දැනට විදුලි බලාගාරය ඉදිවෙන ප‍්‍රදේශයේ කාලයකට පෙර පර්යේෂණවල නියැළී සිටි විද්‍යාඥ පැටිරික් කිකිබ් පෙන්වා දෙන්නේ මෙම විදුලි බලාගාරය දැවැන්ත ලෙස කදුකර පරිසර පද්ධතිය හා ලක්ෂපාන දිය ඇල්ලවිනාශ මුඛයට ගෙන යනු ලබන බවය . මෙයට සති කිහිපයකට පෙර අප විසින් පෙන්වා දුන්නේ ලක්ෂපාන දිය ඇල්ලට මීටර් 200 ඉහළින් ඉදිකරන මෙම විදුලි බලාගාරය නිසා දිය ඇල්ලට හානි සිදු විය හැකි බවය .
එය පසක් කරමින් දිය ඇල්ලට උඩින් කරන පිපිරීමි නිසා දිය ඇල්ල දෙපස ඉවුරු හා මස්කෙළි ඔයේ ඉවුරු කඞා වැටීමට පටන් ගෙන ඇති අතර විදුලි බලාගාරයේ ඉදිකිරීම් නිසා දිය ඇල්ලේ ගල් ගැලවී වැටලීමට ආසන්නව ඇත. තවදුරටත් මෙම විදුලි බලාගාරයේ ඉදිකිරීමේ කටයුතු සිදුවුවහොත් දියඇල්ලේ හැඩය පවා වෙනස් විය හැකිය.
දැනටමත් පිපිරීම් සිදු ව ඇත.
ලක්ෂපාන දිය ඇල්ලේ සිදුකරන විදුලි බලාගාරයේ ඉදිකිරීම් නිසා ප‍්‍රදේශය පුරා දැඩි පාරිසරික හායනයක් සිදුවෙමින් පවතින අතර එය ලක්ෂපාන දිය ඇල්ලේ සොදුරු දසුන් විනාශ කරන සංවර්ධන කටයුත්තක් ලෙස පෙන්වාදිය හැකිය.
වර්තමානයේ ලක්ෂපාන දිය ඇල්ලේ සියයට අසුවකට වැඩි ප්රමාණයක් ගල් පැලී එල්ලී ඇත. බලාගාරය ඉදිකිරීමේ අවශ්‍යතාවයට කරන පිපිරවීම් නිසා අස්ථාවර කොලූවියල් පස්වල ගල් කුට්ටි ඇඳ හැලීමට ඉඩ ඇතිබැවින්’’ මෙම ඉදිකිරීම් වහා නැවැත්වීමට වග කිවයුතු බලධාරීන් දැන්වත් කටයුතු කල යුතුය.
එමෙන්ම දැනට මස්කෙළි ඔය තුළ මිටර් 500 වැඩි දිග ප්රමාණයක් සහිතව ඉදි කෙරෙන කොන්ක‍්‍රීටී ඇල නිසා මස් කෙළිය ඔයේ මිරිදිය මත්ස්‍යන්ගේ බොවන ස්ථාන රාශියක් විනාශ වී ගොස් ඇති අතර මෙය සමස්ථ සප්ත්‍යකන්‍යා කදු පංතියේ ජෛව විවිධත්වයට බරපතල හානියක් බවට පත්වී ඇත.
මස්කෙළි ඔය හරහා දැනට ඉදිකෙරෙමින් පවතින අමුනින් ජලය අළුතින් ඉදිකෙරෙන කොන්ක‍්‍රීට් ඇලමාර්ගයට හැරවීමට අවශ්‍ය සියලුම දේ මේවනවිට ඉදිකර අවසන් අතර මේ නිසා ගඟ වියලිම හා වෙනස්විමක් සිදුවේ. මේ නිසාවෙන් ජලය ආශී‍්‍රතව ජීවත් වන සතුන්ට දැඩි බලපැමක් සිදුවන අතර හා ඇතැම් ජීවී විශේෂ වදවි යාමටද හැකිය. ජලය ගල් කටාරම් හා පොකුණු මත රැස්විමෙන් හා ජලය ගලාගෙන යන වේගය අඩුවිම තුළින් ජලයේ ඔක්සිජන් ප‍්‍රමාණය අඩුවීම හා ජලයේ උෂ්ණත්වය ඉහල ගොස් ඔවුන්ට අවශ්‍ය පාරිසරික සාධක නැතිවිම මෙයට හේතු වී ඇත.
ජලය ආශි‍්‍රත ජීවත් වන දිය බල්ලා, ඒක දේශික මත්ස්‍ය විශේෂ වන ගල් පාඩියා , දණ්ඩියා, මඩ කණයා, පුවක් බඩිල්ලා, ප‍්‍රදේශයෙන් සම්පූර්ණයෙන්ම වඳවී යාමේ අවදානමක් මේ නිසා හටගෙන ඇත.
