ඒ, එම ගුවන් යානයේ බඳ කොටසේ දොරක කොටසක් ගැලවී යාම හේතුවෙනි.

පෝට්ලන්ඩ් සිට කැලිෆෝනියාවේ ඔන්ටාරියෝ වෙත ගමන් කිරීමේ දී එම ගුවන් යානයේ බඳේ පිහිටි දොරක කොටසක් පුපුරා යාම හේතුවෙන් විනාඩි 35 ක් වැනි කාලයක් තුළ පොට්ලන්ඩ් වෙත ගොඩබස්වා ඇති බව විදෙස් මාධ්‍ය පවසයි.

ඇලස්කා ගුවන් සේවය පැවසුවේ, එම අවස්ථාවේ මගීන් සහ කාර්ය මණ්ඩලය 177 දෙනෙකු යානයේ සිටි බවයි.

මෙම හදිසි අනතුර සිදුවන අවස්ථාවේ යානය අඩි 16,000ක් (මීටර් 4,876) ඉහළ අහසේ තිබූ බව විදෙස් මාධ්‍ය වාර්තා කරනු ඇත.

මෙම සිද්ධියේදී ගුවන් යානයේ සිටි මගීන් දැඩි කම්පනයට ලක්ව සිටි බව විදෙස් මාධ්‍ය පැවසීය.

මෙම අනතුර සම්බන්ධයෙන් අදහස් දක්වමින් ඇලස්කා එයාර් ලයින්ස් පවසන්නේ, තමන් සතු 737 මැක්ස් 9 ගුවන් යානා 65ම පරීක්ෂා කිරීම සඳහා තාවකාලිකව ගුවන්ගත කිරීම නවතා දැමූ බවයි.

ඇලස්කා ගුවන් සමාගමේ ප්‍රධාන විධායක නිලධාරීවරයා පැවසුවේ, ගුවන් යානා 65 යළි සේවයට ලබා දෙන්නේ පූර්ණ නඩත්තු සහ ආරක්‍ෂිත පරීක්‍ෂණ අවසන් කිරීමෙන් පසුව පමණක් බවයි.

මේ සිදුවීම සම්බන්ධයෙන් ⁣වැඩිදුර තොරතුරු රැස්කරමින් සිටින බව ගුවන් යානා සමාගම වන බෝයිං සමාගම පවසා ඇති බව BBC වාර්තා කරනු ඇති.

-P.M