පසුගියදා කෙන්යාවේ සරසවියකට කඩාවැදුණු අල් ෂබාබ් කැරළිකරුවන් සිසුන් 150ක් පමණ වෙඩිතබා මරාදමන ලදී.
කෙන්යානු දේශසීමාවන්ට කිලෝ මීටර් 200ක් පමණ දුරින් පිහිටි අල් ෂබාබ් කැරළිකරුවන්ගේ පුහුණු කඳවුරු දෙකකට ගුවන් ප්‍රහාර එල්ල කර ඇති අතර කඳවුරු දෙකක් මුළුමනින්ම විනාශ වී ඇති බවත් මෙම ප්‍රහාරයන් නොනවත්වා සිදු කෙරෙන බවත් කෙන්යානු හමුදා ප්‍රකාශකයෙකු පවසා ඇත.
කෙසේවෙතත් කෙන්යානු හමුදාව පවසන්නේ මෙම ප්‍රහාර සරසවියට එල්ල වූ ප්‍රහාරයට පලි ගැනීමක් ලෙස සිදු නොකරන බව සහ 2011 වසරේ අල් ෂබාබ් කැරළිකරුවන්ට එරෙහිව ඇරඹුණු ප්‍රහාරයන් ඉදිරියට ගෙන යාමක් බවයි.
