අනතුර සිදු වෙන අවස්ථාවේ අන්ද්රේයාස් ලුබිට්ස් (Andreas Lubitz) නම් සහායක නියමුවා පමණක් නියමු කුටිය තුළ සිටි බවයි ප්රංශ නීති නිලධාරීන් පවසයි.
ඒ වන විට නියමු කුටියෙන් පිටත සිටි ප්රධාන නියමුවා තමාට යළි නියමු කුටියට ඇතුල් වීම සඳහා එහි දොරටුව විවෘත කරන මෙන් දැඩිව ඉල්ලා සිටියත් සහායක නියමුවා ඊට ප්රතිචාරයක් පළ කර නොමැති බව පැවසේ.
නියමුවා යළි සිය කුටියට වහාම ඇතුළු වීම සඳහා ඉතා ඕනෑකමකින් දොරට තට්ටු කරමින් උත්සාහ කර ඇති බව නිලධාරියකු ප්රකාශ කළ බව ‘නිව්යෝර්ක් ටයිම්ස්’ පුවත්පත් වාර්තා කරයි.
ගුවන් පාලක මැදිරියෙන් කෙරුණ ඉල්ලීම් ද සහායක නියමුවා විසින් සැලකිල්ලට ගනු ලැබ නැත.
යානය අනතුරට ලක් වූ අන්තිම තත්පර කීපයේ ගුවන් මගීන් නගන විලාප හඬ යානයේ තොරතුරු පටිගත කෙරෙන උපකරණවල සටහන් වී ඇත.
එහෙත් මගීන් එකසිය පනහක ද ජීවිත විනාශ කරමින් ගුවන් යානය අනතුරට ලක් කිරීමට සහායක නියමු අන්ද්රේයාස් ලුබිට්ස් (Andreas Lubitz) යොමු වුනේ කුමක් නිසාද යන්න තවම අපැහැදිලි බව ප්රංශයේ ප්රධාන නීති නිලධාරියා පවසා තිබේ.