සොනිටිපූර්හි 35 ක් කොක්රාජ්හාර් හි 14 ක් සහ ඉතිරි පිරිස වෙනත් ප්‍රදේශවලින් බව වාර්තා වේ. මෙසේ ඝාතනයට ලක්ව ඇත්තේ එම ප්‍රදේශවල පිහිටි තේ වතුවල සේවය කරන ගෝත්‍රික පිරිස් බවත්, එම විදෙස් මාධ්‍යය පෙන්වා දී තිබේ.
මෙම ප්‍රහාරයන් එරට අගමැති මෝදි හඳුන්වා දී තිබෙනුයේ ඉතා පහත් ක්‍රියාවන් ලෙසය. ඒ අතර ඉන්දීය ජනාධිපති ප්‍රනාබ් මුකර්ජි මෙම සිද්ධිය සම්බන්ධයෙන් මරණයට පත් වූවන්ගේ ඥාතීන් වෙත තම ශෝකය පළ කරමින් පවසා ඇත්තේ මෙවන් ත්‍රස්ත ක්‍රියාවන් නවතාලීම සඳහා දැඩි පියවර ගත යුතුව ඇති කාලය පැමිණ තිබෙන බවය.
පොලිසිය පවසන අන්දමට මෙම ප්‍රහාරයන්ගෙන් මිදී ආ පිරිස් මෙම ත්‍රස්තවාදීහු අවි සහිතව පා ගමනින් පැමිණ ඇත්තේ හමුදා ඇඳුමින් සැරසී බවය. එසේ පැමිණි පිරිස් වසා තිබූ නිවෙස්වල දොරවල් කඩා ඒවායේ සිටි වැසියන් හට වෙඩි තැබූ බවත්ය.
මෙම බෝඩෝ කැරලිකාර කණ්ඩායම ජාතික ප්‍රජාතන්ත්‍රවාදී පෙරමුණ සමග බොහෝ කාලයක සිට ස්වයං පාලනයක් සඳහා සටන් වැදී සිටින පිරිසක් බවත්, එම පෙරමුණෙන් වෙන් වීමට සිදු වීම හේතුවෙන් එයට පළිගැනීමක් ලෙස මෙම ක්‍රියාව කරන්නට ඇති බවට සැක පහළ වී ඇත.
පසුගිය ඉරිදා දිනයේ දී ද ආරක්ෂක හමුදාවන් සමග මෙම පිරිස ගැටී ඇති අතර කැරලිකරුවන් දෙදෙනකු එහිදී මියගොස් ඇත. බොඩෝ කැරලිකරුවන් එහි වෙසෙන ගෝත්‍රිකයන්ට චෝදනා කරනුයේ ඔවුන් එරට ආරක්ෂක හමුදාවන්ට සහාය පළ කරන බවය.
(rivira)
