තිරගත වෙමින් තිබූ චිත්‍රපටය තිර ගත කිරීම නැවැත්වූ සංවිධායකයන් රැස්ව සිටි ප්‍රේක්ෂකයන්ට නිවේදනයක් කරමින් පවසා ඇත්තේ නොවැලැක්විය හැකි කරුණක් නිසා චිත්‍රපටය පෙන්වීම අත්හැර දැමීමට සිදුවන බවයි.
‘මාරු තඩම්' චිත්‍රපටයේ අධ්‍යක්ෂකවරයා වන රමනදාස් හට ශ්‍රී ලංකා චිත්‍රපට සංස්ථාව විසින් මෙම චිත්‍රපටය ලංකාව තුළ ප්‍රදර්ශනය කිරීමට ලිඛිත අවසරයක් පවා ලබාදී තිබිණ.
අධ්‍යක්ෂක රමනදාස් ස්විස්ටර්ලන්තයේ පදිංචි ද්‍රවිඩ ජාතිකයෙකි.
මෙම ‘මාරු තඩම්' චිත්‍රපටය ශ්‍රී ලංකාවෙන් බටහිරට සංක්‍රමණය වූ තරුණයෙකු සමාජීය හා සංස්කෘතික වශයෙන් මුහුණපාන ගැටලු පිළිබඳව සාකච්ඡා කරන චිත්‍රපටයකි.
එහි කිසිදු ආන්දෝලනාත්මක දේශපාලන ප්‍රශ්න සාකච්ඡා නොවුනත් 'නාදුනන පිරිසක්' විසින් චිත්‍රපටය තිරගත කිරීමට බාධා කිරීම තේරුම් ගත නොහැකි බව මෙම චිත්‍රපට දර්ශනය සංවිධානය කළ පුද්ගලයෙකු ප්‍රකාශ කර සිටියේය.
