පසුගියදා ජනාධිපති මෛත්‍රීපාල සිරිසේන විසින් මෙම හිඟ බිල්පත් ගෙවීමට කැබිනට් මණ්ඩලයේ අනුමැතිය ඉල්ල තිබිණි. එය මුදල් අමාත්‍යශයට යොමු කිරීමෙන් පසුව මහ භාණ්ඩාගාරය දන්වා ඇත්තේ එය ගෙවිය නොහැකි බවය.

විශේෂයෙන්ම රාජපක්ෂ ජනාධිපතිවරයා කිසිදු රාජ්‍ය මුල්‍ය රෙගුලසියක් අනුගමනය නොකරමින් මෙසා විශාල පිරිවැයක් දේශපාලනික වුවමනාවන් වෙනුවෙන් යොදා ගැනීම රාජ්‍ය දේපොල අවභාවිතා කිරීමක්ද වේ. ජනාධිපතිවරයාගේ නමින් මෙම වියදමට අනුමැතිය ලබා දී තිබුණේ එවකට ජනාධිපති කාර්යාලය මඟින් වන නිසා වත්මන් ජනාධිපතිවරයා යටතේ වූවද එම මුදල් ගෙවා අවසන් කිරීමට සිදුව තිබේ. එහෙත් එම ක්‍රියාවලිය සිදුව ඇත්තේ නීති විරෝධීවය. හිඟ මුදලේ ප්‍රමාණය පමණක් රුපියල් බිලියන 4.4 ක වන අතර මේ දන්සැල් වල සමස්ත වියදම මීට කිහිප ගුණයකින් වැඩි බව සැකයක් නැත. මේ 2015 වසරේදී ජනාධිපතිවරණය දිනා ගැනීම වෙනුවෙන් රාජපක්ෂලා වැය කර ඇත්තේ ජනතාවගෙන් අය කරගත් බදු මුදල්ය. ඉතිරිය ගෙවන්න වන්නේද ඒ බදු මුදල් වලිනමය.

මේ සම්බන්ධයෙන් නීතිමය පියවර ගන්නවා වෙනුවට එම හිඟ මුදල් ගෙවා දැමීමට වත්මන් ජනාධිපතිවරයා විසින් කැබිනට් අනුමැතිය ඉල්ලා සිටීමෙන් පැහැදිලි වන්නෙ ඔහුගේ දූෂණ විරෝධය වචනවලට පමණක් සීමා වී තිබෙන බවය. මේ මුදල් අවභාවිතය ගැන වහා විමර්ශනයක් සිදුකොට මේ මුදල් මහින්ද රාජපක්ෂගෙන්ම අයකර ගැනීමට කටයුතු සිදුවිය යුතුය.

මෙසේ ගෙවිය යුතු බිලියන 4.4 ක මුදලින් බිලියන 2ක් පමණ රේගු අධිකාරියට ගෙවීමට සිදුව ඇත. එවකට රාජපක්ෂලාගේ දේශපාලන වියදම් දරා ඇති ප්‍රධාන ආයතනයකි ශ්‍රීලංකා රේගු අධිකාරිය. එසේම පෞද්ගලික ආයත වලට ගෙවිය යුතු මුදල් ප්‍රමාණයන් මෙසේය.

රු මිලියන 112ක් World Air (Pvt) Ltd.
රු මිලියන 71.9 ක් Woodstock (Pvt) Ltd.
රු මිලියන 70 ක් Maga Engineering (Pvt) Ltd.
රු මිලියන 24.7 ක් Abans (Pvt) Ltd.
රු මිලියන 24.4 ක් Sri Lanka Granite (Pvt) Ltd.
රු මිලියන.12.9 ක් ETA Melco Engineering (Pvt) Ltd.
රු මිලියන 12.2 ක් B.Somasiri
රු මිලියන 10.3 ක් Premasiri Stores.