බැංකු ණය ගෙවා ගැනීමට නොහැකි වූ ව්‍යවසායකයින්ගේ දේපළ අත්පත් කර ගැනීම තාවකාලිකව අත්හිටුවීම සම්බන්ධයෙන් මුදල් අමාත්‍යංශයේ පැවැති සාකච්ඡාවකට එක්වෙමින් අග්‍රාමාත්‍යවරයා මේ බව සඳහන් කර තිබේ.
එසේම ව්‍යවසායකයින්ගේ මූල්‍ය ගැටලුවලට සහන ලබාදීම සම්බන්ධයෙන් මුදල් අමාත්‍යංශය, මහ බැංකුව සහ අදාළ බැංකු සමඟ එක්ව අවසන් තීන්දුවකට එළැඹෙන ලෙස ද අග්‍රාමාත්‍යවරයා උපදෙස් දී ඇත.
දීර්ඝ කාලයක් තිස්සේ මෙවැනි ගැටලු පවතින නිසා කිසිදු පාර්ශ්වයකට අවාසියක් සිදු නොවන ආකාරයට ඒවා විසඳීම වැදගත් බව එහිදී අග්‍රාමාත්‍යවරයා අවධාරණය කර ඇත.
බැංකු ණය ගෙවා ගැනීමට නොහැකි පාර්ශ්ව සඳහා සහ බැංකු පාර්ශ්වය සඳහා අසාධාරණයක් නොවන ආකාරයේ ගැටලු විසඳා දෙන රජයේ මැදිහත්වීමක් අවශ්‍ය බව පෙන්වා දුන් අගමැතිවරයා ඒ වෙනුවෙන් නෛතික බලයක් සහිත රජයේ ආයතනයක් හෝ බලධාරියෙකු සේවයේ පිහිටුවීම පිළිබඳව අවධානය යොමුකරන ලෙස ද උපදෙස් දී ඇත. ඒ ඔස්සේ ලීසිං ඇතුළු එක් එක් ක්ෂේත්‍රවල අදාළ පාර්ශ්ව සඳහා සහන ලබා දීමේ හැකියාව පවතින බව ද අගමැති එහිදී ප්‍රකාශ කර තිබේ.
-පංචාලි අබේසේකර
