මේ අනුව ශ්‍රීලනිපයේ සහයොගය ලබා ගැනීම වෙනුවෙන් පොදුජන පෙරමුණ විසින් ගෙන ගිය මෙහෙයුම අඩාලවී ඇත. අද සවස බැසිල් රාජපක්ෂ ශ්‍රිලනීප නියොජිතයන් සමඟ කළ සාකච්ඡාව ද අසාර්ථකව නිම වී තිබිණි. පොදු ජන පෙරමුණට ජනාධිපතිවරණය ජය ගැනීමට නම් ශ්‍රීලනීපයේ සහයෝගය අත්‍යවශ්‍යව තිබේ. සුළු ජන පක්ෂ වල සහහෝගය ලබා ගැනීමේ දුෂ්කර තාවය නිසා පොදු ජන පෙරමුණ ශ්‍රීලනිපයේ සහය තදින්ම අපේක්ෂා කරයි.
එසේම එජාපයේ අපේක්ෂකයාටද ශ්‍රිලනිපය සතුව තිබෙන ලක්ෂ 14 ක පමන ජන්ද ගොඩ ලබා ගැනිමෙන් තොරව ජයග්‍රහණය ගැන කල්පනා කළ නොහැක. ජනාධිපතිවරණයේදී සියයට 50 ඉක්මවා ලබා ගැනීම එක් පාර්ශ්වයක් වඩාත් ශක්තිමත් වීම සිදු විය යුතුය. මෙතෙක් ඉතිහාසයේ ජනාධිපතිවරන සටන දෙපාර්ශ්වයක සටනක් බවට පත්ව තිබුණු නමුදු මෙවර එය ප්‍රධාන පාර්ශ්ව 3 ක 4 ක සටනක් බවට පත් වීමෙහි පවතින ඉඩ කඩ නිසා සියයට 50 සීමාව ඉක්මවා යෑම එකදු පාර්ශ්වයකට හෝ පහසු නොවනු ඇත. මේ නිසා ශ්‍රිලනිපයේ සහය කවර හෝ පාර්ශ්වයකට ලබා ගැනීම අතිශයින්ම වැදගත් වෙනු ඇත.
එහෙත් ජනාධිපතිවරයා මේ මොහොතේදී ශ්‍රීලනීපය නිශ්ක්‍රීය කිරීමට ගෙන තිබෙන තීරණය නිසා අනෙක් කවර පාර්ශ්වයකට හෝ සිය ජයග්‍රහණය ගැන බලාපොරොත්තු තබ ගැනීමේ අවස්ථාව අහිමි කොට තිබේ.
