එය ලෝකයේ අවි පාලනය සම්බන්ධයෙන් උදා වූ නව පරිච්ඡේදයක් වන බව පවසමිනුයි එක්සත් ජාතීන්ගේ සංවිධානයේ මහලේකම් බැන් කි මූන් විසින් අගය කරනු ලැබුණේ.
නව ගිවිසුම බල පැවැත්වීම ආරම්භ වීමත් සමඟ අවි ආයුධ මානව හිමිකම් උල්ලංඝනය කරන්නන්, ත්‍රස්තවාදීන් සහ අපරාධකරුවන් අතට පත්වීම වලක්වා ලීමට හැකි වනු ඇතැයි බලාපොරොත්තු තබන බවයි මහලේකම් බැන් කි මූන් පවසන්නේ.
අවි වෙළෙඳාම පාලනයට අදාළ එක්සත් ජාතීන්ගේ ගිවිසුමේ ඉලක්කය ඇමෙරිකානු ඩොලර් කෝටි අසූ පන්ලක්ෂයක් පමණ වන අවි ආයුධ කර්මාන්තය පාලනයක් යටතට ගැනීමයි.
එම ගිවිසුමට ලෝකයේ රටවල් 130 ක් අත්සන් තබනු ලැබ ඇත.
හෙත් එය ක්‍රියාවට නැංවීම සහතික කරනු ලැබ ඇත්තේ එම රටවලින් අඩකටත් වඩා අඩු රටවල් සංඛ්‍යාවක් විසිනි.
ඇමෙරිකා එක්සත් ජනපදයත් එය ක්‍රියාවට නංවනු ලැබීම සහතික කර නැත.
මේ අතර චීනය සහ රුසියාව ගිවිසුමට පවා අත්සන් කොට නොමැති බවයි වාර්තා වන්නේ.
ගිවිසුමට එරෙහිව ඡන්දය දී ඇති රටවල් වන්නේ ඉරානය ,සිරියාව සහ උතුරු කොරියාවයි.
(bbc)
