මෙම තොරතුරු සහිත පෙට්ටිය සහ නියමු කුටියේ තිබී ඇතැයි පැවසෙන එහි තොරතුරු සහිත පෙට්ටියද හමුව තිබෙන බවත් එම වාර්තාවේම සඳහන්ය.
නමුත් මෙතෙක් ගොඩ ගැනීමට හැකිව ඇත්තේ ප්‍රධානතම තොරතුරු සහිත පෙට්ටිය පමණක් බවත් නියමු කුටියේ පැවැති පෙට්ටිය තිබෙන ස්ථානය සොයාගෙන තිබුණද එම ස්ථානයට කිමිදුම්කරුවන් ළඟා වී නොමැත.
මතෛක් කර ඇති පරීක්ෂණවලට අනුව ඉන්දුනීසියානු බලධාරීන් ප්‍රකාශයට පත් කර ඇත්තේ යානය මුහුදට කඩා වැටීමත් සමග එය පුපුරා ගොස් තිබෙන බවයි.
පරීක්ෂණවලින් මළ සිරුරු 48ක් සොයාගෙන තිබේ. යානයේ සුන්බුන් විශාල ප්‍රමාණයක් මේ වන විටත් ලැබි තිබෙන හෙයින් දැනට පරීක්ෂණ කණ්ඩායම්වල ප්‍රධාන කාර්යය වනුයේ මෙතෙක් සොයා ගැනීමට නොහැකි වූ මගීන්ගේ මළ සිරුරු සෙවීම බව බලධාරීන් පවසා ඇත.
යානය සෙවීමේ පරීක්ෂණ පවත්වන ඉන්දුනීසියානු කණ්ඩායමේ ප්‍රධානී ප්‍රැන්සිස්කස් බෑම්බෑං පවසා ඇත්තේ මේ වන විට ගොඩගෙන ඇති තොරතුරු සහිත පෙට්ටිය පරීක්ෂණයන් සඳහා ජකාර්තා නුවරට ගෙනයාමට නියමිත බවත් මුළුමනින් පරීක්ෂණ කටයුතු අවසන් කිරීම සඳහා සති කිහිපයක් ගතවන බවයි.
