ඒ අනුව 2019 අගෝස්තු 28 වන දින ලැබුන තොරතුරු අනුව අමාත්‍යවරුන් 8දෙනෙකු වත්කම් බැරකම් ප්‍රකාශ ලබාදී නොමැති බැවින් 2019 සැප්තැම්බර් 10 වන දින අල්ලස් හෝ දූෂණ චෝදනා විමර්ශන කොමිෂන් සභාව වෙත පැමිණිල්ලක් ඉදිරිපත් කරන ලදී.
චෝදනා ලැබූ අමාත්‍යවරුන්
සජිත් ප්‍රේමදාස මහතා
නවීන් දිසානායක මහතා
හරීන් ප්‍රනාන්දු මහතා
එම් එච් ඒ හලීම් මහතා
අකිල විරාජ් කාරියවසම් මහතා
රවී කරුණානායක මහතා
ගයන්ත කරුණාතිලක මහතා
මනෝ ගනේෂන් මහතා
නීති තත්වය - මුල් වත්කම් බැරකම් ප්‍රකාශය
වත්කම් බැරකම් ප්‍රකාශන පනතේ 3(2) වගන්තිය අනුව අමාත්‍යධුරයට පත් වූ අයෙක් පත්වූ දිනයේ පවතින වත්කම් හා බැරකම් පිලිබද ප්‍රකාශයක් එම තනතුරට පත්වීමෙන් මාස 3ක් තුල භාරදිය යුතුය පනතේ 4(අ) ෂෂ වගන්තියට අනුව අමාත්‍යවරුවන් වත්කම් බැරකම් ප්‍රකාශ භාරදිය යුත්තේ ජනාධිපතිවරයාටය.
වාර්ෂික වත්කම් බැරකම් ප්‍රකාශ
ඉන් පසුව වාර්ෂික වත්කම් බැරකම් ප්‍රකාශ භාරදීම පිලිබදව ප්‍රතිපාදන ඇතුලත් වන්නේ 1988 අංක 74 දරණ සංශෝධනය මගින් සංශෝධිත 1975 අංක 1 දරණ වත්කම් බැරකම් ප්‍රකාශ කිරීමේ පනතේ 3(3) වගන්තිය
කැබිනට් මණ්ඩලය දිවුරුම් දීම හා වත්කම් බැරකම් ප්‍රකාශ භාරදීමේ වගකීම
නව අමාත්‍ය මණ්ඩලය දිවුරුම් දුන්නේ 2018 දෙසැම්බර් මාසයේදීය. ඒ අනුව වත්මන් කැබිනට් අමාත්‍යවරුන් අමාත්‍යවරුන් ලෙස මාස 3ක් ඇතුලත ගරු ජනාධිපතිතුමා වෙත වත්කම් බැරකම් ප්‍රකාශ භාරදිය යුතුය. ඒ අනුව අමාත්‍යවරුන් ලෙස දිවුරුම් දුන් පසු වත්කම් බැරකම් ප්‍රකාශයන් භාර දී තිබේ නම් 2019 වර්ෂයට අදාලව නැවත වරක් වත්කම් බැරකම් ප්‍රකාශ නිකුත් කිරීමේ අවශ්‍යතාවක් නැත. මක් නිසාද? මාර්තු මස 31 වනදිනට පෙර මාස 6ක කාලයක් ඇතුලත එක් වත්කම් ප්‍රකාශයක් ලබාදී තිබේ නම් එම වර්ෂයට නැවත වත්කම් බැරකම් ප්‍රකාශයක් ලබාදිය යුතු නැත (ට්‍රාන්ස්පේරන්සි ඉන්ටර්නැෂනල් ශ්‍රි ලංකා ඉල්ලා ඇත්තේ 2018/2019 වර්ෂයට අදාල වත්කම් බැරකම් ප්‍රකාශ ලබාදීම්ය)
බලන්න- https://www.tisrilanka.org/failure-to-submit-asset-declarations-tisl-files-complaint-against-8-cabinet-ministers/
එසේම හලීම් අමාත්‍යවරයා අප්‍රේල් 21 වනදා ප්‍රහාරයෙන් පසුව ජූනි මස 30 වනදාට පෙර අමාත්‍යධූරයෙන් ඉවත් වී ඇති බැවින් ඔහු සම්බන්ධ නීතිමය තත්වය වඩාත් වෙනස් වේ.
එම නිසා මෙම අමාත්‍යවරුන් 2018 දෙසැම්බර් මාසයේදී අමාත්‍යවරුන් ලෙස දිවුරුම් දීමෙන් අනතුරුව වත්කම් බැරකම් ප්‍රකාශය 2019 මාර්තු 31 වන දිනට පෙර මාස 6ක කාලසීමාවක් තුල වත්කම් බැරකම් ප්‍රකාශ ලබාදී තිබේ නම් නැවත 2019 ජූනි මස 30 වනදිනට පෙර වත්කම් බැරකම් ප්‍රකාශයක් භාරදීමේ නීතිමය වගකීමක් නැත
