ත්‍රිවිධ හමුදාවට පොලිස් බලතල පවරන ජනාධිපති රෙගුලාසි වලට එරෙහිව පෙරටුගාමී සමාජවාදී පක්ෂය මූලික අයිතිවාසිකම් පෙත්සමක් අද ගොනු කළේය.
වැලිකඩ බන්ධනාගාරයේදී 2012 වසරේ නොවැම්බර් මස 9 වැනිදා සිදුවූ කළහකාරී සිද්ධියේදී රැඳවියන් 27 දෙනෙකු මියයෑමේ සිද්ධිය සම්බන්ධයෙන් යහපාලනයක් සඳහා වූ නීතීඥයෝ සංවිධානයේ නීතීඥයින් පිරිසක් අද අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළේය.
පාර්ලිමේන්තු මන්ත‍්‍රී තිස්ස අත්නායක මහතා අද (02)දහවල් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත.
හිටපු ජනපති මහින්ද රාජපක්ෂ මහතා යටතේ පැවති මහාමාර්ග අමාත්‍යාංශය පසුගිය වසරේදී රුපියල් කෝටි 5000 කට අධික මුදලක් එක්සත් ජනතා නිදහස් සන්ධානයේ ජනාධිපතිවරණ ප්‍රචාරක කටයුතු සදහා වැය කර ඇති බව මූලික පරීක්ෂණවලදී හෙළිවී ඇතැයි මහාමාර්ග සහ ආයෝජන ප්‍රවර්ධන ඇමති කබීර් හෂීම් මහතා පැවසුවේය.
ඊයේ (01) නාවික හමුදා හා හැව්ලොක් රග්බි කණ්ඩායම අතර වැලිසර පැවැති රග්බි තරගයෙන් නාවික හමුදා කණ්ඩායම පරාජය වීමෙන් අනතුරුව එම කණ්ඩායමේ කිහිප දෙනෙකු විසින් එම තරගයේ විනිසුරුවරුන්ට හා ප්‍රතිවාදී කණ්ඩායමේ ක්‍රීඩකයන් කිහිප දෙනෙකුට පහර දී ඇති බව වාර්තාවේ.
එල්ටීටීඊ සංවිධානය හා රාජපක්ෂ පවුල අතර තිබුණු රහස් සම්බන්ධතා හෙළි කිරීමට රජය සූදානම් වේ. 2005 ජනාධිපතිවරණයේදි එල්ටීටීඊ සංවිධානයට මුදල් ලබා දීමත් 2010 ජනාධිපතිවරණයේදී එම සංවිධානයේ සහය ලබා ගැනීමත් ඇතුළුව රාජපක්ෂ පවුලේ සාමාජිකයන් එම සංවිධානයේ ප්‍රබලයන් සමඟ පැවැත්වූ සම්බන්ධතා මෙහිදී හෙළිදරව් කිරීමට නියමිතය.
අල්ලස් කොමිසමේ ඉල්ලීම මත කොළඹ ප‍්‍රධාන මහේස්ත‍්‍රාත් අධිකරණය හිටපු නියෝජ්‍ය අමාත්‍ය සරණ ගුණවර්ධනගේ විදේශ ගමන් බලපත‍්‍රය අත්හිටුවා ඇත.
බස් රථ 16,000 ක් දුවන්නේ පසුගිය ආණ්ඩුවේ ප්‍රතිපත්ති උඩ
නව ප්‍රවාහන ඇමතිවරයෙකු යටතේ බස් කර්මාන්තය දියුණු කිරීම සඳහා ගන්නා ක්‍රියාමාර්ග ක්‍රියාත්මක වන්නේ මධ්‍යම රජය යටතේ පවතින බස් රථ 4500 කට අධික ප්‍රමාණයකට පමණක් බවත්, පළාත් සභා යටතේ ධාවනය වන බස් රථ 16,000 කට තවමත් ක්‍රියාත්මක කෙරන්නේ පසුගිය ආණ්ඩුවේ ප්‍රතිපත්ති බවත් ලංකා පෞද්ගලික බස් හිමියන්ගේ සංගමය සඳහන් කරයි.
