මේ වන න විට රාජ්‍ය මුද්‍රණ සංස්ථා මුද්‍රණාලයෙහි මෙය මුද්‍රණය වෙමින් පවතී. මෙහි සාක්ෂි සටහන් කොටස පමණක් පිටු 40,000ක පමණ වන බවත් සඳහන් වේ.
පසුගිය 2019 වසරේ අප්‍රේල් 21 වන පාස්කු දින මෙම ප්‍රහාරය එලල් වූ අතර මෙම ප්‍රහාරයේ ප්‍රධාන සැකකරුවන් සියලු දෙනා එම ප්‍රහාරයත් සමඟ මිය ගියේය. මෙම ප්‍රහාරයට අනුබල දුන් යැයි සැක කෙරෙන තවත් කිහිපදෙනෙකු තවදුරටත් අපරාධ පරීක්ෂණ දෙපාර්තමේන්තුව රඳවාගෙන සිටී. පාස්කු කොමිසම හිටපු ජනපති මෛත්‍රීපාල සිරිසේන විසින් පිහි‍ටුවනු ලැබූ අතර වත්මන් ජනාධිපතිවරයාද එම කොමිසමෙහි කාලය දීර්ග කරමින් අදාල විමර්ශනයන්ට පහසුකම් ලබා දීමට කටයුතු කරන ලදී.
එහෙත් මාධ්‍ය මඟින් හෙළිකරණු ලැබූ මෙම කොමිසම හමුවේ ලැබුණු සාක්ෂි මත මෙම ප්‍රහාරයෙහි වගකිව යුත්තන් කවුද යන්න ගැන තව දුරටත් කුකුසක් සමාජය තුල පවතී. එම නිසා මෙම කොමිසම් සභා වාර්තාව අවසන් වරට කරන තීරණ සහ නිර්දේශයන් කෙරෙහි මෙරට පමණක් නොව විදේශයන් වලද විශාල උනන්දුවක් පවතී.
මෙම ප්‍රහාරට වගකිව යුතු යැයි චෝදනා කරමින් අමරිකාව සැකකරුවන් තිදෙනෙකුට නඩු පවරා ඇති අතර එම අය අපරාධ පරීක්ෂණ දෙපාර්තමේන්තුව විසින් රඳවාගෙන සිටී.
කොහොම නමුත් අපරාධ පරීක්ෂණ දෙපාර්තමේන්තුව මඟින් කළ විමර්ශනයේදී පුද්ගලයන් 32 කුට එරෙහිව නඩු පැවැරීම සඳහා එම වාර්තාව මේ වන විටත් නීතිපති දෙපාර්ථමේන්තුවට් බාර දී තිබේ.
