එම අනතුරින් නිවාස හතළිහක් පමණ විනාශ වී තිබෙන බව එම ප්‍රදේශයේ බලධාරියෙක් පවසයි.
පැවති ධාරානිපාත වර්ෂාවෙන් අනතුරුව මෙම නායයෑම සිදු වී ඇත.
සහන සේවකයෝ අනතුර සිදු වූ ප්‍රදේශයට ලඟා වී ඇති බව ඉන්දීය ජාතික ආපදා කළමනාකරණ බලකායේ නිලධාරියෙක් බීබීසියට පැවසුවේය.
නොනවත්වා පවතින දැඩි වර්ෂාව හා අබලන් වූ මාර්ග හේතුවෙන් සහන සේවකයන් හට අනතුර සිදු වූ ස්ථානයට ලඟා වීමට බාධා එල්ල වන බව එම නිලධාරියා වැඩි දුරටත් පවසයි.
"ඒ ගමේ නිවාස නවසීයක් පමණ තිබිලා තියනවා. නාය යෑමට හසු වුණු අය සුන්බුන් අතර හිර වෙලා ඉන්න බවට සැක ඇති බව අපිට දැන ගන්න ලැබිලා තියනවා" යනුවෙන් ආපදා බලකායේ නිලධාරියා බීබීසීයට පැවසුවේය.
අනතුරින් දිවි ගලවා ගත් ගම්වැසියන් එක් වී සුන්බුන් ඉවත් කිරීම ආරම්භ කර ඇත.
