විදෙස් ආරංචි මාර්ග සදහන් කරන්නේ උදරයේ ශල්‍යකර්මයක් හේතුවෙන් රෝහල්ගතකර ඇති බවයි.
කෙසේ වෙතත් ශල්‍යකර්මයට හේතුව පැහැදිලි නොවන අතර ඇය දින 10 සිට 14 දක්වා රෝහල්ගතව සිටීමට වෛද්‍ය උපදෙස් ලැබී ඇති අතර රාජකීය මූලාශ්‍රයක් ජාත්‍යන්තර මාධ්‍ය වෙත ප්‍රකාශ කර තිබුණේ 42 හැවිරිදි ඇගේ තත්වය පිළිකා තත්වයක් නොවන බවයි.
මේ අනුව තවත් මාසයක පමණ කාලයක් ඇය රාජකීය රාජකාරිවලින් ඉවත් ව සිටිනු ඇති බවට වාර්තා වේ.
එමෙන්ම බ්‍රිතාන්‍යයේ තෙවැනි චාල්ස් රජු ද ලබන සතියේ දී වෛද්‍ය ප්‍රතිකාර ලබාගැනීමට නියමිත ව සිටින බව රාජකීය පවුල අනාවරණ කර තිබේ.
පුරස්ථ ග්‍රන්ථියට සම්බන්ධ රෝගී තත්ත්වයකට ප්‍රතිකාර ලබන රජු ද කෙටි කාලයක් රාජකාරිවලින් බැහැර ව සිටින බව සඳහන්ය.
