එය රුසියානුවන්ට විශාල පාඩුවක් වනු ඇති බව ඇමරිකානු උප ජනාධිපති ජෝ බයිඩන් යුක්රේන අගනුවර කියෆ් හිදී සදහන් කළේය.
යුක්රේන විප්ලවයේ පළමු වසර සැමරීම ඊයේ (21) සිදුවූ අතර ඒ සඳහා සහභාගිවීමට ඇමරිකානු උප ජනාධිපතිවරයා එහි පැමිණ ඇත.
රුසියානු හිතවාදී ජනාධිපති වික්ටර් යනුකොවිච්ගේ රජය පෙරළා දමා නව රජය පිහිටුවා ගැනීමත් සමඟ දකුණුදිග ක‍්‍රයිමියාව රුසියාව සමඟ එක්වුයේය.
නැගෙනහිර රුසියානු හිතවාදී ප‍්‍රාන්ත යුක්රේන රජයෙන් වෙන්ව කටයුතු කරන අතර ඔවුන්ට රුසියානු යුද ආධාර හිමිවන බවට බටහිර රටවල් චෝදනා කරයි.
නැගෙනහිර යුක්රේන ප‍්‍රාන්ත සම්බන්ධයෙන් ඇති කර ගත් සාම එකඟතාව උල්ලංගණය කරන බවට ඇමරිකාව, රුසියාවට චෝදනා නගයි.
