යුද මුක්ත කලාපයට ඔබ්බෙන් පිහිටි ප්‍රදේශවලට පවා ෂෙල් වෙඩි ප්‍රහාර ඉලක්ක කිරීම හේතුවෙන් පුද්ගලයන් 12ක් මිය ගිය බවට යුක්‍රේන රජය චෝදනා කරයි.
ජර්මනිය සහ ප්‍රංශයේ මැදිහත් වීමෙන් සාම ගිවිසුමක් ඇති කර ගැනීමේ උත්සාහයක් දැරීමට නියමිතය. සංහිඳියාවෙන් කටයුතු කරන ලෙස ජර්මන් චාන්සලර් ඇන්ජලා මර්කෙල් දෙපාර්ශ්වයෙන්ම ඉල්ලා තිබේ. බදාදා බෙලරූස්හි මින්ස්ක් නගරයේ පැවැත්වීමට නියමිත සිව් පාක්ෂික සාම සමළුව ව්‍යවර්ථ කිරීමට හේතු විය හැකි ප්‍රචණ්ඩත්වය වහා නතර කරන ලෙසද අවධාරණය කර තිබේ.
මාස දහයක ආසන්න කාලයක් තුළ ඇදී යන 5300කට අධික පිරිසකට මරු කැඳවූ යුක්‍රේන් අර්බුදය විසඳීමේ 'අවසාන අවස්ථාව' මෙය විය හැකි බව යුක්‍රේන් ජනාධිපති පෙට්‍රෝ පොරොෂෙන්කෝ පවසා තිබේ.
කරමටෝස්ක් නගරයට එල්ල වූ රොකට් ප්‍රහාරයෙන් 12 දෙනෙක් මිය ගොස් 64ක් තුවාල ලබා ඇත. මේ අතර ප්‍රාදේශීය හමුදා කඳවුරක්ද එම ප්‍රහාරයට ලක්වූ බව ජනාධිපතිවරයා චෝදනා කරයි. මේ අතර ඊසාන දිග ප්‍රදේශයේ ගම්මාන කිහිපයක් යළි අල්ලා ගැනීමට හැකිවූ බවත් ඒ නිසා කැරලිකරුවන්ට රුසියන් දේශසීමාව කරා පසුබැසීමට සිදු වූ බවත් සමාජ ජාලා වෙබ් අඩවි වාර්තා කර තිබේ. කෙසේ වෙතත් මෙය සාවද්‍ය තොරතුරක් බව කැරලිකරුවන්ගේ ප්‍රකාශක ඉඩුයාඩ් බසුරින් පවසා තිබේ.
(dinamina)
