එක් ප්‍රදේශයක සිටි පලස්තීන පවුල් හතකට අයත් සියලු සාමාජිකයන් මරණයට පත් වී ඇති අතර එම ප්‍රදේශය වටලා ඇති බව ගාසා තීරයේ සිටින බීබීසී වාර්තාකරු පවසයි.
ඉන්ධන ගබඩාවට ප්‍රහාර එල්ල වීමත් සමග වසා දැමුණු ගාසා තීරයේ තිබෙන එකම බලාගාරය දෙසින් කළු දුම් වලා ගුවනට නැගෙන අතර ගාසා තීරයේ වීදි ජනශුන්‍ය වී තිබේ.
සඳුදා පැවති ගැටුම්වලින් ඊශ්‍රායල හමුදා භටයන් දස දෙනෙකු ඇතුළු උමඟක් හරහා ඊශ්‍රායලයට ඇතුළු වූ හමාස් සටන්කාමීන් පස් දෙනෙකු මරණයට පත් විය.
පුළුල් උමං ජාලයකට සම්බන්ධ බවට විශ්වාස කෙරෙන දේශ සීමා හරහා ඉදි වූ උමං මාර්ග තිස් දෙකක් ඊශ්‍රායලය විසින් හඳුනා ගෙන තිබේ.
