කාසියේ වාසිය දිනාගනිමින් ප්‍රථමයෙන් පන්දුවට පහරදීමට එංගලන්ත නව නායක ඉයන් මෝගන් තීරණය කරන ලදී. ඕස්ට්‍රේලියානු පන්දු යවන්නන් හමුවේ එංගලන්ත පිල පන්දුවාර 47 කදී සියලු දෙනා දැවී ලකුණු 234ක් ලබාගත්හ.

මුළු ලකුණු සංඛ්‍යාව 69 ට කඩුලු 5ක් තිබියදී නායකත්වයේ ඉනිමක් ක්‍රීඩාකරමින් සිය එක්දින දිවියේ 7 වන ශතකය වාර්තාකරමින් ලකුණු 121ක් වාර්තා කිරීමට සමත් විය. එයට හතරේ පහර 11ක් සහ හයේ පහර 3 ක් ඇතුලත් විය. පන්දු යැවීමේදී ඔස්ට්‍රේලියාව වෙනුවෙන් මිචෙල් ස්ටාර්ක් කඩුලු 4ක් සහ ෆෝල්ක්නර් කඩුලු 3ක් බිඳ හෙළිය.

ලකුණු 235 කැ ඉලක්කයක් හඹා ගිය ඕස්ට්‍රේලියානුවන් පන්දු 61 ඉතිරිව තිබියදී කඩුලු හතක දැවී සිය ජයග්‍රහණය තහවුරු කර ගත්හ. ආරම්භක පිතිකරු ඩේවිඩ් වෝර්නර් වේගවත් ඉනිමක් ක්‍රීඩාකරමින් සිය 3 වන එක්දින ශතකය ලෙස ලකුණු 127 වාර්තා කරේ පන්දු 115 කට මුහුණ දෙමිනි.

ස්ටීවන් ස්මිත් ලකුණු 37ක් ද රැස් කළහ. එංගලන්තය වෙනුවෙන් වෝක්ස් කඩුලු 4ක් බිඳ හෙළිය. තරඟයේ විරය සම්මානය ඩේවිඩ් වෝනර් විසින් දිනාගත් අතර තරඟාවලියේ මීළග තරඟය ඔස්ට්‍රේලියාව සහ ඉන්දියාව අතර මෙල්බර්න් හිදී 18 වනදා පැවැත්වීමට නියමිතයි.

මහේෂ් මධුසංක