එම තොරතුරු අනුව රුපියල් මිලියන 5 සහ 6 ට මේ වන විටත් දේශපාලන පක්ෂ වෙළදාමට විකල්ප අපේක්ෂකයන් ලෙස ජනාධිපතිවරණයට ඉදිරිපත් වීමට නියමිත පුද්ගලයන් සමඟ එම පක්ෂ අයිතිකරුවන් සාකච්ඡා කර තිබේ.
මෙම දේශපාලන පක්ෂවල නායකයන් හෝ බලයලත් තනතුරුධාරීන් ලෙස සිටින්නේ පුද්ගලයන් කිහිප දෙනෙකු පමණක් වන අතර එ්වා ඇතැමෙකුගේ පෞද්ගලික බූදල ලෙස පවත්වාගෙන යති. මේ නිසා මෙවායේ සිටින්නේ සාමාජිකයන් නොව අයිතිකරුවන්ය. මේවන විට ලියා පදිංචි දේශපාලන පක්ෂ 70 කට ආසන්න ප්‍රමාණක් තිබේ.
මෙවර ජනාධිපත්වරණයේදී ඊට නාමයෝජනා බාර දිය හැක්කේ දේශපාලන පක්ෂ සාමාජිකයකුට හෝ පාර්ලිමේන්තුවේ මන්ත්‍රීවරයකු වන අයකුට පමණක් බවට නව නීති සම්පාද්නය කර තිබේ. මේ නිසා මින් පරිබාහිරව ස්වාධීනව නාමයෝජනා බාර දිමට අපේක්ෂා කරන අය අනිවාර්යෙනම දේශපාලන පක්ෂයක් නියෝජනය කරමින් ඉදිරිපත් විය යුතුය.
මේ තත්වය හමුවේ අයිතිකරුවන් පමණක් සිටින දේශපාලන පක්ෂ කිහිපයක්ම මේ වන විට සිය පක්ෂය ස්වාධීන ජනාධිපති අපේක්ෂකයන් වෙත විකුණා දමා හෝ කුලියට දී ආදායමක් උපයා ගැනීමට උත්සහ ගනිමි තිබේ.
