මේ වන විට ග්‍රාමීය එජාප සාමාජිකත්වය උද්යෝගයකින් යුතුව සජිත් ප්‍රේමදාස වටා එක්රැස්වෙමින් පවතින බවත් පාර්ලිමේන්තු කණ්ඩායමේ බහුතරයද කෘත්‍යාධිකාරි මණ්ඩලයේද වැඩි වාසිය සජිත් ප්‍රේමදාසට හිමිව පවතින බවත් ඔහු මෙහිදී පෙන්වා දී තිබේ.
ලක්ෂ්මන් කිරිඇල්ල රනිල් වික්‍රමසිංහට ඉතා සමීප පුද්ගලයකු වන අතර එජාපය අර්බුධයට යන සැම විටකම පක්ෂය ආරක්ෂා කර ගැනීම වෙනුවෙන් සක්‍රීය මැදිහත් වීමක් කළ පුද්ගලයකු ලෙසද ප්‍රකටය. මෙහිදීද ඔහු අවධාරණය කර ඇත්තේ පක්ෂය කැඩී බිඳීයාම වැලැක්වීමට නම් පාක්ෂිකයාගේ ඉල්ලීම මත සජිත් ප්‍රේමදාස ට අවස්ථාව දිය යුතු බවය.
ලක්ෂ්මන් කිරිඇල්ලද මීට මාසයකට පමණ ප්‍රථම තමාද ජනාධිපති අපේක්ෂකත්වය සඳහා සුදුස්සකු බව මාධ්‍ය හමුවකදී පවසා තිබිණි.
මේ අතර සජිත් ප්‍රේමදාසට ජනාධිපති අපේක්ෂකත්වය ලබා දෙන්නේ නම් තමා ඇතුලුව මන්ත්‍රීවරු 8 දෙනෙකු පක්ෂයෙන් ඉවත්වන බව රවී කරුණානායක එජාප නායකත්වයට දැනුම් දී ඇතැයි පැවැසේ..මේ සම්බන්ධයෙන් මහින්ද රාජපක්ෂ පසුගියදා එම පක්ෂයේ මන්ත්‍රීවරු කිහිපදෙනෙකු සමඟ සාකච්ඡා කර ඇති අතර .රවී ඇතුලු කණ්ඩායම තමන් වෙත පැමිණෙන්නේ නම් ඔවුන් සාදරයෙන් බාර ගත යුතු බව පවසා තිබේ.
