අද රාත්‍රීයේ සිට ක්‍රියාත්මක වන සංචරණ සීමා පැනවීම හේතුවෙන් මගී දුම්රිය ද ධාවනය නොකිරීමට දුම්රිය දෙපාර්තමේන්තුව තීරණය කර තිබේනවා.

පවතින කොවිඩ් -19 වසංගත තත්ත්වය හේතුවෙන් අධිවේගී මාර්ගවල ගමන් කරන ගිලන්රථ වලින් ගාස්තු අය නොකිරීමට තීරණය කර ඇති බව මහා මාර්ග අමාත්‍යාංශය පවසයි.

ඒ අනුව අද (20) සිට යළි දැනුම්දෙන තුරු ගිලන්රථ වලට ගාස්තු රහිතව අධිවේගී මාර්ගවල ගමන් ගත හැකිය.

පෞද්ගලික අංශයේ ආයතනවල සේවය කරන ගර්භණී කාන්තාවන් සේවයට නොකැඳවන ලෙස කම්කරු කොමසාරිස් ජනරාල්වරයා ඉල්ලීමක් කර තිබෙනවා.

ග්‍රාම නිලධාරී වසම් රැසක හුදෙකලා බව අද පෙරවරු 6 සිට ඉවත් කර තිබෙනවා. තවත් ග්‍රාමනිලධාරී වසම් කිහිපයක් අලුතින්හුදෙකලා කිරීමට ද තීරණය කෙරුණා.

කොළඹ වරාය නගර ආර්ථික කොමිෂන් සභා පනත් කෙටුම්පත සම්බන්ධයෙන් වන පාර්ලිමේන්තු විවාදය අද (20) දෙවන දිනටත් ආරම්භ වී තිබේ.

ඒ අනුව විවාදය අවසානයේ ඡන්ද විමසීම අද පස්වරුවේ පැවැත්වීමට සැලසුම් කර ඇත.

චීනයෙ නිෂ්පාදිත සයිනොෆාම් කොවිඩ් මර්දන එන්නත් මිලියන 14ක් ශ්‍රීලංකාව මිලදී ගැනීම සඳහා කටයුතු කරමින් සිටීන බව වාර්තා වෙනවා.

පෞද්ගලික අංශය විසින් සිදු කරනු ලබන PCR පරීක්ෂණවල ප්‍රමිතිය හා ගාස්තු නියාමනය කරන බව සෞඛ්‍ය අමාත්‍යංශය පවසයි.

පාස්කු ඉරිදා ත්‍රස්ත ප්‍රහාරයේ මහ මොළකරු අත්අඩංගුවේ පසුවන නවුෆර් මවුලවි බවට ඇමරිකාවේ එෆ්.බී.අයි. ආයතනය ද තහවුරු කළ බව මහජන ආරක්ෂක අමාත්‍ය ආචාර්ය සරත් වීරසේකර පාර්ලිමේන්තුවේදී ඊයේ දින අනාවරණ කර තිබේ.