9Apps නම් මෙම Android යෙදුම් වෙළදසැල චීනය, ඉන්දියාව, පකිස්තානය, ශ්‍රී ලංකාව වැනි රටවල් ඉලක්ක කරගනිමින් පවත්වාගෙන ගොස් ඇති අතර තෙවන පාර්ශවයක් විසින් නවීකරණයට ලක්කරන ලද Android යෙදුම් ලබාගැනීමටද මෙය ජනතාව අතර ජනප්‍රිය වී ඇතැයි සොයාබැලීම් වලදී අනාවරණය වී තිබේ. මෙම යෙදුම් වෙළදසැලෙන් ලබාගත් Android යෙදුම් හරහා සොයාගන්නා ලද Malware නොහොත් අනිෂ්ට යෙදුම් මිලියන 25ක ජංගම දුරකථන වලට ආසාදනය වී ඇති අතර ඇමරිකාවෙන් 303,000 ආසාදීත ජංගම දුරකථන 137,000 අසාදිත ජංගම දුරකථන ප්‍රමාණයක් එංගලන්තයෙන් සොයාගෙන ඇත. විශේෂයෙන්ම තෙවන පාර්ශ්වයක් හරහා නවීකරණය කරන ලද WhatsApp, Opera Mini, Flipkart, SwiftKey වැනි යෙදුම් හරහා මෙම අනිෂ්ට යෙදුම් පැතිරගොස් ඇත.
මෙම අනිෂ්ට යෙදුම් භාවිතා කරමින් එම අනිෂ්ට යෙදුම් නිර්මාණ කරුට ඔබගේ ජංගම දුරකතනයේ ඇති සියලුම ලිපිගොනු, ඡායාරූප, සැබැඳුම් නැරඹීමට හා ඒවායේ පිටපතක් අන්තර්ජාලය හරහා ලබාගැනීමට හැකියාව ඇති බැවින් ශ්‍රී ලංකා තොරතුරු තාක්ෂණ සංගමය ලෙස සෑම විටම තෙවන පාර්ශ්වයක් මගින් නවීකරණයට ලක්කරන ලද Android යෙදුම් 9Apps වැනි යෙදුම් අලෙවිසැල් වලින් ලබාගැනීමෙන් වැලකි සිටින ලෙස ජනතාවගෙන් ඉල්ලා සිටින අතර ජංගම දුරකතනයට Android යෙදුම් ලබාගැනීමට Google Play Store භාවිතා කරන ලෙසත් ජනතාවට මතක්කර දෙමු.
රජිව් යසිරු කුරුවිටගේ මැතිව්
සභාපති
ශ්‍රී ලංකා තොරතුරු තාක්ෂණික සංගමය
INFORMATION TECHNOLOGY SOCIETY SRI LANKA
