රාජ්ය සේවකයන්ට නින්දා කිරීම, විසිර යාමට දුන් අණ නොපිළිපැදීම, රජයට නිග්රහ කිරීම සහ කැරලි කෝලාහලවලට උල්පන්දම් දීම ඔවුන්ට නගා ඇති චෝදනා අතර වෙයි.
මෙම චෝදනා ඔප්පු වුවහොත් ඔවුනට වසර නවයක් දක්වා සිර දඬුවම් හිමි වීමට ඉඩ තිබේ.
බුරුම රජය විසින් හඳුන්වා දෙනු ලැබූ නව අධ්යාපන පනත මගින් නිදහස් අධ්යාපනය කප්පාදු වන බව පවසමින් මෙම ශිෂ්යයෝ වීදි බැස උද්ඝෝෂණයේ යෙදී සිටියෝය.
මෙම පිරිස මැදට කඩා වැදුණු පොලිස් භටයන් විසින් ශිෂ්යයන්ට වට කර පහර දෙනු ලබන ආකාරය දැක්වෙන වීඩියෝ පටයක් නිකුත් වී තිබුණු අතර එය ජාත්යන්තර ප්රජාවගේ හෙලා දැකීමට ලක් විය.
මෙම සිදු වීම සම්බන්ධයෙන් මාධ්යට අදහස් දැක් වූ බුරුම ජනාධිපති තෙයින් සෙයින් කියා සිටියේ මෙවැනි සිදුවීමක් ඇතැම් බටහිර රටවල සිදු වූයේ නම් එය වෙඩි ප්රහාරවලින් සහ මරණවලින් කෙළවර වන්නට ඉඩ තිබූ බවයි.
උපුටාගැනීම : bbc