වාර්ෂිකව ශල්‍යකර්ම 18000 කට වඩා වැඩි සංඛ්‍යාවක් කරන බොරැල්ල රිජ්වේ ආර්යා ළමා රෝහලට නව මහල් වාට්ටු සංකීර්ණයක් ඉදිකිරීමට සෞඛ්‍ය අමාත්‍යාංශය තීරණය කර තිබේ. සෞඛ්‍ය අමාත්‍යාංශය විසින් මෙම තීරණය ගෙන ඇත්තේ රිජ්වේ ළමා රෝහලේ ඉඩ කඩ ප්‍රමාණවත් නොවන නිසා බවයි අමාත්‍යංශය පවසන්නේ.
ස්නායු ශල්‍යකර්ම, විකලාංග ශල්‍යකර්ම, විශේෂිත විකලාංග ශල්‍යකර්ම වැනි සේවාවන් සඳහාද ශල්‍යාගාර ප්‍රමාණවත් නොවන බවත් රෝහලේ දැනට ඇති ඇඳන් සංඛ්‍යාව 1016 ක් වන අතර ශල්‍යාගාර සංඛ්‍යාව 7ක් බවත් අමාත්‍යාංශය සඳහන් කරනවා.
මෙම රෝහලට 2014 වසරේ චීන රජයේ මූල්‍යාධාර අනුව ගොඩනැගිල්ලක් ඉදි කිරීමට සැලසුම් කළත් එය අසාර්ථකව ඇත . නව ගොඩනැගිල්ල සඳහා රජය විසින් ඇස්තමේන්තු ගත මුදල රුපියල් මිලියන 1952 කි. මේ සඳහා රුපියල් මිලියන 42 ක ප්‍රදානයක්ද ලැබී ඇති අතර ඉතිරි මුදල වන රුපියල් මිලියන 1910 ක මුදල ඒකාබද්ධ අරමුදලෙන් ලබාගෙන ශ්‍රී ලංකා නාවික හමුදාව මගින් ඉදිකිරීම් කිරීමට සැලසුම් කර ඇති බවයි වාර්තා වන්නේ.
''රටක අනාගතය දරුවන්'' යැයි කියමන ලෝකයම තර්ක විතර්ක නොමැතිව එක හෙළා පිළිගත් කියමනකි. වර්තමාන ලොව පුරා රටවල් තම සෞඛ්‍ය පද්ධති ප්‍රතිසංවිධානය කිරීමේ කටයුතු සඳහා විශේෂ අවධානයක් යොමු කරමින් තිබේ. ඒ අතරිනුත් ළමා සෞඛ්‍යට හිමි වන්නේ ප්‍රධාන තැනකි. එවන් මොහොතක 1895 වසරේ මෙරට ඉදිවූ විශාලතම ළමා රෝහල ලෙස බොරැල්ල රිජ්වේ ආර්යා ළමා රෝහල ඉදිවිය. අදටත් අප රටේ විවිධ රෝග වලට ගොදුරු වූ දරුවන්ගේ සුවිශාල ජිවිත ගණනක් බේරා ගැනීමට රිජ්වේ රෝහල සමත් විය. ශල්‍යාගාර සංඛ්‍යාව 7කට පමණක් හිමිකම් කියන රිජ්වේ රෝහලේ වාර්ෂිකව ශල්‍යකර්ම 18000 ක් ඉක්මවා සිදුකරනු ලබයි. මෙම රෝහල් කාර්යමණ්ඩලය බොහෝ කලක සිට මෙම ගැටලුවට මුහුණ පා සිටියා පමණක් නොව බලයට පත්වන සියලු ආණ්ඩු වලින් ඉල්ලා සිටියේද මෙම රෝහලේ අඩුපාඩු ලබා දෙන ලෙසය . සැම වසරකම ඔක්තෝබර් පළමු වැනිදාට ලෝක ළමා දිනය සමරන රටක , ළමුන්ගේ අයිතීන් ගැන කතා කරන රටක ජීවිතයත් මරණයත් අතර පෙනී පෙනී සිටින දරුවන්ගේ ඕනෑඑපාකම් ලබා දීමට බලධාරීන්ට නොහැකි වීම කණගාටුදායකය . කෙසේ හෝ අද මෙරට සෞඛ්‍ය අංශය බොරැල්ල රිජ්වේ ආර්යා ළමා රෝහලට නව මහල් වාට්ටු සංකීර්ණයක් ඉදි කිරීමට ගත් තීරණය දරුවන් වෙනුවෙන් ගනු ලැබූ හොදම තීරණයක් සේම රටේ ජනතාව වශයෙන් දරුවන් වෙනුවෙන් අපි එයට ගෞරවය පුදකරමු !
-පංචාලි අබේසේකර
නැගෙනහිර ජැටිය ආයෝජන ගිවිසුම සම්බන්ධයෙන් අවසන් තීන්දුව එළැඹෙන සතිය තුලදී රජය විසින් ප්‍රකාශයට පත් කෙරෙණු ඇති බව රජයේ ආරංචි මාර්ග පවසයි.
ගම් වලට පැමිණ ප්‍රශ්ණත් යෝජනත් විමසා පිළියම් සෙවීම ''ගම සමග පිළිසඳර '' අපේක්ෂාවයි ! ජනාධිපතිවරයා අවධාරණය කරයි.
ගමේ ජනතාව අතරට පැමිණ ඔවුන්ගේ ප්‍රශ්න විමසා ඔවුන්ගේම යෝජනා තුළින් පිළියම් සෙවීම ''ගම සමග පිළිසඳර ''වැඩසටහනේ අපේක්ෂාව බවත් ඒ සඳහා සෑම සෙනසුරාදාවකම තමා දුෂ්කර ගම්මානයක් වෙත යන බවත් ජනාධිපති ගෝඨාභය රාජපක්ෂ ප්‍රකාශ කර තිබෙනවා.
අද උදෑසන සිට හුදකලා කළ ප්‍රදේශ සහ හුදකලාව ඉවත් කළ ප්‍රදේශ
අද (25) උදෑසන සිට ප්‍රදේශ කිහිපයක හුදකලා තත්ත්වයන් ඉවත්කිරීම සහ අලුතින් පැනවීම සිදුකර බව යුද හමුදාපති ජෙනරාල් ශවේන්ද්‍ර සිල්වා ප්‍රකාශ කර තිබේ.
ශ්‍රී ලංකා පොදුජන පෙරමුණේ මහනුවර දිස්ත්‍රික් පාර්ලිමේන්තු මන්ත්‍රී වසන්ත යාපා බණ්ඩාරට කොවිඩ් -19 ආසාදනය වී ඇති බවට තහවුරු වී තිබෙන බව ආරංචි මාර්ග පවසනවා.
වී අලෙවි මණ්ඩලයේ රු මිලියන 3,000 ක වංචාවට නඩු පැවැරේ
වී අලෙවි මණ්ඩලයේ රුපියල් මිලියන 3,000 කට ආසන්න අරමුදල් අයථා ලෙස පරිහරණය කිරීම සම්බන්ධයෙන් එහි නියෝජ්‍ය සාමාන්‍යාධිකාරී (මෙහෙයුම්), මූල්‍ය අධ්‍යක්ෂ සහ ප්‍රාදේශීය කළමනාකරු යන තිදෙනාට එරෙහිව නීතිමය පියවර ගැනීමට තීරණය කර ඇත.
කටුනායක ගුවන් තොටුපොළ විවෘත කිරීමෙන් පසුව ලංකාවට පැමිණීම සඳහා විදේශිකයන් 198ක් වීසා අයැදුම් කර ඇති බව ආගමන විගමන දෙපාර්තමේන්තුව සදහන් කරනවා.
අහස සිඹින, රජයේ නව කාර්යාල සංකීර්ණය ඉදිකිරීම් ඇරැඹේ..!
ජනාධිපති ගෝඨාභය රාජපක්ෂගේ සහ නාගරික සංවර්ධන හා නිවාස අමාත්‍ය, අග්‍රාමාත්‍ය මහින්ද රාජපක්ෂගේ උපදෙස් පරිදි විශාලත ම රාජ්‍ය ආයතන කාර්යාල සංකීර්ණය වන සෙත්සිරිපාය අදියර III හි ඉදිකිරීම් කටයුතු පසුගිය 22 වැනි දා බත්තරමුල්ලේ දී ආරම්භ කෙරිණ.
