'අවුරුදු ගාණක් ආදරය කරලා අපි වෙන් වුණා' -මැණික්
තම ජිවිතයේ යථාර්ථය සඟවා ගනිමින් ජීවත් වෙන කෙටි කාලයේදී තම සිතැඟි සියල්ල කෙසේ හෝ සපුරා ගැනීමට වෙර දැරු ‘අනිත්‍යා‘ හි දඩබ්බර කෞෂිත් සොරු රැළක් හා එක්ව තම පියාගේම මුදල් කොල්ල කන්නට මෙහෙයවන ‘කොස්තාපල් පුඤ්ඤසෝම‘ හි ශානිකාත් සිනමාවේ අපට හමු වූ එකිනෙකට වෙනස් චරිත දෙකකි.
නිරූපිකාවන් නිරුවතින් නැටවීම ගැන සුනිල් කියන කතාව
- තිබෙන සමාජ දේශපාලන වාතාවරණයේ උණුසුම ඔබට දැනෙන්නේ කොහොමද?
අද රටේ වෙන අපරාධ සංඛ්‍යාත්මකව ඉහළ නැගලා. හැබැයි අනිත් රටවල් එක්ක බලද්දි අපේ රටේ ආගමට තිබෙන යොමුව අති විශාලයි. බෝධි පූජා, පල්ලිවල යාඥා හැම ආගමක්ම පිළිවෙත් මහ ඉහළින් කරනවා. මෙහෙම වෙද්දිත් අරහෙම වෙන්නෙ මොකද කියන එක තමයි ප‍්‍රශ්ණේ. මෙච්චර මිනිස්සු ආගමට නැඹුරු නම් රට පින්බිමක් මිස අපරාධ පුරවරයක් වෙන්න විදිහක් නෑනේ. ආගම් ව්‍යවස්ථාවලට දාගත්ත හැම රටකටම වුණේ ඕකයි. ව්‍යවස්ථාවලට ආගම් ඕන නෑ. පිට රටවල ඉස්කෝලවල ආගම් උගන්වන්නේ නෑ. ඒක තමාගේ පෞද්ගලික දෙයක්.
රටේ නීතිය ස්ථාපිත කරනවා නම් ධර්මිෂ්ඨ සමාජයක් ඉබේම ගොඩ නැගෙනවා. අද තියෙන්නේ නිතියට බය නැති කම. කුඩු අල්ලන එකේ කෙළවරක් නෑ. කොච්චර ඇල්ලූවත් ආයෙ කුඩු ගේන එකේ අඩුවකුත් නෑ. ඇයි නීතියට බය නෑනේ. නීතියට බය නැත්තේ මේවා පිටිපස්සේ ඉන්නේ දේශපාලනඥයන් නිසා.
- අල්ලස් හෝ දුෂණ විමර්ශණ කොමිෂන් සභාවේ ක්රියා පටිපාටිය ගැන සෑහීමකට පත් වෙන්න පුළුවන්ද?
අල්ලස් හෝ දුෂණ කොමිෂන් සභා විමර්ශන සභාවේ තත්ත්වයත් හරිම කණගාටුයි. දැන් වෙලා තියෙන්නේ බඩුත් හාමුදුරුවන්ගේ නඩුත් හාමුදුරුවන්ගේ වගේ වැඩක්නේ. හැබැයි නීතියෙන් ගැලවුණාට ස්වභාව ධර්මයා විසින් නිර්මාණය කරන හැලහැප්පිලිවලින් බේරෙන්න බෑ. බෞද්ධ දර්ශණය අනුව නීතියෙන් දඬුවම් නැති වුණාට සොබා දහම දඬුවම් දෙනවා.
එක ප‍්‍රබල ඇමතිවරයෙක් පන්සලකට හරියට උදව් කළා. සාමාන්‍ය තත්ත්වයක හිටපු මේ ඇමතිවරයා බලාගෙන ඉද්දි කෝටිපතියෙක් වුණා. කෝටිපතියෙක් වුණාට පස්සේ එයා දානපතියෙක් වුණා. දානපතියා පන්සලට සල්ලි දුන්නම පන්සලේ හාමුදුරුවෝ කියනවා මේ පින ඇතිලූ බුදු වෙන්ට. ඒ කියන්නේ සල්ලි තියෙනවා නම් බුදු වෙන්ට පුළුවන්. සල්ලි එන්නේ කොහෙන්ද කියන එක අදාළ නෑ. අද ඇතැම් හාමුදුරුවරු පවා ඒ ගාණට පිරිහිලා. එක් දේශපාලනඥයකු සිය වැනි කන්‍යාවද කොහෙද දුෂණය කිරීමේ නිමිත්තෙන් පාටි දාද්දී වැඬේ පත්තු වුණා. නඩු යනවා. හැබැයි දඬුවම්…….
- විපක්ෂයේ ඇතැම් දේශපාලනඥයන් ඇතුළු යම් පාර්ශ්ව කියනවා රට යන අත හරි නෑ කියලා. ඔබ ඊට එකඟද?
අනිවාර්යයෙන්ම හරි නෑ…… නීතිය මොන ජගතට වුණත් එක හා සමාන විය යුතුයි. මේක හරි පුදුම රටක් නේ. කරන්ට ඕනෑ අමන වැඩ ඔක්කොම කර කර වෙන රටවල් වල සදාචාරයක් නෑ කියනවා. අම්මා පුතාව මරණවා. අම්මාගේ අනියම් සම්බන්ධය සැමියාට අහු වෙයි කියලා. තාත්තා තමන්ගේ දුවට ඉන්න දෙන්නේ නෑ අතවර කරනවා. ඒ වගේ සිද්ධි මේ රටේ අනන්තයි අප‍්‍රමාණයි. මේක කිසිම පිනක් නැති ජන සමාජයක්. මෙහෙම වෙලා තියෙන්නේ පව්කාරකම හින්දා.
- ඒ පව්කාරකම පාලන තන්ත‍්‍රය මෙහෙයවන පාලකයන්ගේද? රටේ ජීවත් වෙන මිනිස්සුන්ගේද?
ආගම ඉස්සරහට දාගෙන අන්තවාදිකම් මේ රටේ හැම ආගමක්ම කළා. මම උපතින් බෞද්ධයෙක් නොවුණාට බෞද්ධාගමට මම හුඟාක් ගරු කරනවා. ඒ බෞද්ධ දර්ශණය තරම් යථාර්ථය ගැන කිසිම ආගමක කතා කරලා නැති නිසා. හේතුව සහ ඵලය ගැන හරිම තාර්කිකව බෞද්ධාගම කරුණු ඉදිරිපත් කරලා තියෙනවා.
ඒත් මිනිස්සුන්ට ඒ දර්ශණය ගැන අවබෝධයක් නෑ. පාලකයන්ටත් නෑ. පුදුම ආත්මාර්ථකාමී බවක් පාලකයන් තුළ වගේම ජනතාව තුළත් තියෙන්නේ. බුදුන් වහන්සේට ජාතියක්, කුලයක් තිබුණේ නෑ. උන් වහන්සේ කීවේ මනුෂ්‍යත්වය ගැන. සියලූ සත්වයෝ නිදුක් වෙත්වා මිසක් සියලූ සිංහලයෝ නිදුක් වෙත්වා කියලා බුදුන් වහන්සේ කීවේ නෑ. ධර්මයේ අවසානය ආදරය. ආදරයක් නැති කිසිම දේක ධර්මයක් නෑ.
- අද සමාජය පිරිහිලා පිරිහිලා ගිහින් ඉදිරියේ දී මොන වගේ විනාශයක් වෙයිද කියන්න බැහැ.
විපක්ෂයට හරි කොන්දක් නැති කමත් මේ පිරිහීමට එක් හේතුවක්ද?
- පිනක් නැති රටකට හොඳ විපක්ෂයක් ඇති වෙන්නෙ කොහොමද?
ආණ්ඩුව බලයට ගේන්න බොහොම මහන්සි වෙලා දර දිය ඇද්ද කලාකාරයෝ පිරිසක් හිටියනේ. දැන් මේ කලාකරුවන්ට මොකද වෙලා තියෙන්නේ?
කලාකරුවෝ කියන කොට්ඨාසය බහුතරය ඉතාම අසරණයි. හුඟාක් අයට ජීවත් වෙන්න ක‍්‍රමයක් නෑ. ආණ්ඩුවට බොහෝම ලෙන්ගතුව ඉන්න අය බලන්නේ ඊයෙට වඩා අද ජීවිතය ලස්සන කර ගන්න විදිහක්. ඒ කිව්වෙ හොඳ වාහනයක්. ගෙයක් ගන්න විදියක්. තව කට්ටියක් ඉන්නවා කලාකරුවෝ දැන් ඉන්න තත්ත්වයට වඩා වැඩි තත්ත්වයකට එන්න ආසාවටත් රජයත් එක්ක කුළුපග වෙනවා. උදාහරණයක් කීවොත් තියෙන්නේ මරුටියක් නම් ටොයෝටා එකක් ගන්න ආසාවට. තණ්හාව වැඩි වුණාමත් හරි ප‍්‍රශ්ණනේ.
- ඔබ ඉන්නේ කොයි වගේ ස්ථාවරයකද? ආණ්ඩුවත් එක්කද නැත්නම්?
මම රාජ්‍ය විරෝධියෙක් සහ දේශද්‍රෝහියෙක් විදිහටයි ආණ්ඩුව දකින්නේ.
- ඇයි ඒ?
මම ඝෘජුව කතා කරන හින්දම ආණ්ඩුව හිතනවා සුනිල් පෙරේරා අන්තවාදී යූ.එන්.පී. කාරයෙක් කියලා. ඒත් කිසිසේත්ම එහෙම නෑ. මම 94 ඡන්දය දුන්නෙත් චන්ද්‍රිකා බණ්ඩාරනායකට. ඒ එ.ජා.ප. ය ඒ වෙද්දී ක්රියා කරපු පිළිවෙත හරි නැති නිසා වෙනසක් බලාපොරොත්තුවෙන්. මොන ආණ්ඩුව ආවත් දෙයියනේ කියලා මට නම් ජිවත් වෙන්න විදිහක් තියෙනවා. ඒත් රටට වෙනසක් අවශ්‍යයිනේ. එදා ආණ්ඩුවට කොඩිය වැනුවනම් මටත් ඉතින් මීට වඩා ගැම්මෙන් ඉන්න තිබුණා. ඒ වුණත් මම ඔය කොඩි වනන්න හෝ ලෙන්ගතුකම් පාන්න යන්නේ නෑනේ.
- ජනාධිපතිතුමා උපන් දිනයට සුභ පතන්නේ එහෙම නැද්ද?
සුභ පතනවා.
- බ්‍රේක් නැතිව කතා කරන්න ගියාම වැඩ වරදිනවලූ. කට හින්දා ඔබටත් තර්ජන, ගර්ජන බලපෑම් එල්ල වෙලා නැද්ද?
තමන්ට ජීවත් වෙන්ට ප‍්‍රශ්ණයක් නැති වෙච්ච පළියට රටේ ප‍්‍රශ්ණ දැක දැක කට අරින්න ඕනෑ තැන් දැක දැක කට වහගෙන ඉන්නවා නම් ඒක මහ කුහක ආත්මාර්ථකාමීකමක්. මගේ නෝනා මට හැම වෙලේම අවවාද කරනවා කට පියාගෙන ඉන්න. කතා කරලා කරදර ඇති කර ගන්න එපා කියලා. ඒත් මට එහෙම පුරුද්දක් නෑ. මට හොඳයි කියලා මම කට වහගෙන ඉන්නවා නම් ඒක ආත්මාර්ථකාමී කැතම කැත පුරුද්දක්. වැරැද්ද දුටු තැන ඒ වෙනුවෙන් කතා කරන්න ඕනෑ. මට ප‍්‍රශ්ණයක් වුණාම අනිත් අය කියයි ඕකගේ කට හින්දා තමා ඕකා නැති වුණේ කියලා. ඒත් මම කතා කළ යුතු තැනදී කතා කළ යුතු දේට කතා කරනවා.
- කට වහගෙන ආණ්ඩුවට හේත්තු වුණා නම් සැපම තමයි කියලා ඔබට හිතෙන්නේ නැද්ද?
සුනිල් පෙරේරා අපේ එකානේ කියලා මට වැඩක් දුන්නොත් මට හිතෙන්නේ ඒක මට මහා මදි කමක්. හැකියාවට යමක් හම්බ වුණොත් මට සංතෝෂයි. යාළුකමට යමක් ලැබෙනවට මම කැමති නෑ. පව් බං සුනිල් අයියා දැන් නාකියානේ…… ඔන්න ෂෝ එකක් තියෙනවා නම් ඌවත් දාපන් අන්න එහෙම කියලා මට වැඩ දෙනවා නම් මට ඒක මදි කමක්. මට නොහැකි නම් මම එළියට යන්න ඕනෑ. ඒත් මට තාම හැකියි.
- ඔබ තාම තරුණයි?
වයසට ගියාට හිතින් තාම තරුණයි. මම හදවතින් වයසට නොයන මනුස්සයෙක්. හැට පැන්නත් තාම උඩ පනින්න නටන්න පුළුවන්. කොණ්ඩ රැවුළ ඩයි කළාම මූණ බලන්න බැරි කමක් නෑ.
- මේ රජය සංගීත ක්‍ෂේත‍්‍රය වෙනුවෙන් යමක් කරලා තියෙනවද?
මම හිතන්නේ නෑ කිසිම රජයක් එහෙම දෙයක් කරලා ඇතැයි කියලා. සංගීත ක්‍ෂේත‍්‍රයෙත් හරියට අංජබජල්. හොර සී.ඞී. ගහන විකුණන ඒවායි. අනිත් එක එහෙම එක ක්‍ෂේත‍්‍රයක් හදනවා කියලා හදන්නත් බෑ. පොදුවේ උඩ සිට සියල්ල හොඳින් හැදීගෙන එනවා නම් සියලූ ක්‍ෂේත‍්‍ර ලස්සනට හැදෙයි. හැබැයි සංගීත ක්ෂේත්රයේ හැදුණ උදවිය ඉන්නවා ආණ්ඩුව නිසා. රජය නිසා හැදුණ සංගීතකාරයෝ ඉන්නවා. ඒක ඉතින් ඒ ගොල්ලන්ගේ කැමැත්ත. රජය හරියට තමන්ගේ සාක්කුවෙන් දෙනවා වගේ කලාකරුවන්ට ගෙවල් හදලා දෙනවා. ඒවා ජනතාවගේ සල්ලි. හැබැයි දෙන්නේ තමන්ගේ අතින් දෙනවා වගේ.
- රනිල් වික‍්‍රමසිංහ මහතා බලයේ සිටි කාලයේ ඔබට විශේෂ වරප‍්‍රසාද ලැබුණේ නැද්ද?
මම රනිල් වික‍්‍රමසිංහගෙන් අල්පෙනෙත්තක්වත් අරගෙන නෑ.
- රනිල් වික‍්‍රමසිංහ ඔබ සමඟ හිතවත්ද?
හිතවත්කමක් දැනටත් තියෙනවා.
- ඔබ දේශපාලන වේදිකාවල සිංදු කියන්නේ නැද්ද?
පේ‍්‍රමදාස මහත්තයා මැරුණු දවසේ මම ඒ දේශපාලන වේදිකාවේ සිංදු කියන්න හිටියා. එදායින් පස්සේ මම හිතුවා ආයේ කවදාවත් මම දේශපාලන වේදිකාවක සිංදු කියන්නේ නෑ කියලා. මට දේශපාලන වේදිකාවල සිංදු කියන්න ආණ්ඩු පක්ෂය වගේම විපක්ෂයත් කතා කරනවා. මම එතකොට කියනවා ඇමතිතුමා දේශපාලන වේදිකාවට නම් එන්න බෑ මම ඔබතුමාගේ උපන් දින උත්සවයට නම් ඇවිත් සිංදු කියන්නම් කියලා. ප‍්‍රතිපත්තියක් හැටියට ජිප්සීස්ලා දේශපාලන වේදිකාවලට සිංදු කියන්න එන්නේ නෑ. නැත්නම් දකින මනුස්සයො හිතන්නෙත් අන්න අරයා කඬේට ගිහින් කියලා. දේශපාලනයට ගෑවුණ කලාකරුවන් ගැන සාමාන්‍ය මිනිසුන්ට තියෙන අර්ථකථනය පිළිකුල් සහගතයි.
- සුනිල් පෙරේරාට දේශපාලනය ගැළපෙන්නේ නැද්ද?
කොහෙත්ම ගැළපෙන්නේ නෑ.
- ඔබේ දැක්ම අනුව ලංකාවේ ඉන්නෙ කොහොම මිනිස්සුද?
කිසි සේත්ම පිළිවෙළක් නැති තමන්ගේ බඩ ගින්න නැති වෙනව නම් අනිත් ඕනෑ දෙයකට කෙළ වෙලා ගියා දෙන් කියා හිතන මිනිස්සු බහුතරයක් තමා මේ රටේ ඉන්නේ.
- ඔබගේ පුතා සංගීතය තුළ යන ගමන ගැන සතුටක් තියෙනවද?
ඔව්. මම හරි ආසයි එයා එයාගේ අනන්‍යතාවක් තියාගෙන ඉන්නවට. මගේ සිංදු කීවේ නෑ එයා. මගේ පුතාගේ සිංදු ලියන්නෙත් එයා. තනුව නිර්මාණය කරන්නෙත් එයා. කියන්නෙත් එයා. එයාගේම අදහස්. මටත් ඒ සමහර ඒවා තේරෙන්නේ නෑ. ඒත් ඒක තමා තරුණ භාවය කියන්නේ. ඕකට මම ඇඟිල්ල ගහන්න ගියොත් වැඬේ වණ වෙනවා. ඒ හින්දා දෙයක් ඇහුවොත් කියලා දීලා මම මගේ පාඩුවේ ඉන්නවා. එයාට ඕනෑ දේ එයා කරපුදෙන්.
- නෙළුම් පොකුණ රඟහල ගැන මොකද හිතෙන්නේ?
ආණ්ඩුවේ පාක්ෂික කලාකරුවන්ට නෙළුම් පොකුණ හොඳයි. ඔබ මොන කොඩියද වනන්නේ කියන එක තමා ප‍්‍රශ්ණය. හරි පාට කොඩිය වැනුවොත් කතා කරලා ඕනෑ දෙයක් කර ගන්න පුළුවන්. නැත්නම් ලොකු මුදලක් ගෙවන්න ඕනෑ. මම ගිහිල්ලා ඉල්ලූවොත් සමහර විට නොළුම් පොකුණ නිකම්ම දෙයි. ඒත් මම ඒකට බයයි.
- ලංකාවේ එහෙම වෙන්නේ නෑ ගීතය නිසා ප‍්‍රශ්ණ ඇති වුණේ නැද්ද?
උඩ ඉන්න දේශපාලනඥයින්ට වඩා වටේ ඉන්න හෙංචයියලා තමා පාට් දාන්නේ. ගහගන්න වගේ එන්නේ. ලොකු උදවියත් සමහර විට අකමැති ඇති.
මම සිංදුවක් කීවා. මේ රට ගැන අර්ථකථනයක් දෙනව නම් මට දෙන්න තියෙන්නේ ඒ සිංදුව විතරයි. පහසුවටත් ලේසියටත් සමහරු වැරදි කරනවා….. ඒ සිංදුව මම මැරිලා කාලයක් යනකම්ම මේ රටට ගැළපේවි කියලා මට හිතෙනවා.
තව එන්න තියෙන සිංදුවක් තියෙනවා.
ඔබගේ ජල්තර මගඩි
හොර දුෂණ ඕනෑම නීති
විරෝධී වැඩක් පහසු
මිලට කර ගන්නට ඕනෑමනම්
අපට කියන්න නෝ
ප්‍රොබ්ලම් ප‍්‍රයිවට් ලිමිටඞ්
ඉතාලි ප‍්‍රංශ ජපන් යන්නට
හදනවනම් වීසා ඕනෑම නම්
අපට කියන්න
මැලේසියන් ගුවන් යානේ
තවමත් කොහෙද නෑනේ
හොයා ගන්න ඕනෑම නම්
අපට කියන්න
දිනන්න මැර බලයෙන්
පාතාලයේ අයියලා ඕනෑම නම්
අපට කියන්න
අයියලා නැද්ද ඔහෙලට
අලියා වැටිලම නම් අලියට
පණ නැත්නම් සේලයින් ඕනෑම නම්
අපට කියන්න
පැරදුණ දුකට අලි – රනිල්
අදින වලි නවත්වන්න
ඕනෑම නම් අපට කියන්න
බොරු මොකටද ඇහුවේ
කරු – තොප්පිය වැටිලා නම්
අපිට කියන්න
අන්න ඒ වගේ තමා ඔය සිංදුව යන්නේ.
- මීට කාලයකට ඉහත දී කොළඹ ප‍්‍රධාන පෙළේ පාසලක පැවැත් වූ සංගීත සංදර්ශණයක දී ඔබේ ගීතයකට නර්තනයේ යෙදුණ රංගන ශිල්පිණියන් අන්තිමට රෙදි ගළවාගෙන නටන තත්ත්වයකට පත් වුණා. මොකද්ද ඒ ඇත්ත කතාව?
නඩුව ඉවර වෙච්ච දාට ඇත්ත කතාව කියන්නම්. දැනට අවුරුදු 12 ක් තිස්සේ ඒ නඩුව අහනවා. කතාව ඇත්ත. ඒත් නඩුවක් යන නිසා මීට වඩා කතා කරන්න බෑ.
- ඔබේ බිරිය ඔය සිද්ධියෙන් පසුව දැක්වුව ප‍්‍රතිචාරය කොහොම එකක්ද?
ඇය අවුල් වුණා. යම් යම් අවුල් ඇති වුණා. මම ඇයව කසාද බදිද්දී ඇයට අවුරුදු 15 යි. අවුරුදු 20 වෙද්දී ඇය දරුවන් හතර දෙනෙක්ගේ මවක්. ඇය ඉතාමත් හොඳ බිරියක්. මම වෙනුවෙන් හුඟාක් දේවල් ඉවසා දරා ගත් කෙනෙක්.
(සංජීවිකා සමරතුංග -දේශය පුවත්පත)
'අපේ තාත්තාට අගෞරව කරන්න එපා' -සරත් ප්‍රනාන්දු
Derana dream star” පස්වන අදියරේ සුපිරි තරුව ලෙස පසුගියදා අභිසෙස් ලැබුවේ ඇඹිලිපිටියේ එම්.ජී. ධනුෂ්ක යි. අවසාන තරගය පැවති දින වැඩසටහනේදී එම්.ජී. ව “චක්‍රවර්ති” ලෙස හැඳින්වීම හේතුවෙන් බයිලා චක්‍රවර්ති එම්.එස්. ප්‍රනාන්දු ගායකයාණන් හට අපකීර්තියක්, අගෞරවයක් සිදු වී යයි සංගීත ක්ෂේත්රයේ කතාබහක් ඇති වී ඇති අතර “සැබැවින්ම අපේ පියා (එම්.එස්. ප්‍රනාන්දු) දශක ගණනාවක් රැගෙන ආ ‘චක්‍රවර්ති’ නාමය reality වැඩසටහනකින් ආ SMS තරුවකට දීලා අපේ පියාට කලා ලොවේ ඉන්න කුහකයින් පිරිසක් මේ කළේ අගෞරවයක්” යයි පවසමින් එම්.එස්. ගේ දරුවෝ ද සිය විරෝධය ප්රකාශ කරමින් සිටිති.
ඒ පිළිබඳව එම්.එස්. ගේ පුතෙකු වන සරත් ප්‍රනාන්දු කතාබහකට එක් වුණේ මෙසේ ය.
“අපේ පියාගේ වියෝ වීමෙන් පසුව මේ වනතුරුම එතුමාගේ නාමයට හානියක්, අගෞරවයක් වන අයුරින් සංගීත ක්ෂේත්රයේ කිසිවෙකු හෝ මේ වගේ දෙයක් කරලා නැහැ. ඇත්ත වශයෙන්ම මේ දේ කරලා තියෙන්නේ අපගේ පියාගේ කීර්ති නාමයට ඊර්ෂ්‍යා කරන කුහක සිත් ඇති තමන් කලාකාරයින් යයි කියා ගන්නා තුට්ටු දෙකේ කලාකරුවන් පිරිසකගේ මෙහෙයවී‍මෙන් කියලයි අපට හිතෙන්නේ. සත්තකින්ම මෙය කුහකකමක්. අපගේ පියා වියෝ වීමෙන් පසුවත් ‘චක්‍රවර්ති’ නමින් හැඳින්වෙමින් ජනප්‍රියත්වයේ රැඳී සිටිමින් එතුමාගේ ගීත රැව් පිළිරැව් දී පවතිනවාට ඊර්ෂ්‍යා කළ ඔය තුට්ටු දෙකේ කුහක කලාකාර පිරිස මාන බලබලා උන්නේ ‘චක්‍රවර්ති’ යන ඔය වටිනා නාමය කාට හෝ දීලා නැතිකර දමන්නයි. ඔය SMS තරුව අපේ පියාගේ ගීත ගායනා කළ හින්දා එම කුහකයින් මේක අවස්ථාවක් කර ගත්තා ඔවුන්ගේ කුහක අරමුණ ඉටු කර ගන්න.”
- ඔබේ පියාගේ නමට මෙම “චක්‍රවර්ති” නාමය එක් වූ අයුරු පවසනවා නම්..?
“අපේ පියා ‘චක්‍රවර්ති’ නාමය ලබා ගත්තේ ආවට ගියාවට නෙමේ. එතුමා ගීත ගායන කලාවට යොමුවෙලා, පුහුණුවීම් කරලා, වාද බයිලා ක්ෂේත්රයේ බලකණු සමඟ තරග කරලා, රන් සහ රිදී කුසලාන 159 ක් දිනා ගනිමින් ඉමහත් කැපවීමක් කරලා තමයි ඔය වටිනා නාමයෙන් පිදුම් ලැබුවේ. එමෙන්ම එතුමා භාෂා පහකින් ගීත ගායනා කළා. රසික ජනතාව ඉදිරියේ ප්‍රසිද්ධ වේදිකාවේ එවලේම දුන් මාතෘකාවට පද බැඳ ගායනා කර ‘චක්‍රවර්ති නාමය සඳහන් රන් බෝ කොළය කරුණාරත්න අබේසේකර කලාකරුවාණන්ගෙන් තමයි ලබා ගත්තේ. මෙම නාමය අපේ පියාට ලැබුණේ එතුමාගේ සුවිශේෂ දක්ෂතාව නිසා මිස ඔය අවිචාරවත් SMS නිසා නෙමේ. ‘චක්‍රවර්ති’ නාමය reality වැඩ සටහනකින් ආපු SMS තරුවකට දීම මෙම ගෞරවනීය නාමයට වගේම අපේ පියාටත්, එතුමාගේ දරුවන් වන අපටත්, එම්.එස්. ප්‍රනාන්දු ගායකයාණන්ට ආදරය කරන එතුමාගේ ගීත වලට ප්‍රිය කරන රසික රසිකාවියන්ටත් කළ අගෞරවයක් ලෙසයි අපි සලකන්නේ.”
- ඔබ පැහැදිලිවම පවසන්නේ ‘චක්‍රවර්ති’ ලෙස එම්.ජී. ව හැඳින්වීම හේතුවෙන් මෙම අගෞරවය සිදු වූ බව ද..?
“ඔව්. එම නිසා අපේ පවුලේ හැමෝමත්, සංගීත කලාව හොඳින් දන්නා කලාකරුවනුත්, අපේ පියාට ආදරය කරන රසික රසිකාවියනුත් දැඩි අපහසුතාවයකට පත් වුණා. ඒ අවස්ථාවේ සිට මෙතෙක් අපට දුරකථනයෙන්, facebook එකෙන්, e-mail වලින්, skype එකෙන් සහ හමුවීමෙන් අදහස් දක්වන එතෙර මෙතර සිටින රසික හිතවතුන්ගේ ප්‍රතිචාර වලින්ම අපට පැහැදිලිව දැනෙනවා ඔවුන් මොනතරම් නම් අපහසුතාවයකට පත් වීද ඉන්නේ කියන එක. ඔවුන් වත්, අපේ පවුලේ කිසිවෙකු වත් SMS තරුව සමඟ අමනාපයක් නැහැ. මොකද ඔහු නොවේනේ ‘චක්‍රවර්ති’ නාමය දමා ගත්තේ. පැහැදිලිවම මෙවැනි වටිනා නාමයක් ලබන්න තම ජීවිතය කැප කළ එම්.එස්. ප්‍රනාන්දු නම් අග්‍රගණ්‍ය කලාකරුවාට මේ අගෞරවය කළේ අප මුලින් සඳහන් කළ අපේ පියාගේ ජනප්‍රියත්වය ඉවස දරා ගත නොහැකිව සිටින අර තුට්ටු දෙකේ කලාකාර කුහකයින් පිරිසයි. (“තොප්පිය හරි නම් දාගන්න” යයි උපහාස ස්වරයෙන් පවසා හිනැහෙමින්...) ඔවුන් මාන බලමින් උන්නේ කොයි යම් මොහොතක හෝ ‘බයිලා චක්‍රවර්ති එම්.එස්. ප්‍රනාන්දු’ නාමය ඉදිරියට ගෙන එන එතුමන්ගේ දරු පරපුරට ප්‍රහාරයක් එල්ල කරන්නයි. මේ කළේ ඒ කුහක පහර දීමයි.”
- එම්.ජී. ට ‘චක්‍රවර්ති’ නමින් හැඳින්වීම නොගැළපෙන බව ද ඔබ තවදුරටත් අදහස් කරන්නේ...?
“සංගීත ක්ෂේත්රයේ කාට වුණත් ඒ දෙය පැහැදිලිවම තේරෙනවානේ. SMS reality වැඩසටහනින් අපේ පියාගේ ගී ගැයුවාට ඔය SMS ‘චක්‍රවර්ති නාමය කොහෙත්ම ගැළපෙන්නේ නැහැ. වෙනත් ගායන ශිල්පියෙකු අනුකරණය කරමින් අනුන්ගේ ගීත ගයමින් SMS වලින් ආව ඔහුට කොහොමද මේ වටිනා නාමය දෙන්නේ...? මෙය වැරැද්දක්. මීට අපේ පවුලේ බලවත් අප්‍රසාදය අපි පළ කරනවා.”
- ඔබ ඇතුළු සහෝදරයින් විසින් ඊට පිළියම් ලෙසින් කිසියම් පියවරක් ගත යුතුයි නේද...?
“අපි විමසිල්ලෙන් ඉන්නවා. මොකද ඔය SMS තරුව පවසා තියෙනවානේ තරගයේදී අපේ පියාගේ ගීත ගායනා කළාට ඉන්පසුව ගායනා නොකරන බව. ශ්‍රී ලංකාවේ බයිලා චක්‍රවර්ති එම්.එස්. ප්‍රනාන්දු කියන්නේ අපේ පියාට පමණයි. මේ ලොව පවතින තාක් කල් එය වෙනස් කරන්න කාටවත්ම බැහැ. මේ රටේ බුද්ධිමත් රසික ජනතාව දන්නවා - නියම බයිලා චක්‍රවර්තිගේ ගීත ගායනා කරන්න එතුමාගේ පුතුන් සහ සහෝදරයා (වෝල්ටර් ප්‍රනාන්දු) සිටින බව. මම මේ ප්‍රකාශය කරන්නේ අපේ පවුලේ හැමෝම වෙනුවෙනුයි. කුහකයින් පිරිසකගේ ඕනෑකමට ඔය මොන දේ කළත් ඒවාට අපි සැලෙන්නේ නැහැ. හැමදාටම අපේ පියා එම්.එස්. ප්‍රනාන්දුම ‘බයිලා චක්‍රවර්ති’ මිස අන් කිසිවෙකු චක්‍රවර්ති නොවේ. මේ අවස්ථාවේ අපව දැනුවත් කරමින් අප සමඟ රැඳි සිටින සියලුම රසික හිතවතුන්ට ස්තූතියි.”
(සිළුමිණ- රසඳුන)
මිලේච්ඡත්වය කරා සමාජය ඇදගෙන යන මේ ගමන ඇතුලේ විවිධ අන්තවාදී සංවිධාන නිර්මාණය වුණ බවත් එවැනි විවිධ බල සේනා හැදී වැඩුණේ පෝෂණය වුණේ මේ ආණ්ඩුවේ ඔඩොක්කුවේම බවත් සම අයිතිය ව්‍යාපාරයේ කැඳවුම්කරු රවීන්ද්‍ර මුදලිගේ පවසීය.
විත්තිකරුවන් විය යුතු අයම පොලිසියට අභියෝග කරනවා "පුළුවන් නම් නඩු දාන්න" කියලා – නීතිඥ උපුල් ජයසූරිය
ශ්‍රී ලංකා නීතිඥ සංගමය විසින් අලූත්ගම සිදුවීමට පෙර සිටම ප්රකාශ කළා බොදු බලසේනාව සම්බන්ධයෙන් නීතිය කි‍්‍රයාත්මක කළ යුතුයි කියලා. අලූත්ගම සිදුවීමෙන් පසුවත් එය සිදුවෙලා නැහැ.
"සුන්දර චන්දරේ" ටෙලි නාට්‍යයේ ඔබ අන්ධ යුවතියක්. ඒකට ලැබෙන ප්‍රතිචාර කොහොමද?
ගොඩක් හොඳයි. ඒකේ මම "සැංගී, සැංගී ඈත සූරියා දිලෙන්නා" කියන ගීතය ගායනා කරන කොටසක් තියෙනවානෙ. ඒක කියන්න කියලා තමයි ගොඩක් ප්රේක්ෂකයෝ මගෙන් ඉල්ලන්නෙ.
ඔබ වැඩිපුරම රඟපාන්නෙ අහිංසක, ගැමි සුන්දර චරිත. ඇයි ඊට වඩා වෙනස් චරිත තුළ ඔබව දැකගන්න නැත්තෙ?
'අම්මාවරුනේ, කියන නාට්‍යයෙ මම වෙනස් චරිතයක් කළා. ඒක ටිකක් බටහිර පන්නයේ චරිතයක්. ඒත් ගොඩක් ප්රේක්ෂකයෝ මම එවැනි චරිතවලින් දකින්න කැමැති නෑ.
නිරුවත් රංගනයකට ටැලන්ට්ස් නෑ - මුතු තරංගා
වලව්වක ඉපදුණාට, වලව් පැලැන්තියට කොටුවුනේ නැහැ - දුලීකා මාරපන
“පුංචිම කා‍ලේ වැස්සක් වැටෙනකල් මම බලා ගෙන ඉන්නේ කඩදාසි බෝට්ටු හදලා වතුරේ පා කරලා යවන්න. වැස්සෙ දැඟලුවට, වැලි සෙල්ලම් කළාට, මැටිවලින් රූප ඇඹුවට අම්මගෙන් කවදාවත් තහංචි වැටුණේ නැහැ.ගෙදර වැඩට කට්ටිය හිටියට උයන පිහන මහන ගොතන කටයුතු අම්මා මට පුරුදු කළේ පුංචි කාලෙදීමයි. ගොයම් කපන කාලෙට මමත් කුඹුරු වැඩට උදව් වුණා. වටාපිටාවේ ළමයි එක්ක ඇති තරම් සෙල්ලම් කළා. ගෙදර වැඩට කට්ටිය හිටියට උයන පිහන මහන ගොතන කටයුතු අම්මා මට පුරුදු කළේ පුංචි කාලෙදීමයි. ගොයම් කපන කාලෙට මමත් කුඹුරු වැඩට උදව් වුණා. වටාපිටාවේ ළමයි එක්ක ඇති තරම් සෙල්ලම් කළා. සමහරු කියනවා අද ළමයින්ට ළමා කාලය අහිමි වෙලා තියෙන්නේ අධ්‍යාපන තරගය නිසා කියලා. මම නම් ඒක පිළිගන්නේ නැහැ. එදත් ඔය අධ්‍යාපන තරගය තිබුණා. ඒත් අපිට ළමාවිය විඳින්න ඉඩකුත් තිබුණා. මම මුලින්ම පුද්ගලික පන්තියකට ගියේ සාමාන්‍ය පෙළ කරද්දී. හැබැයි අපි එදා ළමා විය විඳිමින්, ජීවිතය විඳිමින් අධ්‍යාපන තරගයටත් ඉතා සාර්ථකව මුහුණදීලා පාසල් අධ්‍යාපනය වගේම විශ්වවිද්‍යාල අධ්‍යාපනයත් ජයගත්තා.
ප්‍රශ්නය - මේ දිනවල අපේ රටේ දේශපාලන කථිකාව තුළ මංගල සමරවීර කියන්නේ විවාදිත චරිතයක්. දර්ගා නගරය මුල් කරගෙන පසුගිය දිනවල ඇතිවුණ සිංහල මුස්‌ලිම් ගැටුම්වලට අපේ රටේ රාජ්‍ය බුද්ධි අංශය සම්බන්ධ බව කියමින්, ඔබ කළ හෙළිදරව්ව ඊට මුල් වුණා. මෙවන් බරපතළ චෝදනාවක්‌ රටේ රාජ්‍ය බුද්ධි අංශයට කරන්න ඔබට තිබෙන අයිතිය මොකක්‌ද?
පිළිතුර - රටක රජයේ බුද්ධි අංශය රටට අහිතකර යම් යම් ක්‍රියාවන්වල යෙදෙනවා නම්, බුද්ධි අංශය පටු දේශපාලන න්‍යාය පත්‍රයක්‌ අනුව වැඩ කරනවා කියල අපට තොරතුරු තියෙනවා නම්, පාර්ලිමේන්තු මන්ත්‍රීවරයෙක්‌ හැටියට අපට විශේෂ වගකීමක්‌ තියෙනවා, අපි දන්න දේ රටට හෙළිදරව් කිරීමට.
ප්‍රශ්නය - රාජ්‍ය බුද්ධි අංශයක්‌ කියන්නේ රජයේ පාලන තන්ත්‍රයේ අතිශයින් රහසිගත හා සංවේදී ආරක්‍ෂක ඒකකයක්‌. එහි රහස්‌ හා තොරතුරු විපක්ෂයේ දේශපාලනඥයන් අතරට යනවා කියන්නේ එක් අතකින් බුද්ධි අංශයේ දුර්වලකමක්‌. අනිත් අතින් විපක්ෂයේ තිබෙන කුමන්ත්‍රණකාරී රාජ්‍ය විරෝධී කඩාකප්පල් වැඩපිළිවෙළ හෙළිදරව් කරන්නක්‌.
පිළිතුර - නෑ. නෑ. ඔච්චර දුර යන්න එපා. අපි ඉස්‌සරවෙලා තේරුම් ගනිමු. රජය බුද්ධි අංශයක්‌ තුළින් බලාපොරොත්තු විය යුතු රාජකාරිමය ස්‌වභාවය මොකක්‌ද කියලා. විශේෂයෙන්ම යම් බුද්ධි අංශයක්‌ රටේ ආරක්‍ෂාව හා සාමය පවත්වාගෙන යැමට, යම් ත්‍රස්‌තවාදී වැඩපිළිවෙළක්‌ මර්දනය කිරීමට, රටේ ආරක්‍ෂාව භෞමික අඛණ්‌ඩතාව හා ස්‌වෛරීත්වය ආරක්‍ෂා කිරීමට ගන්නා වැඩපිළිවෙළ හා උපාය මාර්ග තිබෙනවා නම් ඒවා යම් යම් මාර්ග මගින් සොයාගෙන හෙළිදරව් කරනවා නම් ඒක මහා බරපතළ විශාල වරදක්‌ බව මමත් පිළිගන්නවා. ඒවා හෙළිදරව් කිරීම බරපතළ වරදක්‌. නමුත් යම් බුද්ධි අංශයක්‌ රටේ සාමය හා ආරක්‍ෂාව කඩ කරන එක්‌තරා කණ්‌ඩායමක්‌ වෙනුවෙන් පෙනී සිටිනවා නම්, ඔවුන් ආරක්‍ෂා කරනවා නම්, රටේ ජාතීන් අතර සාමය හා සහජීවනයට හානි වන අයුරින් ක්රියා කරනවා නම් රටේ පැවැත්මට අහිතකර යම් ක්‍රියාවල යෙදෙනවා නම් ඒවා රාජ්‍ය රහස්‌ නෙවෙයි. රාජ්‍ය රහස්‌වල මුවාවෙන් කරන දේශපාලන තක්‌කඩිකම්. මම හෙළිදරව් කරන්නේ ඒ තක්‌කඩිකම් විතරයි.
ප්‍රශ්නය - සමස්‌ත බුද්ධි අංශයටම ඔබේ ඔය චෝදනාව අදාළ ද............?
පිළිතුර - නෑ. නෑ... බුද්ධි අංශ භාර ප්‍රධානියා යටතේ ඉන්න නිලධාරීන් කිහිපදෙනෙක්‌. ඕන්නම් මම නම් කියන්නම්. (නම් කීමට සූදානම් වෙයි) තව නම් තියෙනවා ලැයිස්‌තුවක්‌. විශේෂයෙන්ම පසුගිය කාලය පුරාම ලංකාවේ බොදු බල සේනා කියන සංවිධානයට මඟ පෙන්වන, ආරක්‍ෂාව දෙන රාජ්‍ය මුදල් පවා ලබා දෙන දිරිමත් කරන නිලධාරීන් කිහිපදෙනෙක්‌ම තමයි මම හෙළිදරව් කරන්නේ..... මෙයාලත් මේ කරන්නේ තමන්ට ඉහළින් ඉන්න ප්‍රධානියෙක්‌ගේ අණ ක්‍රියාත්මක කිරීම.... ඒ අනුව තමයි, මුස්‌ලිම් විරෝධී ව්‍යාපාරයක්‌ රට පුරා ක්‍රියාත්මක වෙන්නේ. ඒක කරන ප්‍රධානියෙක්‌ ඉන්නවා. ඔහු පිටුපස ඉන්න තව දේශපාලන කණ්‌ඩායමක්‌ ඉන්නවා.
ප්‍රශ්නය - ඇයි ඔවුන් ගැන කෙළින් කියන්නේ නැත්තේ.. කවුද ඒ ප්‍රධානියා...... කවුද ඒ බලවේගය.
පිළිතුර - කියන්නම්.... (සිනාසෙමින්) පළ කරනවාද.. ඒ තමයි රටේ ආරක්‍ෂක අමාත්‍යාංශයේ ඉන්න (ඉහළම නිලධාරියකුගේ තනතුර කියයි) එයා පිටුපස්‌සේ ඉන්නේ කවුද කියන්න ඕන නැහැනේ.
ප්‍රශ්නය - මෙය භයානක චෝදනාවක්‌. ඔබට එහෙම කියන්න සාධක තියෙනවාද?
පිළිතුර - මොකද නැත්තේ. කොච්චර තියෙනවාද? මම මේක කිව්වේ අද ඊයේ නෙවෙයි. ඔය "හලාල්" ව්‍යාපාරය මුල් කරගෙන ඔය බොදු බල සේනා කණ්‌ඩායම මේ රටේ ඉස්‌ලාම් මුස්‌ලිම් විරෝධී රැල්ලක්‌ අරගෙන ගියානේ. ඒ වෙලාවේ මම කිව්වා මේ බොදු බල සේනා සංවිධානය පුම්බන්නේ, ආරක්‍ෂා කරන්නේ විතරක්‌ නොවෙයි...... ආරක්‍ෂක අමාත්‍යාංශය යටතේ තිබෙන රහස්‍ය ගිණුමෙන් මුදල් පවා ලබා දෙන්නේ රටේ ආරක්‍ෂක අමාත්‍යාංශයේ ප්‍රධානියා කියල. ඒ වෙලේ..... නැහැ කිව්වෙත් නැහැ. ඔව් කිව්වෙත් නැහැ. ඊට ටික දවසකට පස්සේ ඔහු ගිහින් ගාල්ලේ බොදු බල සේනා මූලස්‌ථානයක්‌ විවෘත කළා. ඒ විතරක්‌ද...
බොදු බල සේනා කණ්‌ඩායම මේ රටේ කරන ත්‍රස්‌ත ක්රියා, ජාතිවාදය, සාමය කඩ කිරීම් ඉදිරියේ පොලිසියේ හා හමුදාවේ නිහඬතාව බලන්න. අපට පුළුවන්ද එයාල ඉද්දී මේ රටේ සාමකාමී විරෝධතාවක්‌ වත් කරන්න. බැහැනේ. අපි විරෝධතාවක්‌ කළොත් කඳුළු ගෑස්‌ ගහනවා. වතුර ගහනවා. උසාවි නියෝග අරන් ඇවිත් තහනම් කරනවා. ශිෂ්‍ය උද්ඝෝෂණවලට පැනලා ඇස්‌ එළියට පනින්න ගහනවා. එහෙම පොලිසිය, එහෙම හමුදාව, එහෙම එස්. ටී. එෆa. එක බොදු බල සේනාවට මොනවද කරලා තියෙන්නේ.
බේරුවලදී අලුත්ගමදී බොදු බල සේනාවට පුළුවන් වුණා මොබයිල් වේදිකාවක්‌ ගෙනත් පාර මැද තියලා ඒ වේදිකාවට නැඟලා ඉතාම භයානක ලෙස ජාතීන් අතර වෛරය ක්‍රෝධය ඇතිවන විදියට කතා කරලා ධර්මය වෙනුවට වෛරය, ක්‍රෝධය වපුරවලා මහා විනාශයක් කරන්න. නමුත් මේ ඔක්කොම කළ බොදු බල සේනාවට ආරක්‍ෂාව දුන්නේ එස්. ටී. එෆa. එක. එයාලා ගිහින් කඳුළු ගෑස්‌ ගැහුවේ කලබලකාරීන්ට නොවෙයි. අර අහිංසක ප්‍රදේශවාසීන්ට. මම බය නැතිව නොපැකිළිව කියනවා. මේක හිතාමතා සැලසුම් කරපු සැලසුම් සහගත මෙහෙයුමක්‌. මේක ක්‍රියාත්මක කළේ රජයේ ඉහළම අය.
ප්‍රශ්නය - අපේ රටේ ඉහළම රාජ්‍ය නායකයා, ජනාධිපති මුස්‌ලිම් ප්‍රජාව සමග ජාතිකවත් ජාත්‍යන්aතරවත් ඉතාම මිත්‍රත්වයකින් කටයුතු කරන රාජ්‍ය තාන්ත්‍රිකයෙක්‌. එතුමා එහෙම කටයුතු කරද්දී ඔහුගේම ආරක්‍ෂක ප්‍රධානියා මුස්‌ලිම්, සිංහල අරගලයක්‌ රටේ ඇතිකරන්න සැලසුම් කළා කියලද ඔබ කියන්නේ. පරස්‌පර ක්‍රියාවලියක්‌නේ එහෙමනම්... වෙන්න පුළුවන් දෙයක්‌ද?.
පිළිතුර - මේ ක්‍රියාවලිය දෙස මතුපිටින් බැලුවාම පරස්‌පරයි තමයි. නමුත් ගැඹුරට ගිහින් බලන්න. ජනාධිපතිගේ පේනවා තමයි, මුස්‌ලිම් ප්‍රජාව සමග සුහදව සිටින බවට මුහුණුවරක්‌. මම කියනවා ඒක බොරු බයිස්‌කෝප් සුහදත්වයක්‌ කියලා. ලෝකෙට පෙන්නනවා එකක්. මුස්‌ලිම් සහෝදර වාදය ලෝකෙට පෙන්නලා මුස්‌ලිම් ප්‍රජාවේ සහයෝගය ගන්නවා. ජිනීවාවලදී ඡන්දයක්‌ ගන්නවා. සමහර රටවලින් සම්මානත් ගන්නවා. ඒක එක පැත්තක්‌.
අනිත් අතින් ඔහුගේම සහෝදරයා අනිත් පැත්තෙන් මුස්‌ලිම් විරෝධී බෞද්ධ සංවිධානයකට උදව් කරමින් සිංහල, මුස්‌ලිම් අරගල අවුළුවනවා. එහෙම පේන්නේ මතුපිටින් බැලුවොත් විතරයි. ගැඹුරින් විග්‍රහ කරලා බලන විට මේ දෙන්නගේ ගමන එකම අතකට යන එකම න්‍යාය පත්‍රයකට අනුව සැකසුණ වැඩපිළිවෙළක්‌ බව පැහැදිලියි. මේ දෙන්නා මේ ක්‍රියාත්මක කරන්නේ දේශපාලන න්‍යාය පත්‍රයක්‌. ඒකේ ඉලක්‌කය තමයි මේ රටේ හොඳින් හෝ නරකින් මහින්ද රාජපක්‍ෂ තුන්වැනි වරටත් ජනාධිපති කරවීම. ඒක තමයි මේ මෙහෙයුමේ ඉලක්‌කය.
ප්‍රශ්නය - ඔබ යෝජනා කරන්නේ ඒ වගේ කුමන්ත්‍රණයකින් තොරව ජනාධිපති මහින්ද රාජපක්‍ෂට මේ රටේ නැවත ජනාධිපති විය නොහැකි බවද?
පිළිතුර - ඔව්..... මොකද හේතුව.... දැන් බලන්න මහින්ද රාජපක්‍ෂ ජනාධිපති වෙලා වසර 10 යි. යුද්ධය දිනලා ඉවර වෙලා අවුරුදු 5 කට කිට්‌ටුයි. බලන්න මේ කාලය තුළ රජය රටට කරල තියෙන්නේ මොකක්‌ද?... යුද්දේ විතරයි. ජයග්‍රහණ විතරයි. යුද්ධය ඉවර වුණාට පස්සේ මේ අවුරුදු 5 තුළ රටේ ජනතාවගේ ජීවන තත්ත්වය බිඳවැටිලා. හොරකම, මැරකම, ජඩකම රටේ රජ කරලා. පකිස්‌තානය හා ලංකාව දැන් ආසියාවේම හෙරොයින් කේන්ද්‍රස්‌ථානය බවට පත්වෙලා කියලා ලෝක වාර්තා හැදිලා. ආශ්චර්යය කියලා වචනයට කිව්වට ඇති ආශ්චර්යයක්‌ නැහැ. රට සංවර්ධනය කළා ලස්සන කළා කිව්වාට ඇති දෙයක් රටට වෙලා නැහැ.
ප්‍රශ්නය - ඇයි ඔබ එහෙම කියන්නේ. මේ රටේ ඕනම තැනක ඇවිදලා විවෘත මනසකින් වට පිට බැලුවාම රට ලබල තියෙන සංවර්ධනය ඕනම කෙනකුට පේනවනේ.
පිළිතුර - සංවර්ධනය කියල මොනවද තියෙන්නේ. අහස්‌ යානා එන්නේ නැති ගුවන් තොටුපළකුයි නැව් ඉඳල හිටල එන හාබර් එකකුයි මහ වැස්‌සට හෝදගෙන යන කාපට්‌ පාරවල් ටිකකුයි නේ තියෙන්නේ. ඔච්චරනේ. වෙන මොනවද. පාරට ගල් අල්ලලා මල් හිටුවලා තියෙනවා. වෙන මොනවද? ඔය ටික ඇරෙන්න සැබෑ සංවර්ධනයක්‌ ජනතාවට පෙන්වන්නෙ නැහැ. කෝටි ගණන් වියදම් කරනවා. කෝටි ගණන් කොමිස්‌ ගහනවා. මම කියන්නේ ඒකට කොමිස්‌ කුට්‌ටි සංවර්ධනය කියලයි.
ප්‍රශ්නය - යුද්ධය දිනලා ජනතාවට නිදහස ලබාදීමේ ගෞරවය රජයට තියෙනවා. ඔබට පේන්නේ නැද්ද?
පිළිතුර - යුද්දේ දින්නා. ප්‍රභාකරන් නැති වුණා. ත්‍රස්‌තවාදය නැති වුණා. ඒක ඇත්ත. අපිත් සතුටුයි. හැබැයි ඒ චූන් එක හැමදාම ජනතාවට පෙන්නලා ඡන්ද දිනන්න බැහැ. අද යුද්දෙ නැහැ. නමුත් රට ඉදිරියට ගිහින් නැහැ. ඒක නිසා ආයෙත් ඡන්දයක්‌ ඉල්ලන්න ජනතාව ඉදිරියට යන්න මෙයාලට හැකියාවක්‌ නැහැ.
මෙන්න මේ නිසා මෙයාල හිතනවා ආයිමත් අර 2010 යුද්ධය අවසන් වුණු වෙලාවේ තිබුණු ආකාරයේ මානසිකත්වයක්‌ රටේ ගොඩනගලා, නැවත හතුරෙක්‌ නිර්මාණය කරලා, ජාත්‍යන්තරයේ නැති ජාත්‍යන්තර පීඩනයක්‌ නිර්මාණය කරලා, මේ රට බේරාගත හැකි එකම දේශප්‍රේමී නායකයා මහින්ද රාජපක්‍ෂ ඉස්‌මතු කරලා විතරයි ජනාධිපතිවරණය දිනිය හැක්‌කේ කියලා. මම මේක වගකීමකින් කියන්නේ.
ප්‍රශ්නය - බරපතළ චෝදනාවක්‌. මේ රජය ද්විත්ව චරිතයක් පෙන්නුම් කරන බවක් ඔබ කියනවනේ?
පිළිතුර - ඔව්. ඒක තමයි ඇත්ත. ජනාධිපති ලෝකෙට එකක් පෙන්නනවා. රටට තව එකක් පෙන්නනවා. ඒකනේ වෙලා තියෙන්නේ. දැන් පසුගිය දිනවල ජාත්‍යන්තරයට ගිහින් කිව්වා පරීක්‍ෂණවලට අපි එකඟයි, මේවා මේවා කරනවා, එන්න ඇවිත් බලන්න කියලා. දැන් ඔන්න පරීක්‍ෂණයකට එන්න හදනකොට එන්න එපා කියනවා. දෙබිඩි පිළිවෙතක රජය ඉන්න නිසා නේ ඔය කරදර ඔක්කොම.
ප්‍රශ්නය - ඔබ සමඟ කතා කරන විට මට එක දෙයක් පැහැදිලියි. ඒ තමයි සැබැවින්ම ඔබ ජනාධිපති මහින්ද රාජපක්‍ෂ සමඟ ඔහුගේ රජය සමඟ දැඩි වෛරයකින් පෙළෙන බව.
පිළිතුර - අනේ නැහැ. මට නම් මහින්ද රාජපක්‍ෂ මැතිතුමා සමඟÊකුඩා හෝ වෛරයක්‌වත් නෑ. ඔහු මගේ පැරැණිතම යාළුවෙක්‌. 1988 මම මුල් වරට ඩාර්ලි රෝඩ් එකට ගිය වෙලාවේ ඔහු තමයි මගේ හොඳම මිතුරා. මුල්ම මිතුරා. ඔහු තමයි අපි හැමෝටම වඩා ඉදිරියෙන් සිටිමින් හැම තැනම කැපී පෙනුනේ. වෘත්තීය සමිති ව්‍යාපාරවල කම්කරු ව්‍යාපාරවල ශිෂ්‍ය හා තරුණ ව්‍යාපාරවල ඔහු තමයි හිටියේ ඉදිරියෙන්. ජනමාධ්‍ය අතරත් වීරයා, සුරතලා ඔහු. මමයි රුවන් ෆර්ඩිනැන්ඩුයි එකතු වෙලා 88 - 89 වකවානුවේ අතුරුදන් වූවන් පිළිබඳ එකතු කරපු දීප ව්‍යාප්ත තොරතුරු ඔහු තමයි ජාත්‍යන්තරයට අරගෙන ගිsහින් වීරයෙක්‌ වුණේ. ඔහුට ඒ වෙනුවෙන් ජාත්‍යන්තර සම්මාන ලැබුණා. වරක්‌ ඉන්දියානු විශ්වවිද්‍යාලයක්‌ ආචාර්ය උපාධියක්‌ දුන්නා මානව අයිතීන් සම්බන්ධව. ඒ විදිහට 90 දශකය පුරා ලංකාවේ හිටපු වඩාත්ම ප්‍රගතිශිලී නායකයා වුණා මහින්ද. අද කොහොමද. ලෝකයේ මුගාබෙලා, බෂීර්ලා, අසාඩිලා වගේ අය හිටගත්ත පෙළේ නම කියෑවෙන්නේ කියලා මම තවම අධ්‍යයනය කරනවා. මට වෛරයක්‌ තියෙනවා අද මේ රටේ වෙන සමහර දේවල් ගැන දකින කොට මේ රජය සමඟ. සංවර්ධනයේ නාමයෙන් වන මහා සොරකම් දකින කොට. දැන් මේ බුර බුරා නැගෙන ජාතිවාදයේ ගිනිදළු දකින කොට වෛරයක්‌ ඇති නොවන්නේ කාටද?
ප්‍රශ්නය - අපි ආයෙත් බුද්ධි අංශ හෙළිදරව්ව වෙත හැරෙමු. ඔබ අද බුද්ධි අංශ නිලධාරීන් හෙළිදරව් කරමින් කරන්නේ එදා 2002 ආණ්‌ඩුවේදී "මිලේනියම්සිටි" ඓතිහාසික පාවාදීම කියන හෙළිදරව්වේ දෙවැනි පියවර නොවෙයිද?
පිළිතුර - නැහැ වැරදියි. ඔය විග්‍රහය කරන්නේ අර කුණුහරුප කියන ජඩ මාධ්‍යවේදීන් පිරිසක් විතරයිනේ. සිහියක්‌ මොලයක්‌ තියන අය ඔය කතා කියන්නේ නැහැ. මොකද මිලේනියම් සිටි සිද්ධියයි මේ සිද්ධියයි කියන්නේ පැහැදිලිවම දෙකක්‌. අවස්‌ථා දෙකක්‌ විතරක්‌ නොවෙයි. මුහුණුවරිනුත් හැඩරුවිනුත් අන්තර්ගතයෙනුත් දෙකක්‌.
එදා තිබුණේ රටක් රටේ රාජ්‍යයක්‌ හමුදාවක්‌ බුද්ධි අංශයක්‌ ත්‍රස්‌තවාදයට එරෙහිව කරපු යුද්ධයක්‌. ඒ යුද්ධයේදී ත්‍රස්‌තවාදය මර්දනය කරන්න, මේ රට බේරාගෙන සාමය උදා කරන්න සේවය කරපු හමුදාවක්‌ වෙනුවෙනුයි එදා අපේ බුද්ධි අංශය ක්රියා කළේ. ඒ පාවාදීම දේශෙද්‍රdaහී ජාතිෙද්‍රdaහී පාවාදීමක්‌ වුණේ ඒකයි. ඒකට විරුද්ධව කතා කළ කථිකයන් අතර මමත් එක්‌කෙනෙක්‌. නමුත් අද තත්ත්වය ඊට සපුරාම වෙනස්. අද තියෙන්නේ මේ රටේ ත්‍රස්‌තවාදී ගින්න නැවත අවුලන්න ජාතිවාදය වපුරන්න බුද්ධි අංශය විසින් මෙහෙයවන මෙහෙයුමක්‌ නිසයි මම මේ හෙළිදරව්ව කරන්නේ. මේක පාවාදීමක්‌ නොවන්නේ ඒ නිසයි.
ප්‍රශ්නය - අවසන් වරට මම අහන්නේ ඔබ මේ බරපතළ විවේචනත් සමඟ මේ රජය පෙරළන්න, ඡන්දයකින් පරාජය කරන්න ඔබලාගේ ලොකු සූදානමක්‌ තිබෙන බව පේනවා. මොකක්‌ද වැඩපිළිවෙළ?
පිළිතුර - ඔව්........ අපි අහනවා අද රටේ මේ රජයට, ජනාධිපති මහින්ද රාජපක්‍ෂට එරෙහිව ලොකු ජනතා අප්‍රසාදයක්‌ මේ වන විට වර්ධනය වෙමින් තියෙනවා. සමහර අය ඉන්නවා මේ රජයේම මහින්ද රාජපක්‍ෂට ඡන්දය දීලා කරගත්තේ මහා මෝඩකමක්‌ කියලා හිතන දේශපාලනඥයෝ පවා. ලොකු අප්‍රසාදයක්‌ වර්ධනය වෙලා. ඒ අප්‍රසාදය ගොඩනැගුණු පළියට, එම බලවේග අප වටා ගොනුවෙයි කියලා මම හිතන්නේ නැහැ. ඊට අපට ශක්‌තිමත් වැඩපිළිවෙළක්‌ තිබිය යුතුයි.
ප්‍රශ්නය - ඔබලා පොදු අපේක්‍ෂකයෙක්‌ ගැන හිතනවාද?
පිළිතුර - ඒ ගැන කල්පනා කරන්න කලින් අපිට ඕන විපක්ෂයේ පොදු බලවේග එකට ගොනු කරන පොදු වැඩපිළිවෙළක්‌. පොදු අපේක්‍ෂකයා අවශ්‍ය ද නැද්ද යන්න ඊට පසුව ගන්නා පියවරක්.
ප්‍රශ්නය - පොදු අපේක්‍ෂකයා කවුද කියන එක පසෙකට තබමින් හිටපු ජනාධිපතිනි චන්ද්‍රිකා බණ්‌ඩාරනායක මැතිනිය කරළියට ගෙන එන්න කියලත් සමහරු කියනවා. ඔබ ඒ සඳහා වෙහෙසෙන කෙනෙක් ලු.
පිළිතුර - නැහැ... මම දන්නේ නැහැ. එතුමිය කැමැති නම් එතුමියට ඉඩකඩ තියෙනවා ඕන තරම් මේ දේශපාලන කරළියට පොදු වේදිකාවට ඇවිත් වැඩ කරන්න. ඒකෙන් කියන්නේ නැහැ ඊළඟ පොදු අපේක්‍ෂකයා ඇය කියලා.
ප්‍රශ්නය - හිටපු ජනාධිපතිනිය පසුගිය දිනවල කවදාවත් නොතිබූ ආගමික සංහිඳියාවක්‌ ගැන කතා කරමින් කරළියට ආවා. ඇය මේ රටේ ආගමික සංහිඳියාවක්‌ නැහැ කියමින් කතා කරන අතරතුර හිටි හැටියේම රටේ මතුවුණ සිංහල - මුස්‌ලිම් අරගලය ගැන අපට ප්‍රශ්න තියෙනවා.
පිළිතුර - ඇයි ඒ.
ප්‍රශ්නය - ඒ තුළින් ඔප්පු වෙනවා මේ රටේ ආගමික ගැටුමක්‌ ඇති කිරීමට ජාත්‍යන්තරයේ යම් සැලසුමක්‌ ක්‍රියාත්මක වුණු බව. දෙපිරිස අතර ගැටුමක්‌ නිර්මාණය වේවිය කියලා තුන්වැනි පාර්ශ්වයක්‌ බලා සිටිය බව.
පිළිතුර - විහිළු කතා. ඒකයි මම අහන්නේ අර බොදු බල සේනා සංවිධානය බේරුවලට එව්වේ ඔබාමාද? බේරුවලට ඇවිත් ධර්මය වෙනුවට වෛරය වපුරන්න කිව්වේ ඔබාමාද කියලා මම අහන්නේ ඒකයි. අන්තිමේ පොලිසිය 13 දෙනෙක්‌ අත්අඩංගුවට ගත්තා. පොලු, කිණිසි, කඩු එක්ක. දවස්‌ 2 ක් යන්න කලින් ඒ පිරිස නිදහස්‌ කරන්න කියලා පොලිසියට බලපෑම් කළේ ඔබාමාද? කෝ ඕවට උත්තර. කවුද මේක පටන් ගත්තේ කියලා බලන්න. එයාලා පිටිපස්සේ කවුද ඉන්නේ කියලා බලන්න. හැබැයි මම එකක් කියන්න ඕන. මේකට උඩගෙඩි දෙන සමහරු නම් ඇමරිකානු පුරවැසියන්. අනිත් අතට ඔතන ඉන්නවා (නම කියයි) කියලා මැලේ මුස්‌ලිම් බුද්ධි නිලධාරියෙක්‌. ඔහු තමයි මේ කටයුතු සංවිධානය කරන්නේ. ඔහුට ජිහාඩ් එකෙන් සල්ලි එනවද කියල නම් මම දන්නේ නැහැ.
ප්‍රශ්නය - පසුගිය දිනෙක පාර්ලිමේන්තුවේදී විමල් වීරවංශ ඇමැතිවරයා ප්‍රකාශයක්‌ කළා එහි කියෑවුණා මුස්‌ලිම් අන්තවාදීන්ට සෞදිය හරහා මුදල් එන බව. බොදුබල සේනාවට නෝර්වේ හරහා මුදල් එන බව. ඒ දෙපැත්තෙන්ම එන්නේ ඇමරිකන් මුදල් බව ඔහු ප්රකාශ කළා.
පිළිතුර - ඔය කියන්නේ ජාතිවාදී විකාර සිහින දකින උදවිය කියන කතා. ඇමරිකාව එවපු ඒ සල්ලි ආවා නම් දර්ගා නගරයට කඩු, කිනිසි, බෝම්බ තියෙන්න එපායෑ මුස්‌ලිම්වරුන් අතේ. පල්ලිවල, ගෙවල්වල.
ප්‍රශ්නය - එස්‌ටීඑෆa නිලධාරීන් පෙන්වනවනේ මුස්‌ලිම් අය අතත් කඩු, කිනිසි, බෝම්බ තිබිලා අත්අඩංගුවට ගත්තා කියලා.
පිළිතුර - ඒ ඊට පස්සේ එක පාරට කියන කතානේ. සියලු ජනතාවට එරෙහිව රටේ ක්‍රියාත්මක වන එකම බලවේගයයි මම දන්නේ. ඒක වෙන එකක් නොවෙයි. මම ඒකට කියනවා ආර්ටීඑෆa කියලා. රාජපක්‍ෂ කාර්ය බළකාය. එච්චරයි.සාකච්ඡා කළේ
- බූලිත ප්‍රදීප් කුමාර
