එක්සත් ජාතික පක්ෂය, හමුදාව පාවා දීමට කිසිදිනෙක ඉඩ නොතබන බවද මන්ත්‍රීවරයා අවධාරණය කර සිටියි.
ඔහු එම කාරණය සඳහන් කරනු ලැබුවේ 'සිරිකොත' එජාප මුලස්ථානයේ අද (13) පැවැති මාධ්‍ය හමුවකදීය.
ඔහු එහිදී මෙසේද සඳහන් කළේය.'මම විදේශ ඇමැතිවරයා වශයෙන් සිටියදී තමයි එල්.ටී.ටී.ඊ.ය වැඩියෙන් මුදල් හොයපු යුරෝපීය සංගමය තුළ තහනමක් ලබාගත්තේ. රටවල් 25ක එල්.ටී.ටී.ඊ. තහනම මම එදා විදේශ ඇමැතිවරයා ලෙස ලබාගත්තා. එම තොරතුරු තවමත් මා සතුව තිබෙනවා. එම නිසා මම තවත් පුළුල්ව සාකච්ඡා කරලා සමහර විට එල්.ටී.ටී.ඊ.ය සම්බන්ධයෙන් සහ එල්.ටී.ටී.ඊයේ මුදල් සම්බන්ධයෙන් සාක්ෂිදීමට මම ඉදිරිපත් වෙන්න පුළුවන්. නමුත් මේ සම්බන්ධයෙන් අපි ඉදිරියේදී විශේෂ හෙළිදරව්වක් කිරීමට බලාපොරොත්තු වෙනවා. අපි නැවතත් කියන්නේ එක්සත් ජාතික පක්ෂය කිසිසේත්ම හමුදාව පවා දෙන්නේ නැහැ'
