අප භාන්ඩයක් හෝ සේවාවක් මුදල් ගෙවා ලබා ගන්නා විට අප වෙත බිල් පතක් ලබා දේ. එය පාරිභෝගික අයිතියකි.

ලිංගිකමය බලහත්කාරකම් වදහිංසා වැලැක්වීම සම්බන්ධයෙන් ශ්‍රී ලංකාව තුළ තවමත් ඇත්තේ අතිශය පසුගාමී ආකල්පයකි. මේ අනුව පීඩාවට වූ තැනැත්තා හෝ තැනැත්තිය සම්බන්ධයෙන් සමාජය තුළින් ඉදිරිපත්වන බලපෑම සුළුපටු නොවේ. එක් වරක් දූෂණයට ලක් වූ වින්දිතයා නැවත නැවතත් වෙනත් වෙනත් ආකාරයෙන් දූෂණය වීම ලංකාවේ බහුලව දැකිය හැකි කරුණකි. යම් සිදුවිමක් වූ විගස චූදිතයාට අමතරව මුලින්ම වින්දියා දූෂණයට ලක් කරනුයේ තමන්ගේම අය හෝ අසල්වැසියන් විසිනි. ඉන් අනතුරුව පොලිසිය, මාධ්‍ය, අධිකරණය ඇතුළු අවස්ථාවන් ගණනාවක් ඔස්සේ නැවත නැවතත් අපහරණයට ලක්වීම ලංකාව තුළ මේ වන විට සාමාන්‍යකරණය වී ඇත.

ජාත්‍යන්තර මුල්‍ය අරමුදලේ වැඩසටහන අනුව ණය ප්‍රතිව්‍යුහගත කිරීමේ කටයුතු අවසන් වන තුරු කිසිදු මැතිවරණයක් පැවැත්වීම සිදු නොවන බව පසුගියදා ජනාධිපති රනිල් වික්‍රමසිංහ ඇමැතිවරුන් හා පවසා තිබුණේ හදිසි මහමැතිවරණයක් ඉල්ලමින් නැගෙන ඝෝෂාවට පිළිතුරු ලෙසිනි.

ඊයේ (26.03.2024) පැවති මුදල් ප්‍රතිපත්ති මාධ්‍ය හමුවේ දී, වත්මන් මහ බැංකු වැටුප් ප්‍රතිපත්ති අර්බුදය හේතුවෙන් මහ බැංකු අධිපති ඉල්ලා අස් වේ ද? යන්න මාධ්‍ය වේදීන් ප්‍රශ්න කරන ලදි.

මෙරට මුදල් අමාත්‍යවරයකු විසින් සිදු කරනු ලැබූ පළමු අයවැය කතාව ලෙස ඉතිහාසයට එක් වී ඇත්තේ වසර 1947දී නියෝජිත මන්ත්‍රී මණ්ඩලයේදී එවකට මුදල් අමාත්‍යවරයා ලෙස කටයුතු කළ ශ්‍රී ලංකාවේ පළමු විධායක ජනාධිපති ජේ.ආර්. ජයවර්ධන විසින් සිදු කරනු ලැබූ අයවැය කතාව ය.

පසුගියදා රජයේ වෛද්‍ය නිලධාරීන්ගේ සංගමයේ සහකාර ලේකම් වෛද්‍ය ප්‍රසාද් හේරත් මාධ්‍ය හමුවේ අදහස් දක්වමින් කියා සිටියේ දැනට දිවයිනේ ව්‍යාජ වෛද්‍යවරුවන් 20,000ත් 40,000ත් අතර ප්‍රමාණයක් සිටින බවයි.  මෙය බරපතල තත්වයකි.

සෑම වසරකම මාර්තු 4 වන දිනය ලෝක ස්ථූලතා දිනය ලෙස සමරනු ලැබේ. මෙය 2015 වසරේදී ප්‍රථම වරට ස්ථූලතාව වැඩිවීම හා ඒ හා සම්බන්ධ සෞඛ්‍ය උපද්‍රව පිළිබඳව ගෝලීය ප්‍රජාව දැනුවත් කිරීම සඳහා දියත් කරන ලදී.

එතැන් සිට මෙම දිනය වාර්ෂිකව සෞඛ්‍ය සම්පන්න බරක් ළඟා කර ගැනීමට සහ එය පවත්වා ගැනීමටත්, ස්ථූලතාව මග හැරවීමට මිනිසුන්ට උපකාර කළ හැකි ක්‍රියාවන් උත්තේජනය කිරීමට සහාය දීමත් අරමුණු කර ගෝලීය මට්ටමින් දියත් කරනු ලබයි.

ලෝක ස්ථුලතා දිනයේ ඉලක්කය වන්නේ ස්ථූලතාව පිළිබඳව වැඩි පිරිසක් දැනුවත් කිරීම සහ ඔවුන්ගේ අත්දැකීම් බෙදා ගැනීමට මිනිසුන් දිරිමත් කිරීමයි. එමගින් ස්ථූලතාවයෙන් මිදීමට සහ එමගින් සෞඛ්‍ය සම්පන්න ජීවිතයක් ගත කිරීමට මිනිසුන්ට උත්තේජනයක් දීම අපේක්ශා කෙරෙයි.

ස්ථූලතාවයට ප්‍රධාන හේතුව ලෙස අධික ලෙස ආහාර ගැනීම සහ සිරුරට අවශ්‍ය ක්‍රියාකාරීත්වයන් නිසියාකාරව පවත්වා නොගෙන සිටීම දක්වා ඇත.
ඔබගේ දිනක කැලරි පරිභෝජනය ස්ථූලතාව සඳහා ඇති අවදානමට බලපෑම් කරයි.

සෞඛ්‍ය සම්පන්න බරක් පවත්වා ගැනීම සඳහා සාමාන්‍යයෙන් ශාරීරිකව ක්‍රියාශීලී පිරිමියෙකුට දිනකට කැලරි 2500 ක් සහ කාන්තාවන්ට කැලරි 2000 ක් අවශ්‍ය බව ජාතික සෞඛ්‍ය සේවය පවසයි. ස්ථූලතාවය වළක්වා ගැනීම සඳහා මෙම කැලරි, සෞඛ්‍ය සම්පන්න, ස්වාභාවික හා නිවසේ සැකසූ ආහාර වලින් පරිපූර්න කළ යුතුය.

අධික ලෙස ක්ෂණික ආහාර පරිභෝජනය කිරීමෙන් ඔබ ස්ථූල වීමේ අවදානම ඉහළ දමනු ඇත. එසේම, ඔබ නිතරම විශාල ප්‍රමාණ වලින් ආහාර අනුභවයට ගන්නේ නම්ද, ව්‍යායාම නොමැතිකම සහ ශාරීරික ක්‍රියාකාරකම් මද බවද ඔබේ අවදානම වැඩි කරයි. ඔබ ප්‍රමාණවත් ලෙස ක්‍රියාකාරී නොවන විට, ඔබ ගන්නා ආහාර මගින් සපයන ශක්තිය භාවිතා කිරීමට ඔබට නොහැකි වේ.

එලෙසම ජානමය සබඳතා මගින් පරම්පරාවෙන් ඊළඟ පරම්පරාවටද මෙම රෝග තත්ත්වය සම්ප්‍රේෂණය විය හැක. ඔබට ස්ථූලවීම පිළිබඳ පවුල් ඉතිහාසයක් තිබේ නම්, එය ඔබටද අවදානමක් ඇති කරනු ඇත.

1975 වසරේ සිට ස්ථූලතාවය තුන් ගුණයකින් වැඩි වී ඇති අතර ළමුන් හා නව යොවුන් වියේ දරුවන් අතර මෙය පස් ගුණයකින් වැඩි වී ඇත.මෙය සංවර්ධනය වෙමින් පවතින හා සංවර්ධනය නොවන රටවල සියලුම සමාජ කණ්ඩායම්වල සියලුම වයස්වල පුද්ගලයින්ට බලපායි.

වර්තමානය වනවිට ස්ථූලතාවය ශ්‍රී ලංකාවේ ද නැගී එන මහජන සෞඛ්‍ය ගැටලුවක් බවට පත්ව ඇත. මුල් අවධියේදීම මෙම ගැටළුව පාලනය කිරීමට සෞඛ්‍ය අංශයේ මැදිහත්වීම අවශ්‍ය බව පෙනීයන කරුණක් වේ.

මේ පිළිබදව අපේ රටේ ජාතික දියවැඩියා මධ්‍යස්ථානයේ නියෝජ්‍ය අධ්‍යක්ෂ ප්‍රජා වෛද්‍ය විශේෂඥ ශාන්ති ගුණවර්ධන මහත්මිය පවසන පරිදි ලෝකයේ වැඩිහිටි ජනගහනයෙන් බිලියන 1.9කට වඩා වැඩි ප්‍රමාණයක් අධිබර සහිත පුද්ගලයින් වන අතර ඉන් මිලියන 650ක් ස්ථුලතාවයෙන් පෙළෙන බව දත්ත අනුව ඇය පවසයි .

ඒ සම්බන්ධයෙන් අදහස් දක්වමින් ප්‍රජා වෛද්‍ය විශේෂඥ ශාන්ති ගුණවර්ධන මහත්මිය මෙම අදහස් පළ කළාය.

"මේකේ වැදගත්කම වෙන්නේ, හැමෝම දන්න විදියට ස්ථූලතාවය නැත්නම් තරබාරු කියන වචනය තමා වැඩිය හොඳ. මේ තරබාරුබව විශාල ප්‍රශ්නයක් විදියට දැන් මතුවෙමින් පවතිනවා. මේ නිසා ඇතිවෙන ලෙඩ රෝග ප්‍රමාණයත් වැඩිවෙලා. ලෝකයේ බිලියන 1.9ක් බර වැඩි පුද්ගලයින් ඉන්නවා. ඉන්නවා මිලියන 650ක් තරබාරු බැවින් පෙළෙනවා. එහෙම ගත්තාම ලෝක ජනගහණනේ 39.%ක් අධි බර සහිත පුද්ගලයින් වන අතර එයින් 13%ක් තරබාරුයි."

මෙරට තුළ ද මෙම තත්ත් ය අහිතකර ලෙස දක්නට ලැබෙන බව වෛද්‍ය ශාන්ති ගුණවර්ධන මහත්මිය පවසන්නීය.

"ලංකාවේ තත්ත්වය ගත්තොත්, සෞඛ්‍ය අමාත්‍යාංශය, ලෝක සෞඛ්‍ය සංවිධානය සමග සෑම අවුරුදු 5කට වරක්ම බෝ නොවන රෝගවලට පාදකවන අවධානම් කාණ්ඩ හඳුනාගැනීමේ පරීක්ෂණයක් කරනවා. එතනදි අපි බැලුවහම බර වැඩි සහ තරබාරු අය ගත්තහම 2015ට සාපේක්ෂව අපිට දකින්න ලැබෙනවා වැඩිවීමක්. 2015 දී අවුරුදු 18 - 69ත් අතර පුරුෂයින් 24%ක් වෙලා තිබුණා බර වැඩි සහ තරබාරු පුද්ගලයින්. එය 2021 වන විට 30%ක් දක්වා වැඩිවෙලා තියෙනවා. ඒ එක්කම කාන්තාවන් 2015 දී 34%ක් පැවති අගය 2021 දී 46.7%ක් දක්වා වැඩිවෙලා තියෙනවා. මේකේ විශේෂත්වය වන්නේ තරබාරුව වැඩිවීම බෝ නොවන රෝග ඇති වීමේ අවධානම වැඩිකරනවා."

මේ සියලු කරුණු වලින් පෙනී යන්නේ අපේ රටේ ස්ථුලතාවයෙන් පෙලෙන පුද්ගලයින් ප්‍රමාණය දිනෙන් දින වැඩි වන බවයි..දැනුවත් කිරීම සේම මෙය වළක්වාගැනීමෙහි වගකීම ඇත්තේද පුරවැසි ප්‍රජාවටමය ..ලොව තාක්ෂණය සීග්‍රයෙන් දියුණුවීමත් සමගම අපට එදිනෙද කාර්යන් අද වන විට ඉතා පහසුවෙන් කර ගත හැකි තාක්ෂණික ලොවක අප සියල්ලෝ ජිවත් වෙති. උදාහරණයක් ලෙස අතීතයේ පුද්ගලයන් සැතපුම් ගණන් පයින් ඇවිදගියද අද වන විට එය රථවාහන වලට සිමා වී ඇත..එකට තට්ටු ගොඩනැගිලි වලට පිවිසීම සදහා පඩිපෙළ භාවිතා වුවද අද වන විට එය විදුලි සොපනයකට සීමාවී ඇත..

මෙසා සැම දෙයක් තුලින්ම පෙනී යන්නේ අවසානයේ පුද්ගලයන්ට කිසිදු ශාරීරික යෝගතාවයක් සිදු නොවෙන්නට තාක්ෂනය දියුණු වී ඇති බවයි..එමගින් අවසානයේ කා බි එක තැන වෙසෙන ප්‍රජාවක් තුලින් නොදැනීම රෝගාබාධයන්ට ගොදුරු වී ඇති බවයි..ඉතින් අදට යෙදෙන ලෝක ස්ථුලතා දිනයේ ඔබ ඔබේ ශරීරය පිළිබදව වඩාත් අවධානයක් යොමුකිරිම වටින්නේ ඒ නිසාය.

-P.M

අනුර කුමාර දිසානායක ඊයේ (26) පැවති ජවිපෙ දේශපාලන රැස්වීමකදී ආන්දෝලනාත්මක ප්‍රකාශයක් සිදු කළේය.