මේ පුවත මුලුමනින්ම සාවද්‍ය බව ශ්‍රි ලංකා පරිවර්තන සමූහයේ ( SRI LANKAN TRANSLATION COMMUNITY) සභාපති රජීව් යසිරු කුරුවිටගේ මැතිව් නිවේදනයක් නිකුත් කරමින් පවසයි.. ඒ අනුව,
මෙම පුවත සදහා ශ්‍රී ලංකා පරිවර්තන සමුහය ලෙස පැවසීමට ඇත්තේ මෙලෙස වට්සැප් වයිබර් ඇතුළු අනෙකුත් සමාජ මාධ්‍ය යෙදවුම් හරහා යවන පණිවිඩ වලට සවන්දිය හැකි උපකරණ ලෝකයේ කොහෙවත් නොමැති බවත් එම පණිවිඩ වලට සවන්දිය හැක්කේ පණිවිඩය ලබන්නාත් සහ එම පණිවිඩ යවන යෙදුම අයත් සමාගමට පමණක් බවය. තවද මෙවැනි පුවත් ඉදිරිපත් කිරීමේදී ඒ පිලිබදව සොයාබලා ඉදිරිපත් කරන ලෙසත් සාවද්‍ය පුවත් ඉදිරිපත් කර සාමාන්‍ය ජනයා අනිසි ලෙස බියගැන්වීමට ලක් නොකරණ ලෙසද සියලුම මාධ්‍යවේදීන්ගෙන් පරිවර්තන සමුහය ඉල්ලා සිටී.
යම්හෙයකින් රජය විසින් යම් යම් දුර සිමා පරාසයන්හි දුරකථන තරංග,රේඩියෝ තරංග අවහිර කිරීමට ජෑමර් මිලදී ගැනීමකට සැරසෙන්නේ නම් එය මාධ්‍ය නිදහසට එල්ල කරනා තදබල ප්‍රහාරයක් ලෙසත් මිනිස් මූලික අයිතිවාසිකම් උල්ලංගණය කිරීමක් ඔවුන් පෙන්වා දෙයි. . මෙම ජෑමර් මගින් සිදුකළ හැක්කේ ඒ අවට අවකාශය හරහා ගමන් කරන ඉලෙක්ට්‍රොනික තරංග වලට බාධා පැමිණ වීම පමණක් බවත් එය වැරදි ලෙස අර්ථකථනය නොකරණ ලෙසත් පරිවර්තන සමූහය ඉල්ලා සිටී.
කෙසේ නමුත් දෙරණ මාධ්‍ය ජාලය ජාතිවාදය සහ ආගම්වාදය පතුරුවමින් රාජපක්ෂවරුන් වෙනුවෙන් ටොම්පච නිර්මාණය කරමින් රට අවුලෙන් අවුලට පත් කරන කූට ව්‍යාපාරයක් බව අමුතුවෙන් පැහැදිලි කළ යුතු නැත. රාජපක්ෂ සමයේදී රාජපක්ෂවරුන්ගේ කළු සල්ලි සුදු කිරීමේ ප්රධාන මෙහෙයුම්කරුවකු වන දිලිත් ජයවීර යනු කොටස් වෙලඳ පොළ ජාවාරම් කරුවකු ලෙසද කූප්‍රකට අයෙකි.
මේ තක්කඩියන් මොන දේ කළ ඒ ඉවසාගෙන වෙන දෙයක් බලාගෙන සිටින කොන්ද පණ නැති ආණ්ඩුවක් පැවැතීම නිසා. දිලිත් ජයවීරලාට ඕනෑම කුප්ප වැඩක් කර යහතින් සිටීමේ හැකියාවද ලැබී තිබේ. ජනමාධ්‍ය ඇමැතිවරයා ලෙස මංගල සමරවීර ද දැන් කටයුතු කරමින් සිටින්නේ දේශපාලනය කිරීමේ වුවමනාව අත් හැර දමින් බවද පෙනෙන්ට තිබේ. රාජ්‍ය මාධ්‍ය ආයතන හෝ රාජ්‍යයේ වුවමනාවන් වෙනුවෙන් හෝ නිසි පරිදි පවත්වාගෙන යෑමට අසමත් වීම ද දැන් පෙනෙන්නට තිබෙන සත්‍ය කාරණාවකි.
