පසුගිය වසරේ (2013) සිට මේ දක්‌වා ඩී.සී.ඩී. රසායනිකය අඩංගු බව තහවුරු වූ කිසිදු ආනයනික කිරිපිටි තොගයක්‌ මෙතෙක්‌ වෙළෙඳපොළින් ඉවත් කිරීමට හෝ විනාශ කිරීමට බලධාරීන් පියවර ගෙන නැති බව ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමයේ සභාපති උපුල් රෝහණ මහතා ඊයේ (23 දා) පැවැසීය.
බ්‍රිතාන්‍ය ජාතික කුරම් ෂෙයික් ඝාතනය සම්බන්ධයෙන් දඬුවම් නියමවූ තංගල්ල ප්‍රාදේශීය සභාවේ හිටපු සභාපතිවරයාට අධිකරණයේ සිට බන්ධනාගාරයට රැගෙන යද්දී මාධ්‍ය කැමරාවලින් ඔහුගේ මුහුණ ආරක්‌ෂා කිරීමට උත්සාහ කළ බන්ධනාගාර නිලධාරියා වහාම ක්‍රියාත්මක වන පරිදි මීගමුව පල්ලන්සේන එළිමහන් සිරකඳවුරට මාරුකර යෑවූ බව බන්ධනාගාර කොමසාරිස්‌ ජනරාල් සී. පල්ලේගම මහතා පැවැසීය.
අත්අඩංගුවට ගනු ලබන මත්කුඩු තොගවලට කුමක්‌ කරන්නේද යන්න මේ දිනවල සමාජයේ ප්‍රබල මාතෘකාවක්‌ වී ඇති බැවින්, දිවයින "පුවත්පත විසින් ඒ පිළිබඳව විශේෂ සමීක්‍ෂණයක්‌" පවත්වා ඇත.
තාක්ෂණ හා පර්යේෂණ අමාත්‍ය පාඨලී චම්පික රණවක මහතාගේ නිල Facebook ගිණුම සහ රසික පිටුව (FB page) කිසිඳු හේතුවක් නොදක්වමින් 'බ්ලොක් කර' ඇති බව ඇමති චම්පික රණවක මහතා පවසයි.
2008 අංක 14 දරන ක්‍රමෝපාය සංවර්ධන ව්‍යාපෘති පනත සංශෝදනය කළ යුතු බව පවසමින් එක්සත් ජාතික පක්ෂ පාර්ලිමේන්තු මන්ත්‍රී කරු ජයසූරිය මහතා විසින් ඉදිරිපත් කළ කෙටුම්පත අද (23) පාර්ලිමේන්තුවේදී ප්‍රතික්ෂේප විය.
සපුගස්කන්ද තෙල් පිරිපහදුවේ නේවාසිකාගාරයතුළ පසුගියදා සිදුවී ඇති ස්ත්‍රී දූෂණයකට සම්බන්ධ තිදෙනෙකු සපුගස්කන්ද පොලීසිය විසින් ඊයේ (22) අත්අඩංගුවට ගෙන ඇති අතර ඔවුන් නිදහස් කරගැනීම සඳහා ඛණිජ තෙල් සංවර්ධන නියෝජ්‍ය අමාත්‍ය සරණ ගුණවර්ධන මහතා සපුගස්කන්ද පොලීසියට බලපෑම් කරමින් සිටින බව වාර්තා වේ.
යාල වනෝද්‍යානය මාසයක කාලයක් වසා දැමීමට අවධානය යොමුව ඇත. වනජිවි අධ්‍යක්‍ෂ ජෙනරාල් එච්.ජී රත්නායක මහතා කියා සිටියේ මේ දිනවල පවතින නියං සහිත කාලගුණය ඊට හේතුව බවයි.
අසාධාරණ ලෙස සිසුන් 28 කට පනවා ඇති පන්ති තහනම ඉවත් කිරීම ඇතුලූ ඉල්ලීම් 9 ක් මුල් කරගනිමින් සරසවි සිසුන් මේ වන විට විරෝධතා පා ගමනින් විශ්ව විද්‍යාල ප‍්‍රතිපාදන කොමිෂන් සභාව වෙත පැමිණෙමින් සිටී.
