අග්‍රාමාත්‍යවරයා එම උපදෙස් ලබා දී ඇත්තේ ඊයේ (14) දින නාගරික සංවර්ධන අධිකාරියේ ව්‍යාපෘති සම්බන්ධයෙන් එම අධිකාරියේ නිලධාරීන් සමග පැවති සාකච්ඡාවකදී බවයි අග්‍රාමාත්‍ය මාධ්‍ය ඒකකය සඳහන් කරන්නේ.
ඉදිවෙන නිවාස 7500න් 4000ක් අඩු පහසුකම් ජනාවාසවල ජීවත්වන්නන් සදහාත්,නිවාස 3000ක් මධ්‍යම පාන්තිකයින් සඳහාත් වෙන් කිරීමට නියමිතයි.
මධ්‍යම පාන්තිකයන් සඳහා නිවාස ලබාදීමේදී අවම මූලික ගෙවීමකින් නිවාස හිමිකම් ලබා දීමේ ක්‍රමවේදයක් සකස් කරන ලෙසත් නාගරික සංවර්ධන අධිකාරියේ නිලධාරින්ට අගමැතිවරයා උපදෙස් දී ඇත. ඒ අනුව මධ්‍යම පාන්තික නිවාස ව්‍යාපෘති ක්‍රියාත්මක කිරීමේදී නිවාසලාභීන්ට වසර 30ක් දක්වා සියයට 6.25ක පොලී අනුපාතයක් යටතේ නිවාස ලබාදීමටත් සාකච්ඡාවේදී තීරණය වී තිබෙනවා.
සාකච්ඡාව අවසානයේ මෙම මස අවසන්වීමට පෙර අදාළ නිවාස ව්‍යාපෘතිය ආරම්භ කිරීමට නාගරික සංවර්ධන අධිකාරිය එකඟතාව පළකර ඇති බවයි සදහන් වන්නේ. විවිධ ආධාර යටතේ ලැබෙන නිවාස ව්‍යාපෘති උතුරේ, දකුණේ හෝ වතුකරයේ ජනතාව සඳහා පමණක් නොව රට පුරා සියලු සාමාන්‍ය ජනතාව සඳහා බෙදී යා යුතු බවත් විවිධ ආධාර යටතේ ලැබෙන නිවාස ව්‍යාපෘති උතුරේ, දකුණේ හෝ වතුකරයේ ජනතාව සඳහා පමණක් නොව රට පුරා සියලු සාමාන්‍ය ජනතාව සඳහා බෙදී යා යුතු බවත් අගමැතිවරයා අවධාරණය කර තිබෙනවා.
