළත ඉදිරිපත් කළ යුතුය යන එකඟතාවයට අද රැස්වූ ජාතික විධායක සභාව පැමිණි බව ජවිපෙ නායක අනුර කුමාර දිසානායක මහතා පවසයි. 
පසුගිය 2012 වසරේ නොවැම්බර් 09 වන දින සහ ඊට පසු දින  ‍රැඳවියන් 27 දෙනෙකු වැලිකඩ බන්ධනාගාර යේදී   මරා දැමීම සම්බන්ධයෙන් ඒ ඇසින් දු‍ටුවෙකුගේ සාකෂියක් ගෝ රයිට් සාමුහිකය වෙත ඉදිරිපත්ව තිබේ.

ආයතන ගනනාවක් සම්බන්ධයෙන් අල්ලස් හා දූෂණ විමර්ෂණ කොමිසමට අද (20) පැමිණිලි කරන බව දූෂණ විරෝධී පෙරමුණ පවසයි.

රාජපක්‍ෂ රජය යටතේ විදේශ තානාපති සේවාවන් සඳහා පත් කර යැවූ ඥාතින් හා හිතමිතුරන් 31 දෙනෙකු ආපසු ​සියරට කැඳවන බවට නව රජයේ විදේශ අමාත්‍යාංශය නිවේදනය කළ ද විදේශ සේවාවන් සදහා පත් කර ඇති ත්‍රිවිධ හමුදා නිලධාරින් නැවත කැඳවීමට මෙතෙක් පියවර ගෙන නොමැති බව වාර්තා වේ.

තම පියාවන භාරත ලක්ෂ්මන් ප්‍රේමචන්ද්‍ර මහතාගේ ඝාතනය සම්බන්ධයෙන් හිටපු අමාත්‍ය මර්වින් සිල්වා මහතා විසින් සිදුකළ ප්‍රකාශය සම්බන්ධයෙන් වහාම පරීක්ෂණයක් ඉල්ලා පොලිස් මූලස්ථානයට හා අංගොඩ පොලීසියට පැමිණිල්ලක් ඉදිරිපත් කළ බව බස්නාහිර පළාත් මන්ත්‍රිනී හිරුණිකා ප්‍රේමචන්ද්‍ර පැවැසුවාය.

ලංගමය යනු එජාපයේවත් ශ‍්‍රීලංනිපයේවත් ශාඛා සංගමයක් නොවන බව සමස්ත ලංකා ප‍්‍රවාහන සේවක සංගමයේ ප‍්‍රධාන ලේකම් සේපාල ලියනගේ පවසයි. ඊයේ (19) කොළඹ ජාතික පුස්තකාල ප‍්‍රලේඛන මණ්ඩල ශාලාවේදී පැවැති මාධ්‍ය හමුවක් අමතමින් ඔහු මේ බව පැවසීය.

නීතිඥ ශිරාල් ලක්තිලක මහතා ජනාධිපති සම්බන්ධීකරණ ලේකම්වරයා ලෙස ආණ්ඩුක්‍රම ව්‍යවස්ථාවේ 41 (1) වගන්තිය යටතේ පත් කොට ඇත.

අගමැති රනිල් වික්‍රමසිංහ මහතාගේ ප්‍රධානත්වයෙන් මේ වන විට පිහි‍ටුවා ඇති ආණ්ඩුව ලබන අප්‍රේල් මස 24 වන දින විසුරුවා හැර මහ මැතිවරණයක් පවත්වන බව රාජය පරිපාලන හා බුද්ධ ශාසන ඇමැති කරූ ජයසූරිය මහතා පවසයි. එමෙන්ම මහ මැතිවරණයෙන් කවර පක්ෂයක් ජය ගත්තද වසර දෙකක කාලයක් සඳහා නැවත්ටත් ජාතික ආණ්ඩුවක් පිහි‍ටුවන බවත් ඇමැතිවරයා පවසයි.

ld add copy

Connet With Us