සන්ධානයට ආදරයක් ඇති නම් මෛත්‍රීපාල ජනාධිපතිවරයාගෙන් ඉල්ලා සිටින්නේ එහි නායකත්වයෙන් අස්වන ලෙස යැයි එක්සත් ජනතා නිදහස් සන්ධානයේ පාර්ලිමේන්තු මන්ත්‍රී උදය ගම්මන්පිල පවසයි.

මේවන රිමාන්ඩ් බාරයේ පසුවන පෙර‍ටුගාමී සමාජවාදී පක්ෂයේ නායකයා ලෙස සැලකෙන ප්‍රේමකුමාර් ගුණරත්නම් මහතාට මෙරට පුරවැසි භාවය ලබා ගැනීම සම්බන්ධයෙන් තීන්දුව ගත යුත්තේ ජනාධිපතිවරය විසින් බව ආගමන විගමන දෙපාර්තමේන්තු ආරංචි මාර්ග පවසයි. එම දෙපාර්තමේන්තුවට කළ හැකිවන්නේ මෙරට නීතිය අනුව ඔහු නැවත ඕස්ට්‍රෙලියාවට යැවීම පමණක් බවත් ඉන් පසුව ඔහුට මෙරට ද්විත්ව පුරවැසි බාවය ඉල්ලුම් කළ හැකි බවත් එම ආරංචි මාර්ග වැඩි දුරටත් සඳහන් කරයි.

පසුගිය රාජ්‍ය පාලන සමයේදී රාජ්‍ය ආයතන හයක සිදුවූ බව කියන බරපතළ වංචා සහ දූෂණ සිද්ධි පිළිබඳ පරීක්ෂණවලට බාධා විය හැකි යැයි පවසා එම රාජ්‍ය ආයතන හයේ සේවය කරන ඉහළ නිලධාරීන් 13 දෙනෙකු එම ආයතනවලින් වහාම ඉවත් කරන්නැයි බරපතළ වංචා සහ දූෂණ විමර්ශන කොමිසම එම රාජ්‍ය ආයතනවලට නියම කර ඇතැයි වාර්තා වේ.

කැලණි ගඟේ ජලය දූෂනය කරන කොකා කෝලා සමාගමත් දැදුරු ඔයේ ජලය දූෂනය කරන ජිෆී සමාගමේත් ව්‍යාපාර කටයුතු තහනම් කොට එම කර්මාන්ත ශාලා වසා දමන ලෙස ජනාධිපතිවරයාගෙන් ඉල්ලීමට පරිසර සංවිධාන කිහිපයක් හා එම ගංගා ආශ්‍රිතව ජීවත්වන ජනතාවගෙන් සැදුම් ලත් සංවිධන කිහිපයක් මේවන විට සූදානම් වෙමින් සිටින බව අප වෙත වාර්තාවේ.

ඇවන්ගාර්ඩ් සමාගමේ ව්‍යාපාර කටයුතු අත් හි‍ටුවූ බවට ඇමැති රාජිත සේනාරත්න මහතා විසින් මාධ්‍ය හමුවේ පැවසූවද අප වෙත වාර්තාවන තොරතුරු අනුව රක්නා ලංකා සමාගම, ඇවන්ගාඩ් සමාගම සමඟ අතර පසුගිය ඔක්තොර්බර් 20 වන දින අලුත් ගිවිසුමක් අත්සන් කර තිබෙන බව වාර්තාවේ. මේවන විට කටයුතු සිදුවන්නේ ඒ අවබෝධය අනුව බවද වාර්තාවේ.

මේවන විට අසනීප තත්වයෙන් සිටින ශ්‍රීලංකා රමඤ්ඤ මහා නිකායේ අනුනායක  ගිරඹේ ආනන්ද හිමියන්ගේ අසලම සිට උපස්ථාන කිරීමේකටයුත්ත ජනාධිපතිවරයා විසින් තම බෑණනුවන් වන තිලිණ සුරන්ජිත් මහතාට පවරා තිබේ.

මතබේදයට තුඩු දුන්, අන්තරයක ඖෂධ පාලක ජාතික මණ්ඩලයේ සභාපති වරයාව සිටි නිලංග සමරසිංහ මහතා ඉන් ඉවත්කර එම් එම් සිරිසේන හේරත් මහතා පත්කරන ලෙස යෝජනා කොට නිර්දේශ කර පත්වීම සකසා ඇත්තේ හිටපු නිතිය හා සාමය සහ බන්ධනාගාර ප්‍රතිසංස්කරණ අමාත්‍ය තිලක් මාරපන මහතා විසින්ම බව හෙළිව තිබේ.