දූෂණ විරෝධී පක්ෂයක් වන ආම් ආද්මි පක්ෂය සියයට අනූවකට වැඩි ආසන සංඛ්‍යාවක් දිනා ගෙන තිබේ.
පසුගිය මැයි මාසයේ පැවති ඉන්දීය මහමැතිවරණයෙන් විශිෂ්ට ජයක් ලැබූ අගමැති නරේන්ද්‍ර මෝඩිගේ භාරතීය ජනතා පක්ෂය දිනා ගෙන ඇති ආසන සංඛ්‍යාව තුනකි.
දූෂණ විරෝධී පක්ෂයේ නායක අර්වින්ද් කේජ්රිවාල්ගේ ජයග්‍රහණයට අගමැතිවරයා සුබ පතා ඇති අතර පුරා වසර පහළොවක් දිල්ලි ප්‍රාන්තයේ ජය තහවුරු කර ගෙන සිටි කොංග්‍රස් පක්ෂයට එකඳු ආසනයක්වත් දිනා ගත නොහැකි වී තිබේ.
පසුගිය දිල්ලි මැතිවරණයෙන්ද අරවින්ද් කේජ්රිවාල් ජය ගත් නමුත් බලයට පත් වී දින හතළිස් නවයකට පසු ඔහු ඉල්ලා අස් විය.
ඔහු ඉදිරිපත් කළ දූෂණ මැඬලීමේ පණතක් සම්මත කිරීම, විරුද්ධ පක්ෂය විසින් අවහිර කරනු ලැබීමත් සමග මහඇමති පදවියෙන් ඉල්ලා අස් වන බව නිවේදනය කළේය.
