ෙපොදු ජන පෙරමුණ සහ ශ්‍රීලනීපය අතර සන්ධානයක් ගොඩනැඟීම සඳහා වන සාකච්ඡා තව දුරටත් පැවැත්වෙමින් තිබෙන නමුත් මේ දක්වා වූ සාකච්ඡා සියල්ල අසාර්ථක විය.
කෙසේ නමුත් මෙම සම්මෙලනය සඳහා ගොඨාභයට ආරාධනා කිරීම ගැන ජනාධිපති මෛත්‍රීපාල සිරිසේන ගේ එකඟත්වය තවමත් ලැබී නැති බවත් වාර්තා වේ.
මේ අතර මීට දින කිහිපයකට පෙර පැවැති කැබිනට් මණ්ඩල රැස්වීමේදී එජාප ඇමැතිවරයකු ජනාධිපතිවරයාගෙන් 'මෙවර ගොඨාභයට සහය දක්වනවාද ? ' යනුවෙන් කළ විමසීමේදී ජනාධිපතිවරයා පෙරලා ප්‍රශ්න කර ඇත්තේ' තමන්ට පිස්සුවක් තියේ යැයි සිතනවාද ? ' යනුවෙනි. තමන් කිසිවෙටෙකත් එය නොකරන බවත් පවසා තිබේ. එහෙත් පසු දිනක පැවැති ශ්‍රීලනීප ජේෂ්ටයන්ගේ රැස්වීමකදී ' ගෝඨාභයට සහය පළ නොකර සිටිනවාද?' යැයි ශ්‍රීලනීප ජේෂ්ටයකු විමසීමෙදී පවසා ඇත්තේ ' ඇයි දැන් මට කියන්නෙ එජාපයට සහය දක්වන්නදැයි ඔහු පෙරළා ප්‍රශ්න කර තිබේ.
කෙසේ නමුත් ශ්‍රීලනීප සම්මෙලනය සාර්ථක කර ගැනීමෙහි බරපතල ගැටලුවකට එම පක්ෂය මුහුණ දී ඇතැයි ද වාර්තා වේ. ඒ සුගත්දාස ගෘහස්ථ ක්‍රීඩාංගණය යේ ආසන පන්දහස පිරවීමටවත් සෙනග එකතු කර ගැනීමේ ගැටලුවය. ශ්‍රීලනීපය ,පොදුජන පෙරමුණ සමඟ සන්ධාන ගත වීමට සිදු කෙරෙන සාකච්ඡා නිසා ඉතිරිව සිටින ශ්‍රීලනිප සාමාජිකයන්ද දැඩි කලකිරීමට පත්ව සිටීම එයට හේතුවයි. ශ්‍රීලනිපයේ සිය පක්ෂ සම්මෙලනය අඩුම තරමින් පනස්දහසක්වත් පාක්ෂිකයන් කැඳවා උත්සශ්‍රීයෙන් කළ යුතු කරුණක් වූවද මෙවර තෝරාගත් පාක්ෂිකයන් කිහිපදෙනෙකුගෙන් සැහීමකට පත් වීමට සිදුව තිබේ.
