වලක්වා ගත හැකිව තිබු ජාතිවාදි ගැ‍ටුමක් මහනුවර දිස්ත්‍රික්කය පුරා පැතිරයාමට සිදුව තිබෙන්නේ පොලිසිය ඒ සම්බන්ධයෙන් නිද්‍රාශිලීව කටයුතු කිරීම නිසා බවත් මුස්ලිම් ප්‍රජාවට එරෙහිව සිංහල ජනතාව ප්‍රොකෝප කරවීම සඳහා ඇතැම් නිලධාරීන් උත්සුක වී ඇති බවටත් තොරතුරු හෙළිව තිබේ.
කෙසේ නමුත් මේ සම්බන්ධයෙන් ලැබී තිබෙන තොරතුරු මත අපරාධ පරීක්ෂණ දෙපාර්තමේන්තුව ද මේ වන විට පරීක්ෂණයක් පැවැත්වීමට කටයුතු කරමින් තිබේ.
සිංහල ජාතිවාදී ප්‍රචණ්ඩකාරීන් ගල් මුගුරු රැගෙන ගැ‍ටුමකට සූදනමින් සිටින බව දැන දැනම ඒ විසුරුවා නොහැර සිටිනු දකින්නට ලැබුණු බව එම ප්‍රදේශවාසීන් පෙන්වා දෙයි. එමෙන්ම ප්‍රදේශයේ ගැටුම් ඇති කිරීම සඳහා පිටස්තර පුද්ගලයන් විශාල වශයෙන් පැමිණ තිබූ බවත් මෙය සංවිධානාත්මකව සිදු කළ වැඩක් බවත් හැඟීයන බවත් ඔවුන් පෙන්වා දෙයි. ඇතැම් චීවරධාරීයෙක් මෙම ගැටුම් ඇති කිරීමට සහය වූ බව ද ඔවුන් පවසයි. උපන් දා පටන් සහොදරත්වයෙන් විසු සිංහල දෙමළ හා මුස්ලිම් ප්‍රජාව දැන් විරසක කර ඇති බවත් යළි මේ සියලු දෙනාගේ හොඳ හිත ඇතිකර ගැනීමකින් තොරව මෙම ප්‍රදේශයේ සිටින සිංහල ජාතිකයන්ටත් ජීවත් වීම ප්‍රශ්නයක් බවත් ප්‍රදේශවාසියෙකු අප හා පැවසීය.
මේ වන විට මෙම ජාතිවාදීන් විසින් ගිනිබත් කොට තිබූ නිවසක තිබී මුස්ලිම් තරුණයකුගේ මළ සිරුරක්ද අද උදෑසන සොයාගෙන තිබෙන බවද වාර්තාවේ.
සැබැඳි පුවත් -
