ඒ අනුව මෙම පිරිස ගුවන්තොටු‍පොළේදී විශේෂ පරීක්ෂාවකට ලක් කිරීමට වෛද්‍යවරුන්, මහජන සෞඛ්‍ය පරීක්ෂකවරුන් හා හෙදියන් ඇතුළු සෞඛ්‍ය කාර්ය මණ්ඩලයේ විශාල පිරිසක් යෙදවීමට කටයුතු කර තිබේ.
උණ, කැස්ස, සෙම්ප්‍රතිශ්‍යව, ඇතුළු රෝග ලක්ෂණ ඇත්නම් එවැනි රෝගීන්ව විශේෂයෙන්ම සැකසූ ගිලන් රථයකින් උණ රෝහල (අයි.ඩී.එච්) වෙත ගෙන යාම සඳහා සූදානම් කර ඇත.
ඉබෝලා රෝග ලක්ෂණ ඇති පුද්ගලයින් හමු වුවහොත් ඔවුන්ට ප්‍රතිකාර කිරීම සඳහා වෛද්‍යවරුන් ඇතුළු කාර්ය මණ්ඩලයට විශේෂ ආරක්ෂිත ඇඳුම් කට්ටලයක් ලබා දී ඇති අතර පැය 24 පුරාම ක්‍රියාත්මක මෙම ඒකකය සඳහා අනුයුක්ත කර තිබෙන බව ගුවන් තොටුපළේ විශේෂ මෙහෙයුම් ඒකකයේ අධ්‍යක්ෂ එච්.දෙනුවර මහතා පෙන්වා දෙයි.
මේ අතර නැවත දැනුම් දෙනතුරු ලයිබිරියාවට ශ්‍රමිකයින් යැවීම අත්හිටුවා ඇත.
මේ වනවිට ඉබෝලා වෛරසයෙන් මියගිය සංඛ්‍යාව
කෙන්යාව 367
ලයිබිරියාව 294
සියරා ලියොන් 298
නයිජීරියාව 02
මුළු සංඛ්‍යාව 961
