ඊශ්‍රායලයද අදාළ ගිවිසුම දැඩි ලෙස විවේචනයට ලක් කර ඇතැයි පැවසේ. ඉරාන න්‍යෂ්ටික අර්බුදය සම්බන්ධව අමෙරිකාව, බ්‍රිතාන්‍ය, චීනය, රුසියාව සහ ජර්මනිය අතර සාකච්ඡා 2006 වසරේදී ආරම්භ විය.
එහි ප්‍රතිඵලයක් ලෙස ඊයේ වියානා නුවර දී ඉරාන න්‍යෂ්ටික වැඩසටහන සම්බන්ධයෙන් වන ගිවිසුමකට එළඹීමට ලෝක ප්‍රජාවට හැකියාව ලැබුණි.
මෙහිදී සැලකිල්ලට ගත් ප්‍රධාන කාරණයක් වුවේ ඉරානය න්‍යෂ්ටික අවි නිපදවීමට උත්සාහ ගැනීම පිළිබඳ කාරණයයි. නමුත් ඉරානය දිගින් දිගටම ප්‍රකාශ කරනු ලැබුවේ තම න්‍යෂ්ටික වැඩ පිළිවෙල සාමය මුල් කරගත්තක් බවයි.
න්‍යෂ්ටික ගිවිසුම සම්බන්ධයෙන් අදහස් දක්වමින් ඉරාන විදේශ අමාත්‍ය මොහොමඞ් ජවාඞ් සරීෆ් සඳහන් කර තිබුණේ ගිවිසුම හරහා න්‍යෂ්ටික ආයුධ තැනීමේ සැලැස්මක් ඉරානයට නොමැති බවයි.
කෙසේවෙතත් මේ පිළිබඳ අදහස් දක්වන රිපබ්ලිකන් පක්ෂ නියෝජිතයෙකු ප්‍රකාශ කර ඇත්තේ මෙම ගිවිසුම හරහා මැද පෙරදිග කලාපයේ න්‍යෂ්ටික අවි පැතිරීම වැඩිවන බවයි.
