නන්දසේනගේ මිලිටරි ජුන්ටාවත් ජාතිවාදී බලවේගත් ජාවාරම්කාර ව්‍යාපාරිකයන් කිහිප දෙනෙකුත් එකතු වී සිදු කළ මෙහෙයුමේ ප්‍රතිපලය ලෙස නන්දසේනව ජනාධිපතිධුර අපෙක්ෂකයා ලෙස නම් කිරීම හැර මහින්ද රාජපක්ෂට හො බැසිල් රාජපක්ෂට වෙනත් විකල්ප තීන්දු ගැනීමේ හැකියාවක් තිබුනේ නැත. මහින්ද ඒ ගැන කිවේ ඉල්ලපු නිසා දුන්නා කියාය. එසේම නන්දසේනගේ දේශපාලන ක්‍රියාන්විතය අඩපණ කිරීම සඳහාද කටයුතු කළ අතර සියලු මැතිවරණ මෙහෙයුම් තමන් අතට ගැනීමටද බැසිල් රාජපක්ෂ කටයුතු කළේය. පොදුජන පෙරමුණේ සංවිධාකයන් සහ නන්දසේනගේ මිලිටරි ජුන්ටාව අතර ගැ‍ටුම් කාරිත්වයක් මතුවීම දඩමීමා කරගෙන බැසිල් මෙම තීන්දුව ගන්නා ලදී. නන්දසේනට මාධ්‍යවේදීඉන් සමඟ සංවාද වලට යෑමද මේ වන විට තහනම් කර තිබේ.
පසුගිය දා පැවැති පොදුජන පෙරමුණේ තරුණ සමුළුව නන්දසේන පාර්ශ්වයේ සැලසුමක් අනුව ක්‍රියාත්මක වූවද එය මාධ්‍යට තහනම් කිරීමට පියවර ගත්තේ මහින්ද රාජපක්ෂගේ නියෝගයක් අනුවය. ඒ අනුව නාමල් රාජපක්ෂ සහ ඩලස් අලහප්පෙරුම මාධ්‍යවේදීන් ආපසු හරවා යැවීමට කටයුතු කරන ලදී. මෙයට හේතුව වූයේ නන්දසේන මාධ්‍යවේදීන් කුමක් හෝ කට කැඩිච්ච කතාවක් කියනු ඇති බවට වූ බිය නිසාය.
අනෙක් කාරණය නම් නන්දසේනගේ ප්‍රචාරක මෙහෙයුම තමන් අතට ගැනීම සඳහා නමල් , යෝශිත සහ රොහිත සැලසුම් කර තිබෙන අතර ඒ වෙනුවෙන් වන රුපියල් බිලියන 30ක පමණ වන ගනුදෙනු ඔවුන් අතට ගැනීමට ඒ අපේක්ෂාවෙන් කටයුතු කරයි.
මෙම සිදුවීම් නිසා පාර්ශ්ව දෙකෙහි ගැටුම උත්සන්න වූ අතර නන්දසේන පාර්ශ්වය නියෝජනය කරමින් ශෙහාන් සේමසිංහ මේ සම්බන්ධයෙන් ප්‍රසිද්ධියේ සමාව ගත්තෙය.
ඊයේ නන්දසේනගේ ප්‍රචාරක මෙහෙයුම බාරව කටයුතු කරන දෙරණ දිලිත් ජයවීරට අයත් emanisa වෙබ් අඩවියෙහි මේ සේමසිංහගෙ ප්‍රකාශය පළ කර ඇත්තේ ' ගෝඨාගේ විනය නිසා නැවතත් පොහොට්ටුව සුවඳ කරයි..' යනුවෙනි. එනම් එහි තේරුම ගොඨා නැත්නම් පොහොට්ටුව ගඳ ගහන බවය.
මේ අනුව ඉදිරි කාලය තුල මෙම දෙපාර්ශ්වයේ ගැටුම තව දුරටත් තිව්‍ර වෙනු ඇත.එසේම මහින්ද රාජපක්ෂ සහ අගමැති රනිල් වික්‍රමසිංහ එකඟතාවයක් මත අවබෝධයෙන් යුතුව යම් දේශපාලන මෙහෙයුමක නිරතව සිටීම ගැනද නන්දසේන පාර්ශ්වයේ අසතුටට හේතු වී ඇත. නන්දසේන පාර්ශ්වයේ කැමැත්ත වී ඇත්තේ සජිත් ප්‍රේමදාස එජාප අපේක්ෂකයා ලෙස පැමිණීමය .ඔවුන්ගේ ගනන් තැබීම අනුව සිංහල බෞද්ධ ඡන්ද වලින් සජිත්ව පරාජය කිරීමට හැකි බව පැවැසේ.
එහෙත් මහින්ද පාර්ශ්වය දිගින් දිගටම රනිල් වික්‍රමසිංහගෙන් ඉල්ලා ඇත්තේ සජිත් පැමිණීම වලක්වන ලෙසත් රනිල් වික්‍රමසිංහ හෝ වෙනත් ප්‍රබල පොදු අපේක්ෂකයකු ඉදිරිපත් කරන ලෙසය. තතු දත් ආරංචි මාර්ග පවසන්නේ සජිත්ට ජය ගැනීමේ හැකියාවක් ඇති නිසා එය තමන්ගේ දේශපාලන ජීවිතයට එය තදින් බලපානු ඇති බවය. සජිත් සහ රාජපක්ෂලා අතර පවතින පරණ දේශපාලන කොන්තර නිසා තමන්ගෙන් පළිගැනීමට ඔහු කටයුතු කරනු ඇති බවට බියකින් මහින්ද පෙළෙන බව පැවැසෙයි. එසේම නන්දසේනව පරාජය කර, රනිල් හෝ ඔහුගේ පාලනය යටතේ සිටින්නකු ජනාධිපති වීම තමන්ගේ ආරක්ෂාව සහතික කිරීමට හේතුවනු ඇති බව මහින්දගේ විශ්වාසය වී තිබේ. එම වුවමනාව වෙනුවෙන් මහින්ද පාර්ශ්වය කටයුතු කරමින් සිටී. උද්දච්ඡ හිතුවක්කාර නන්දසේන අතට බලය ගියහොත් ඔහුව පාලනය කිරීමෙ හැකියාවක් නොමැති බව මහින්ද රාජපක්ෂ පවුලේ විශ්වාසය වී තිබේ. පසුගිය ආණ්ඩු සමයේදී නන්දසේනගේ ත්‍රාඩ හැසිරීම් තමන්ගේ පාරාජයට හේතු වූ බව මහින්දගේත් බැසිල්ගේත් මතය වී තිබේ. එකල ආණ්ඩුවේ නිල නොවන ජනාධිපති ලෙස නන්දසේනව හැඳින්වීම මැතිඇමැතිවරුන්ගේ පුරුද්ද විය. පසුගියදා බැසිල් රාජපක්ෂ පුවත් පතකට සාකච්ඡාවක් දෙමින් පවසා තිබුණේද නන්දසේන දේශපාලකයකු නොවන නිසා ඔහු ජයග්‍රණය කොළොත් ආණ්ඩු පාලනය තමන් යටතට ගන්නා බවය.
