ඒ අනුව විශ්‍රාම වැටුප් කප්පාදු කිරීම, නව බදු පැනවීම සහ කම්කරු නීති ප්‍රතිසංස්කරණය කිරීමට අගමැති ඇලෙක්සිස් සිප්‍රාස් එලෙස අනුමැතිය ලබා දී ඇති බව විදෙස් වාර්තා සඳහන් කරයි. ඊට අදාළ පාරිලිමේන්තු මත විමසුම පැවති අවස්ථාවේ ආර්ථික ප්‍රතිසංස්කරණවලට බහුතරයක් කැමැත්ත පළකර තිබේ.
මේ අතර ඇතෑන්ස් අගනුවර පිහිටි පාර්ලිමේන්තු සංකීර්ණය තුල ඡන්ද විමසීම පැවැත්වෙන අතරතුර එම ප්‍රතිසංස්කරණයට විරෝධය පළ කරමින් පිරිසක් උද්ඝෝෂණයක නිරත වී තිබේ.
විරෝධතා කරුවන් පොලිසියට පෙට්‍රල් බෝම්බ දමා ගැසීමත් සමග එය විසුරුවා හැරීමට පොලිසියට කඳුළු ගෑස් එල්ල කළ බව විදෙස් වාර්තා සඳහන් කරයි.
ග්‍රීසියේ හට ගැනුණු මූල්‍ය අර්බුදය විසඳීම සඳහා තුන්වන වරටත් ණය ලබා දීමට යුරෝපා නායකයන් තීරණය කිරීමත් සමග එකී ආර්ථික ප්‍රතිසංස්කරණ යෝජනා විය.ඒ අනුව මූල්‍ය අර්බුදය විසඳීම සඳහා ඉදිරි වසර තුනක කාලය ඇතුළත ඩොලර් බිලියන 86 ක ණය මුදලක් ග්‍රීසියට ලබා දීමට යුරෝපා නායකයන් තීරණය කරනු ලැබීය.
